Dagblaðið Vísir - DV - 15.04.2014, Qupperneq 2

Páskablað 15.–22. apríl 20142 Fréttir
heitir pottar
Auðbrekku 6 · Kópavogi · Sími 565 8899 · www.normx.is
Við hjá NormX höfum framleitt heita potta í yfir 30 ár fyrir
íslenskar aðstæður. Við bjóðum fjölda gerða og lita ásamt öllu
því sem tilheyrir til að koma sér upp glæsilegum heitum potti
á verði sem kemur skemmtilega á óvart.
GERÐU VERÐ-SAMANBURÐ
Þau berjast
um stöðuna
Búið er að skera niður umsækj-
endahópinn sem sótti um starf
fréttastjóra RÚV niður í fjóra.
Kjarninn greinir frá þessu, en þar
kemur fram að þeir fjórir sem
eftir eru, af þeim tólf sem sóttu
um, séu allt núverandi og fyrr-
verandi starfsmenn RÚV. Það
eru varafréttastjórarnir Sigríður
Hagalín Björnsdóttir og Rakel
Þorbergsdóttir, Ingólfur Bjarni
Sigfússon, fráfarandi yfirmaður
nýmiðladeildar RÚV, og Svavar
Halldórsson, fyrrverandi frétta-
maður hjá RÚV.
Fengu 500
þúsund myndir
Nýlega barst Byggðasafni Hafnar-
fjarðar gjöf frá Ljósmyndastofunni
Mynd sem starfaði í bænum um
árabil. Um er að ræða filmusafn
ljósmyndastofunnar frá árunum
1984–2006, rúmlega hálf milljón
ljósmynda. Byggðasafnið hefur á
undanförnum árum unnið að því
að safna og varðveita gamlar ljós-
myndir og er þetta því stór viðbót
í safnið. Ljósmyndastofan var alla
tíð í Hafnarfirði og var hún rekin
af ljósmyndurunum Bjarna Jóns-
syni og Grétu Björgvinsdóttur.
Páskarnir
hafa áhrif
Umferði í mars dróst verulega
saman í Hvalfjarðargöngum
frá sama mánuði 2013. Spölur,
sem rekur Hvalfjarðargöng,
segir að erfitt sé að byggja
á þeirri tölfræði, enda voru
páskar í fyrra að mestu í mars-
mánuði, en í ár eru þeir um
miðjan apríl. Um 12 þúsund
færri bílar fóru um Hvalfjarðar-
göng í mars nú en í fyrra, sem
er 8,4% fækkun milli ára.
K
ona sem vann í fangelsinu á
Litla-Hrauni, en hætti eftir að
hún var áreitt kynferðislega af
samstarfsmanni sínum, hefur
sótt um vinnu á ný hjá Fangelsismála-
stofnun.
Samkvæmt upplýsingum DV sæk-
ist konan þó ekki eftir starfi á Litla-
Hrauni heldur í opnu fangelsi á veg-
um Fangelsismálastofnunar. Hún
mun að líkindum taka til starfa fljót-
lega ef samkomulag næst milli henn-
ar og stofnunarinnar.
Líkt og fram hefur komið sagðist
konan hafa hrökklast úr vinnu eftir
að hún var áreitt kynferðislega í janú-
ar 2013. Áreitið fólst í því að yfirmað-
ur hennar á Litla-Hrauni strauk yfir
brjóst hennar á vinnutíma. Heimildir
DV herma að konan hafi upplifað það
af hálfu samstarfsfélaga að málið væri
smámál sem óþarfi væri að bregðast
of hart við. Þetta varð til þess að hún
átti mjög erfitt uppdráttar á vinnu-
staðnum og upplifði mikið varnar-
leysi eftir atvikið.
Hún var mjög ósátt við meðferð
Litla-Hrauns og Fangelsismálastofn-
unar á málinu og lét af störfum hálfu
ári síðar. Hún kærði manninn í kjöl-
farið sem svo var ákærður og dæmd-
ur í mars síðastliðnum til skilorðs-
bundins fangelsis í einn mánuð. Þá
bar honum að greiða konunni 170
þúsund krónur í bætur. Hann hefur
verið í veikindaleyfi að undanförnu
en ákvörðun um áframhaldandi störf
hans á Litla-Hrauni hefur ekki ver-
ið tekin samkvæmt heimildum DV.
Hann starfaði áfram á Litla-Hrauni
þrátt fyrir ákæruna. n
Vill vinna í fangelsi
Hætti eftir að hafa verið áreitt kynferðislega af samstarfsmanni sínum
Vill starf Konan hefur sóst eftir því að fá
aftur vinnu hjá Fangelsismálastofnun.
