Dagblaðið Vísir - DV - 29.08.2014, Page 15

Fréttir 15Helgarblað 29. ágúst–1. september 2014
„Það segir henni enginn fyrir verkum“
n „Ég vildi að ég gæti verið jákvæðari“ n Er sögð ákveðin og óhrædd við að standa á sínu
heim urðu ekki alltaf farsælir en eins
og kunnugt er orðið skemmdust
miklar eignir þeirra í flutningum frá
Íslandi til Bandaríkjanna árið 2011.
Þar flæddi inn í flutningagám sem
innihélt mörg verðmæt listaverk og
mikinn menningararf. Fengu Skafti
og Kristín tjónið bætt frá ríkinu upp á
75 milljónir króna og var víða fjallað
um málið í fjölmiðlum á sínum tíma.
Situr ekki á skoðunum sínum
Þau hjónin hafa gengið í gegnum
súrt og sætt saman í áratugi en Skafti
er sonur Jóns Skaftasonar, fyrrver-
andi alþingismanns Framsóknar-
flokksins. Þá er Skafti sömuleið-
is yngri bróðir Gests Jónssonar,
hæstaréttarlögmanns. Hann hefur
starfað sem verjandi Jóns Ásgeirs
Jóhannessonar sem stýrði lengi fjár-
festingarfyrirtækinu Baugur Group.
Áður en Kristín hélt til Bandaríkj-
anna starfaði hún hjá fyrirtækinu
sem yfirmaður samskiptasviðs. Þá
starfaði hún einnig sem kynningar-
fulltrúi Iceland Express um tíma en
því félagi var stýrt af Pálma Haralds-
syni. Bæði Pálmi og Jón Ásgeir voru
eitt sinn meðal eigenda 365 en í dag
er megineigandi fyrirtækisins Ingi-
björg Pálmadóttir, eiginkona Jóns
Ásgeirs. Sem fyrr segir starfar Krist-
ín nú sem aðalritstjóri 365 miðla en
hún hefur einnig setið í stjórn fyrir-
tækisins í tvö ár.
Kristín skrifaði grein í Frétta-
blaðið í janúar 2012 þar sem hún
gagnrýndi Kastljós fyrir óvandaða
fréttamennsku og hlutdrægni þegar
fjallað var um stefnu slitastjórnar
Glitnis gegn helstu stjórnendum og
eigendum bankans. Jón Ásgeir var
meðal þeirra sem var stefnt, haf-
andi verið einn aðaleigandi Glitnis
fyrir hrun. Sama ár skrifaði hún
einnig grein í Fréttablaðið þar sem
hún taldi sérstakan saksóknara
gjarnan fara um of rannsóknarhlut-
verki sínu eftir hrun. „Drögum úr
lögreglurannsóknar- og dómstóla-
þrasi, sem er allt að drepa úr heift
og leiðindum,“ sagði Kristín meðal
annars.
Óhjákvæmilega umdeild
Ljóst er að Kristín er óhrædd við að
stíga fram með skoðanir sínar en
vegna þessa hafa ýmsir dregið í efa
hlutleysi hennar og stöðu gagnvart
ritstjórnarlegu sjálfstæði, líkt og
Ólafur Stephensen. „Sú þriðja getur
svo verið að ráða til stjórnunarstarfa
á ritstjórnum fólk sem er nægilega
náið og handgengið eigendunum
til að láta prinsipp um ritstjórn-
arlegt sjálfstæði ekki þvælast fyr-
ir sér,“ sagði Ólafur í leiðara sínum
í Fréttablaðinu í vikunni. Kristín
er þannig óhjákvæmilega umdeild
þessa dagana enda voru margir
óánægðir með
brotthvarf Ólafs.
Það eru þó ekki
allir á sama máli
um eðli Kristín-
ar. Erna Indriða-
dóttir, sem starf-
aði lengi vel með
Kristínu á Rík-
isútvarpinu og
er enn góð vin-
kona hennar,
er fullviss um
hæfni og sjálf-
stæði Kristínar.
„Hún er eld-
klár og mikill
húmoristi. Hún
er frábær frétta-
maður og ég
held það hafi
ekki verið um-
deilt að hún var
meðal bestu
fréttamanna
fréttastofunnar
þegar við vor-
um að vinna þar. Hún þótti náttúr-
lega mjög ákveðin enda er hún
óhrædd við að standa á sínu. Hún
lætur ekki aðra segja sér fyrir verk-
um og ég hef ekki trú á því að hún
fari að taka upp á því núna,“ segir
Erna. „Hún er auðvitað mjög vel
menntuð og víðsýn. Hún hefur líka
reynslu af því að starfa í atvinnu-
lífinu en mér finnst vanta þekk-
ingu á atvinnulífinu í fjölmiðlum
almennt. Ég held að það sé mikill
fengur fyrir 365 að fá hana til starfa
og það eru örugglega ekki margir ís-
lenskir blaða- og fréttamenn sem
standa henni á sporði í þessum
verkefnum sem hún er að fara að
sinna,“ segir Erna. n
Útgefandi og aðalritstjóri 365
Kristín er sögð eldklár og búa yfir leiftrandi
kímnigáfu. Hún hleypur á hverjum degi.
Mynd: VilhelM GunnarSSon
nýorðin amma
Kristín ásamt frænkum
sínum og barnabarni,
Kristínu. Mynd Úr einkaSafni
Var í rúman áratug á rÚV Kristín á vaktinni
á samt Margréti E. Jónsdóttur, Má Jónssyni,
Jóhanni Haukssyni, Óðni Jónssyni, Þorgrími
Gestssyni og Ingvari Gunnarssyni. Mynd rÚV
Með syni sínum, Jóni
„Við mig er hún örlát á
tíma sinn,“ segir dóttir
Kristínar.
Mynd Úr einkaSafni

TENNIS
er skemmtileg hreyfing

Nú er rétti tíminn til að
panta fastan tíma í tennis.
Eigum nokkra tíma lausa.
Skemmtilegu byrjendanámskeiðin
fyrir fullorðna eru að hefjast.
Skráning og upplýsingar í síma 564 4030 eða á tennishollin.is