Dagblaðið Vísir - DV - 15.04.2014, Síða 4

Páskablað 15.–22. apríl 20144 Fréttir
Fæst í apótekum, heilsubúðum, Krónunni og Celsus, Ægisíðu 121
Algjört orku- og næringarskot
„ Með því að taka Lifestream Spirulina og AstaZan
eykst krafturinn yfir daginn í vinnunni og æfingar
seinni part dags eru ekkert mál. Vöðvarnir eru
fljótari að ná sér eftir æfingar. Það að taka auka
Spirulina sem er lífrænt fjölvítamín, fyrir leik
er algjört orku- og næringarskot. Spirulina er
líka frábær vörn gegn kvefi og flensum.“
Steinunn Erla Sigurgeirsdóttir
leikskólakennari og landsliðskona í íshokkí.
lífræn bætiefni fyrir alla - heilsa til framtíðar
TREYSTI Á
LIFESTREAM
BÆTIEFNIN!
Apótek, heilsubúðir, Krónan, Hagkaup, Viðir, N ttó og Fríhöfnin.
365 hefur brugðið
fæti fyrir Stórveldið
F
jölmiðlafyrirtækið 365 hefur
ítrekað reynt að bregða fæti
fyrir sjónvarps- og fram-
leiðslufyrirtækið Stórveldið
á liðnum mánuðum. Þetta
herma heimildir DV. Segja má að
nánast hafi ríkt stríðsástand á milli
fyrirtækjanna og herma heimildir
DV að 365 hafi meðal annars haft
samband við forsvarsmenn fyrir-
tækja sem auglýst hafa á sjónvarps-
stöðvum Stórveldisins, Bravó og
Miklagarði, auk þess sem 365 gerði
sína eigin skoðanakönnun á áhorfi á
stöðvunum tveimur og sendi niður-
stöðuna svo til auglýsenda.
Stjórnendur 365 virðast því líta
samkeppnina frá Stórveldinu alvar-
legum augum. Þetta er raunar í
samræmi við orð sem Ari Edwald,
forstjóri 365, lét falla í viðtali við
DV í febrúar síðastliðinn þar sem
hann var spurður út í harðnandi
samkeppni á fjölmiðlamarkaði:
„Við höfum hins vegar brugðist við
þessari samkeppni af fullri hörku.
Það er ekkert annað við þessu að
gera en að reyna bara að vera betri.
Samkeppnin á fjölmiðlamarkaði á
Íslandi í dag er alþjóðleg, yfirvöld
þurfa að gera sér grein fyrir því.
Fjölmiðlamarkaðurinn hefur gjör-
breyst af því internetið hefur engin
landamæri. Það gengur ekkert að
greina fjölmiðlamarkaðinn á Íslandi
þannig að það séu bara RÚV, Stöð 2
og Skjárinn á staðnum.“
Í samtali við DV vill Sigmar Vil-
hjálmsson, framkvæmdastjóri og
einn af eigendum Stórveldisins,
ekki tjá sig um þessa erfiðleika sem
komið hafa upp á milli fjölmiðla-
fyrirtækjanna tveggja.
Baráttan um bílinn
Ljóst er að 365 hefur alls ekki tekið
samkeppninni frá Stórveldinu þegj-
andi. Eitt hið fyrsta sem spurðist út
varðandi aðgerðir 365 til að bregðast
við samkeppninni var að fjölmiðla-
fyrirtækið ætlaði sér að setja aukið
púður í sjónvarpsstöðina Popp Tíví
en Ari Edwald gekkst við því í viðtali
við DV að þetta hefði verið gert til að
bregðast við samkeppni.
Þá hefur DV heimildir fyrir því
að 365 hafi tekið ákvörðun um að
leigja útsendingarbíl í eigu einka-
aðila sem Stórveldið hafði haft á
leigu og gert langtímasamning við
eiganda hans. Þetta var gert á með-
an Stórveldið var að undirbúa opn-
un sjónvarpsstöðva fyrirtækisins
og olli þessi aðgerð töfum á opnun
stöðva fyrirtækisins. Sú staðreynd
að 365 tók ákvörðun um að leigja
bílinn kom sér því illa fyrir Stór-
veldið á þeim tíma. Athygli vekur að
365 hafði ekki haft mikinn áhuga á
að leigja bílinn áður en Stórveldið
leigði hann af eigandanum. DV hef-
ur heimildir fyrir því að 365 hafi látið
bílinn standa ónotaðan í nokkurn
tíma eftir að hann var leigður. Stór-
veldið fann svo aðrar lausnir á sín-
um tæknimálum.
