Dagblaðið Vísir - DV - 15.04.2014, Side 59

Páskablað 15.–22. apríl 2014 Lífsstíll 59
Þetta eru tíu bestu
áfangastaðir heims
Ein virtasta og þekktasta ferðasíða í heimi, TripAdvisor, útnefndi í síðustu viku bestu áfangastaði heims en listinn er
eingöngu byggður á vali ferðamanna. Þetta er í sjötta skipti sem viðurkenningin er veitt og fengu nærri fimm hundruð
áfangastaðir viðurkenningu. Hér gefur að líta tíu bestu áfangastaði heims að mati notenda TripAdvisor.
1 Istanbúl, TyrklandMoskurnar, markaðirnir og tyrknesku
böðin geta hæglega haldið ferðamönnum
í Istanbúl uppteknum svo dögum skiptir.
Bláa moskan, Sultan Ahmet Camii, tákn-
mynd borgarinnar er sjáanleg frá ýmsum
sjónarhornum og þá verða Galata-brúin og
Miniaturk-garðurinn að vera á lista hvers
ferðamanns sem heimsækir borgina. Stóri
markaðurinn, The Grand Bazaar, er til-
valinn til þess að næla sér í skemmtilegan
minjagrip á meðan sá egypski býður upp á
frábært úrval af kryddi og ávöxtum.
2 Róm, ÍtalíaRóm var ekki byggð á einum degi og
þú skoðar ekki Róm á einum degi heldur.
Borgin sjálf minnir á eitt stórt útisafn þar
sem finna má samansafn af undurfögrum
torgum, mörkuðum og merkum sögu-
slóðum. Hentu aur í Trevi-gosbrunninn,
stattu gapandi dágóða stund í Colosseum
og Pantheon og drekktu nægju þína af
cappuccino áður en þú heldur í verslunar-
leiðangur í Campo de‘Fiori eða Via Veneto.
Að lokum jafnast fátt á við ekta ítalskan
kvöldverð a la Roma.
3 London, EnglandÞað finna allir eitthvað við sitt
hæfi í London. Hinir menningarsinnuðu
njóta sín best í Konunglegu Óperunni,
The Royal Opera House, eða í hinu fræga
Tate Modern-safni. Tískudrósirnar munu
slefa yfir verslununum á Oxford Street og
matmennirnir munu fá sína magafylli í
rjómalöguðu tei, kexi og hefðbundnum fiski
og frönskum að hætti Englendinga. Tón-
listarunnandinn mun fara yfir um á Abbey
Road og góðvinur bókmenntanna fær sín
best notið á Sherlock Holmes safninu.
4 Peking, KínaSagan drýpur af hverju strái í Peking.
Hvort sem það eru fornaldirnar sem heilla
(Hall of Preserving Harmony, Sumarhöllin,
Forboðna borgin) eða nútíminn (Chairman
Mao Memorial Hall, Tiananmen Square) þá
ættirðu að ná að kynnast sögu þjóðar-
innar í höfuðborg Alþýðulýðveldisins.
Þá er gott að hafa í huga að ferðamenn
mæla með Dirt- markaðnum frekar en
Silk- markaðnum sem þeir segja helst til of
„túristalegan“.
5 Prag, TékklandBóhemskt yfirbragð borgarinnar og
ævintýraleg kennileiti heilla alla ferða-
menn sem heimsækja Prag. Þú gætir varið
heilum degi í að skoða kastalann í Prag
sem gnæfir yfir borgina og þá er nauðsyn-
legt að verja góðum tíma í gamla bænum
og heyra í hinni mögnuðu stjörnufræði-
klukku. Athugaðu að bestu barina í Prag er
að iðulega finna í kjöllurum.
6 Marrakech, MarokkóMarrakech, eða „Rauða borgin“, er
töfrandi áfangastaður. Borgin er uppfull af
mörkuðum, görðum, höllum og moskum.
Notaðu tímann og skoðaðu hallargarðana
og götusundin, finndu þinn innri frið í hin-
um kyrrláta Majorelle-garði eða drekktu í
þig fegurð bænahúsanna. Mundu að ef þú
ert ekki múslimi þá máttu hins vegar ekki
fara inn í moskurnar.
7 París, FrakklandStaldraðu við og fáðu þér bolla af
„pain au chocolat“ á einu gangstéttarkaffi-
húsi borgarinnar eftir að hafa spásserað
meðfram Signu og mænt á Eiffelturninn og
Sigurbogann. Fullkomin Parísarupplifun
samanstendur af bæði rólegheitum og
fjöri, þar sem tími gefst bæði til að njóta
framúrskarandi máltíða og heimsækja
Louvre-safnið.
8 Hanoí, VíetnamHöfuðborg Víetnams er ákaflega
töfrandi. Borgin eldist vel. Heimamönnum
hefur tekist að varðveita gamla bæinn,
minnisvarðana og arkitektúr nýlendutím-
ans en á sama tíma er pláss fyrir nútíma-
lega framþróun. Hanoí hefur gengið undir
mörgum nöfnum í gegnum tíðina, meðal
annars Thang Long sem væri lauslega þýtt
sem „Rísandi dreki“. Gamlir staðir á borð við
grafhýsi Ho Chi Minh og Hoa Lo-fangelsið
bera enn merki gamla borgarnafnsins.
Stöðuvötn, garðar og skuggaleg breið-
stræti setja svip sinn á borgina, sem og hátt
í sex hundruð musteri víðs vegar á svæðinu.
9 Siem Reap, KambódíaSólarupprás í Siem Reap er engu
lík en glitrandi morgunbirtan á rústum
Angkor Wat lætur engan ósnortinn. Fornar
byggingar borgarinnar eru með stærstu
trúarmannvirkjum heims. Þessi mannvirki
ásamt konunglegu borginni Angkor Thom
frá 12. öld eru meðal helstu aðdráttarafla
Siem Reap en ferðamönnum er einnig
ráðlagt að fræðast nánar um kambódíska
menningu á næturmarkaði Angkor sem er
uppfullur af verslunarbásum, sölumönnum
og ölstofum.
10 Shanghaí, KínaÞessi stærsta borg Kína er jafnframt
sú frjálslyndasta. Gestir borgarinnar fá
hér einstakt tækifæri til þess að kynnast
fortíð, nútíð og framtíð, allt á einu bretti.
Huangpu-áin skiptir Shanghaí í tvö um-
dæmi: Pudong og Puxi. Í Pudong gefur að
líta ótrúlega skýjakljúfa á borð við Oriental
Pearl-sjónvarps- og útvarpsturninn,
sem gæti verið klipptur úr bandarískri
framtíðarmynd og minnir einna helst á
tvíhöfða sleikipinna. Í Puxi-umdæminu
er aftur á móti tilvalið að ganga meðfram
Bundárbakkanum og kynnast um leið
gömlu Shanghaí-borg.
Epal | Kastanía, Höfðatorgi | Meba-Rhodium, Kringlu og Smáralind
Gilbert úrsmiður, Laugavegi | GÞ skartgripir, Bankastræti | Dýrfinna
Torfa, Akranesi | Georg V. Hannah, Reykjanesbæ | Karl R.Guðmundsson,
Selfossi | Gullsmiðir Sigtryggur og Pétur, Akureyri | Icelandair, Saga shop
Vera Design By
Guðbjartur og Íris
Garðatorg 7 -
Sími 663 6969
Fyrir fermingarbarnið