F
ann öryggissíma Íslands
til hernaðarbandalagsins í
dag, spurning hvort búið sé
að svelta UTN of mikið?#t-
gifriday,“ segir aðstoðar-
kona Gunnars Braga Sveinssonar
utanríkisráðherra, Sunna Gunnars
Marteinsdóttir, í texta við mynd af
gömlum öryggissíma Íslands til
NATO sem er að finna í utanríkis-
ráðuneytinu. Myndina birti Sunna
Gunnars á Facebook-síðu sinni í
síðustu viku.
Myndin vakti athygli netnot-
enda og vöknuðu spurningar um
öryggissímann, til dæmis hvort
einhverjar verklagsreglur giltu um
hann. „Ertu að meina græna sím-
ann?“ spyr Sunna í samtali við
blaðamann DV. Hún er mágkona
Sigmundar Davíðs Gunnlaugs-
sonar forsætisráðherra og er hún
menntuð í almannatengslum.
Netnotkun aðstoðarmanna
Gunnars Braga Sveinssonar hefur
áður vakið athygli en DV hefur
greint frá því að hin aðstoðarkona
Gunnars Braga, Margrét Gísla-
dóttir, hafi slegið á létta strengi á
internetinu, meðal annars á fundi
á vegum utanríkisráðuneytisins
á eyjunni Balí í Indónesíu í lok
síðasta árs.
„Fuck my life“
Margrét birti tíst á samskiptavefn-
um Twitter frá fundinum á Balí
sem skilja mátti sem svo að henni
leiddist nokkuð. Tístið var merkt
með merki (hashtag) tveggja Twitt-
er-síðna þar sem notendur sam-
skiptamiðilsins geta birt staðhæf-
ingar um að þeim leiðist. „Hér sit
ég að ræða gjaldeyrishöft, verð-
tryggingu og skuldaleiðréttingu
við Belga, Dana, Mauritusbúa og
Indónesíumann #FML #ishould-
getamedal
„FML“ er skammstöfun á „Fuck
my life“ og hafa ýmsir Twitter-not-
endur sett ýmsar lýsingar á leiðin-
legum kringumstæðum í sínu lífi
inn á síðuna með þessu merki.
„ishouldgetamedal“ er hins vegar
síða þar sem notendur Twitter
geta birt lýsingar á aðstæðum sem
þeim þykja svo leiðinlegar að þeir
ættu að fá verðlaun fyrir að umbera
þær. Báðar þessar síður á Twitter
eru því vettvangur fyrir lýsingar á
leiðindum.
Síminn ótengdur
Sunna Gunnars segir að öryggis-
sími Íslands til NATO sé ekki
tengdur lengur og því ekki í notk-
un. „Það er smá misskilningur í
gangi. Hann virkar ekki þessi sími.
Hann gerir ekki neitt. Þetta er bara
eitthvað gamalt dót, hann er bara
þarna á einni skrifstofunni hjá ein-
um starfsmanninum,“ segir Sunna
Gunnars í samtali við DV.
Aðspurð segir Sunna að
einungis hafi verið um að ræða grín
sem hún deildi með vinum sín-
um á samskiptavefnum Facebook.
„Já, þetta var bara grín með vin-
um mínum. Þetta var bara af því
ég var sjálf með pælingar þegar ég
sá þennan síma. Mér fannst þetta
bara fyndið,“ segir Sunna sem seg-
ir að síminn sé ekki það eina sem
vakið hefur athygli hennar og
kátínu á skrifstofum starfsmanna
utanríkisráðuneytisins. „Það eru
líka lundar inni á skrifstofunum
okkar, uppstoppaðir lundar,“ segir
Sunna og hlær.
Keyptu fjarskiptatæki
fyrir milljón
DV greindi frá því fyrir skömmu
að aðstoðarkonur Gunnars Braga,
þær Sunna og Margrét, hefðu feng-
ið fjarskiptatæki frá ráðuneytinu
fyrir um milljón krónur samtals
þegar þær hófu störf í ráðuneytinu.
Um var að ræða nýjar iPad-spjald-
tölvur, iPhone-síma og Macbook
Air-fartölvur. n
„Fannst þetta
vera fyndið“
n Birti mynd af gömlum NATO-síma nNetnotkun aðstoðarmanna vekur athygli
Áhugverð netnotkun Aðstoðarkonur
Gunnars Braga hafa vakið athygli fyrir
netnotkun sína. Mynd FraMSóKnarFloKKurinn
ingi Freyr Vilhjálmsson
ingi@dv.is
„Það eru líka lundar
inni á skrifstofun-
um okkar, uppstoppaðir
lundar.
Græni síminn Aðstoðarkona Gunnars Braga birti mynd af fornfálegum öryggissíma í
ráðuneytinu á netinu og spurði hvort ekki væri búið að skera nóg niður hjá ráðuneytinu.
Grín með vinum Sunna Gunnars segir
myndbirtinguna hafa verið grín með vinum
sínum á Facebook.