Sendu út áhorfstölur
Stórveldisins
Í lok mars síðastliðinn sendi 365
svo niðurstöður úr eigin könnun
á áhorfi á miðla Stórveldisins út til
auglýsenda. Starfsmaðurinn sem
sendi niðurstöður könnunarinnar
var Sverrir Agnarsson sem sér um
slíkar markaðsrannsóknir hjá fjöl-
miðlasamsteypunni.
Í tölvupóstinum til auglýsend-
anna sagði Sverrir meðal annars:
„Við könnuðum einnig áhorf á nýju
stöðvarnar, Bravó og Miklagarð, og
spurðum um hvort svarandi hefði
horft á viðkomandi stöð undanliðna
7 daga og þeir sem svöruðu já fengu
spurningar í kjölfarið um hversu oft
í vikunni þeir höfðu horft og hvernig
þeim líkaði stöðin á skalanum 1–10.
Við spurðum líka sérstaklega um
þátt Péturs Jóhanns á Bravó.“
Ekki er hægt að fullyrða um til-
gang 365 með því að senda aug-
lýsendunum niðurstöður þessarar
könnunar en ætla má að það hafi
verið til að benda þeim á að áhorf
á miðla stöðvarinnar hafi ekki verið
svo mikið, á milli 10 og 19 prósent.
Þá sagði í tölvupósti Sverris að þeir
sem hefðu horft á þátt Péturs Jó-
hanns á Bravó gæfu honum aðeins
6,8 í meðaleinkunn og áhorfendur
Miklagarðs gáfu stöðinni aðeins 5,4
í meðaleinkunn.
Þetta er ekki í fyrsta skipti sem
fram koma upplýsingar sem benda
til þess að 365 reyni að koma höggi
á samkeppnisaðila sína. Á árunum
2010 til 2012 kom til dæmis fram
að Samkeppniseftirlitið hefði haft
til skoðunar kvartanir útgáfufélags
Fréttatímans vegna meintra hót-
ana í garð auglýsenda þess blaðs.
Þá kvartaði Myllusetur, útgáfu-
félag Viðskiptablaðsins, einnig
til Samkeppniseftirlitsins vegna
meintrar misnotkunar 365 á mark-
aðsráðandi stöðu sinni. n
Aukin samkeppni á sjónvarpsmarkaði leiðir af sér stríðsástand milli 365 og Stórveldisins
Stríðið á milli fjölmiðla
365 hefur brugðist við aukinni
samkeppni frá Stórveldi Sigmars
Vilhjálmssonar og Jóhannesar
Ásbjörnssonar með margs konar
hætti. Mynd dv/ gúndi
ingi Freyr vilhjálmsson
ingi@dv.is
Barist um bíl Eitt af atriðunum sem er
nefnt sem dæmi um stappið á milli 365 og
Stórveldisins er að fyrrnefnda fyrirtækið
hafi leigt útsendingarbíl sem Stórveldið
hafði haft á leigu. Ari Edwald er forstjóri
365. Mynd Sigurjón ragnar
„Við höfum hins
vegar brugðist
við þessari samkeppni af
fullri hörku.
Rætt um
óánægju
innan Isavia
Viðskiptablaðið greindi frá því
fyrr í mánuðinum að samkvæmt
niðurstöðum könnunar sem
Isavia lét gera um ánægju starfs-
manna væru 43% ánægð í starfi.
Niðurstöðurnar voru kynntar
starfsmönnum munnlega, en alls
starfa 650 manns hjá fyrirtækinu.
Þessi óánægja hefur nú komið til
tals í kjaraviðræðum flugmála-
starfsmanna.
