Dagblaðið Vísir - DV - 16.08.2013, Blaðsíða 40
40 Lífsstíll 16.–18. ágúst 2013 Helgarblað
Manuela ætlar
sér stóra hluti
n Alltaf þegar ég rekst á hann, þá brosi ég smá n Kjóll frá Balmain væri toppurinn
M
anuela Ósk Harðardóttir
mun hefja nám í fata-
hönnun í haust við Lista-
háskóla Íslands. Hún á tvö
börn, þau Jóhann Grétar,
átta ára, og Elmu Rós, þriggja ára. Á
heimilinu er líka kötturinn Tóta og
hundurinn Koddi. Manuela var gift
knattspyrnumanninum Grétari Rafni
Steinssyni í ein fjögur ár og bjuggu þau
í Manchester á Bretlandi þann tíma.
Þau skildu árið 2011 og þá fluttist hún
til Íslands ásamt börnum sínum og
hefur hún búið sér og sínum glæsi-
legt heimili í Áslandinu í Hafnarfirði.
Manuela er mikill fagurkeri og klæð-
ir sig smart en þó látlaust. Hún hefur
gott auga fyrir tísku og fallegum hlut-
um. Manuela tók á móti blaðamanni
DV og var klædd í gallabuxur, blá-
ar Louis Vuitton-mokkasíur og Ralph
Lauren-blazer-jakka. Hún er yfirveguð
og segist hafa það mottó að sýna ávallt
öðrum virðingu og hlýju sama á hverju
gengur. Manuela ræddi um tískuna,
framtíðarplanið og rauða kjólinn sem
hnefaleikakappinn Tyson gaf henni.
Hvenær kviknaði áhugi þinn á tísku?
Ég held að áhuginn hafi alltaf verið
til staðar, alla vega miðað við hvern-
ig mamma lýsir mér sem krakka. Ég
safnaði vasapeningunum og keypti
mér tískublöð, klippti út myndir og
límdi upp um alla veggi og hafði alltaf
miklar skoðanir á því hvernig ég var
klædd. Áhuginn hefur svo alltaf auk-
ist og verður líklega í sögulegu há-
marki í vetur.
Hvaða hönnuðir eru í upp-
áhaldi og af hverju? Það
eru alveg rosalega margir
hönnuðir í uppáhaldi hjá
mér – og mér finnst mjög
erfitt að velja úr – en ætli
Riccardo Tisci, Isabel Mar-
ant og Phoebe Philo séu
ekki efst á blaði þessa dag-
ana. Ég er algjörlega sjúk
í Givenchy – sérstaklega
herralínuna.
Hverju þurftir þú að skila
inn við umsókn þína í
fatahönnun HÍ? Ég þurfti
að skila inn umsókn og
möppu, en í henni voru
teikningar, ljósmyndir, úrklippur og
í raun allt sem ég hef gert og skapað
sem mér fannst lýsa mér og því sem
mig langar að gera.
Áttu enn rauða kjólinn fræga og hef-
ur þú einhvern tímann pælt í að selja
hann? Já, ég á hann enn og nei, ég sé
engan tilgang í að selja hann. Hann
hangir inni í skáp heima hjá ömmu
minni þannig að ég gleymi honum
oft. Alltaf þegar ég rekst á hann, þá
brosi ég smá.
Hvert stefnir þú með þína hönnun i
framtíðinni? Ég stefni auðvitað sem
lengst. Ég á mér stóra drauma sem
ég ætla mér að láta rætast. Maður
verður að vera ákveðinn og einbeittur
því tískubransinn er ekki það auð-
veldasta að kljást við.
Hvað ættu allar konur að eiga í fata-
skápnum í haust að þínu mati?
Mér finnst erfitt að setja allar konur
undir sama hatt en ég held að góð
og hlý úlpa eða kápa sé nauðsynleg
flík fyrir allar íslenskar konur. Sjálfa
langar mig mest í mokkajakka og
stóra loðhúfu fyrir veturinn.
Þér er boðið á stefnumót með stutt-
um fyrirvara. Hvað gerir þú og í hvað
ferðu? Ég fer í svartar gallabuxur með
flottu belti, ljósa silkiskyrtu, leður-
jakka og svarta pinnahæla. Svo
set ég á mig rauðan varalit og
passa að hárið sé í lagi. Það er
mjög nauðsynlegt.
Í hverju myndir þú bara alls ekki
láta sjá þig? Maður á víst aldrei
að segja aldrei – en ég sé mig ekki
fara í magabol í nánustu framtíð.
Einhver tískuslys af þinni hálfu
í fortíðinni? Já, heldur betur, en
mér finnst það allt í lagi, því á þeim
tíma fannst mér ég hrikalega smart
í Buffalo-skóm, öfugri joggingpeysu
(mögulega tveimur í einu!) og gólf-
síðu glanspilsi.
Dýrmætasta flíkin í fataskápnum er?
Ég á fullt af fallegum hlutum sem mér
þykir mjög vænt um eins og til dæm-
is handtösku frá Hermés sem ég gaf
sjálfri mér eftir að hafa staðið mig vel
í mjög erfiðum aðstæðum í mínu lífi.
Hvað langar þig til að eignast mest af
öllu í fataskápinn? Ég verð að segja
kjól frá Balmain. Það væri toppurinn.
Uppáhaldshlutir þínir í fata- og skart-
skápnum eru? Svarti leðurjakkinn
minn sem passar alltaf við allt. Síða
loðvestið mitt sem er líklegast mest
notaða flíkin í skápnum mínum, svart-
ir klassískir Louboutin-skór, hvítu
Isabel Marant-buxurnar mínar og allir
Nike-skórnir mínir. n
Íris Björk Jónsdóttir
blaðamaður skrifar iris@dv.is
Hvítar og smart Þessar buxur eru ein af
uppáhaldsflíkum hennar.
Nike er toppurinn Manuela á mörg pör af
Nike-skóm. Þessir skora hátt á vinsælalistanum.
Töskufrík Manuela á fallegt safn af töskum.
Balmain Efst á óskalista Manuelu er kjóll
frá Balmain. MyNd MoNica Feudi/FeudiguaiNeri
.coM
Klassík Síða loðvestið er flík sem
Manuela notar mikið og lakkskórnir eru
hennar uppáhald.
glæsilegt Manuela hefur búið sér og börnum
sínum glæsilegt heimili þar sem fagurkerinn í
henni kemur vel fram.
Falleg
mæðgin
Manuela
ásamt syni
sínum Jóhanni
Grétar, átta
ára. MyNdir KrisTiNN
MagNússoN