„Við eigum auðvitað fyrst og
fremst að ræða krónur og aura en
þegar menn geta ekki talað við
fyrirtækið á milli þess sem kjara-
samningar eru lausir, þá auðvitað
ratar þetta inn í viðræðurnar,“ seg-
ir Kristján Jóhannsson, formaður
Félags flugmálastarfsmanna ríkis-
ins. „Ekki stendur á okkar vilja til
samningaviðræðna, við erum full
samstarfsvilja að gera fyrirtækið að
góðu fyrirtæki. Til að gæta sann-
girni þá er margt sem starfsfólk er
ánægt með. Fyrirtækið stendur sig
vel að mörgu leyti, laun skila sér á
réttum tíma, það heldur flottar árs-
hátíðir fyrir sitt fólk og gefur flottar
jólagjafir. Það má margt gott segja,
en það er bara ýmislegt annað sem
er alls ekki jafn gott. Þar er sóknar-
færi, að reyna að laga það,“ segir
Kristján, sem segir vandamálin
aðallega snúa að samskiptaörð-
ugleikum innan fyrirtækisins, þá
sérstaklega á milli yfirmanna og al-
mennra starfsmanna.
Frá Isavia fengust þær upp-
lýsingar um könnunina að af 519
svörum hefðu 74% sagst vera
ánægð í sínu starfi, á heildina litið.
Ekki fengust þó upplýsingar um
ánægju með samband við yfir-
menn eða svör við öðrum spurn-
ingum, þar sem skýrslan var aðeins
hugsuð til „innanhúsnotkunar.“
Í flugturninum í Keflavík ákvað
margreyndur flugumferðarstjóri
að hætta sem varðstjóri, en slíkt
hefur aldrei gerst áður. Hann
starfar þó áfram í turninum sem
almennur flugumferðarstjóri og
segir í samtali við DV að hann hafi
sagt af sér til að forðast samskipti
við yfirmenn sína. Í raun geta flug-
umferðarstjórar hér á landi, og
fjöldi annarra starfsmanna í flug-
tengdum störfum, ekki unnið fyrir
annað fyrirtæki en Isavia nema
skipt sé um starfsvettvang. Því er
erfitt að gagnrýna yfirmenn og
stjórnendur fyrirtækisins án þess
að eiga það á hættu að gera starfs-
umhverfið enn verra.
Lítil aðkoma í lekamáli
Aðkoma sérstaks saksóknara að rannsókn lekamálsins minni en útlit var fyrir
H
eimildir DV herma að aðkoma
sérstaks saksóknara að rann-
sókn lekamáls innanríkis-
ráðuneytisins sé mun minni
en útlit var fyrir í upphafi.
DV greindi frá því þann 21.
febrúar að embætti sérstaks sak-
sóknara myndi koma að tæknilegri
hlið rannsóknarinnar. Samkvæmt
heimildum innan úr lögreglunni
var embættið fengið til þess að
sinna þessum hluta rannsóknarinn-
ar meðal annars vegna fjölskyldu-
tengsla Hönnu Birnu Kristjánsdóttur
innanríkisráðherra við Theódór
Kristjánsson, yfirmann tölvurann-
sóknardeildar, sem er bróðir hennar.
Lögreglumenn sem DV ræddi
við í febrúar sögðu óþægilega stöðu
komna upp vegna rannsóknarinnar.
Bentu þeir meðal annars á þessi fjöl-
skyldutengsl ráðherrans. Fregnir um
aðkomu sérstaks saksóknara lægðu
þessar óánægjuraddir. Eins og fyrr
segir virðist nú sem sú aðkoma hafi
verið í mýflugumynd. Lögreglan á
höfuðborgarsvæðinu stýrir rann-
sókninni en hún hófst að undirlagi
ríkissaksóknara. Hvorki lögregla né
ríkissaksóknari vilja veita svör um
gang rannsóknarinnar en heimild-
ir DV innan lögreglunnar herma
að niðurstöðu sé að vænta á næstu
vikum.
Málið snýst um minnisblað inn-
anríkisráðuneytisins sem innihélt
viðkvæmar persónuupplýsingar um
hælisleitendur frá Nígeríu og end-
aði í höndum fjölmiðla. Eins og DV
hefur greint frá höfðu einungis ör-
fáir aðgang að skjalinu þegar því var
lekið til fjölmiðla: starfsmennirnir
sem útbjuggu það hjá skrifstofu
réttarfars og stjórnsýslu, Hanna
Birna Kristjánsdóttir innanríkisráð-
herra og aðstoðarmenn ráðherra,
þau Gísli Freyr Valdórsson og Þórey
Vilhjálmsdóttir. n
jonbjarki@dv.is
Takmörkuð aðkoma Ólafur Þ. Hauksson er
sérstakur saksóknari. Aðkoma embættis hans
að rannsókn lekamálsins er afar takmörkuð.