Dagblaðið Vísir - DV - 29.08.2014, Qupperneq 44

Helgarblað 29. ágúst–1. september 201444 Sport
E
nska úrvalsdeildin er komin
á fulla ferð og um helgina fer
þriðja umferðin fram. Þó að
skammt sé liðið af mótinu er
komin þokkaleg mynd á liðin
og hvaða lið muni berjast á botni og
toppi deildarinnar. Stórleikir eru á
dagskrá um helgina og má þar nefna
viðureignir Everton og Chelsea og
Tottenham og Liverpool.
United gæti misst af lestinni
Umferðin hefst í hádeginu á
laugardag þegar nýliðar Burnley taka
á móti Manchester United. Þessi lið
hafa farið rólega af stað; Burnley er
búið að tapa báðum sínum leikjum,
fyrst gegn Chelsea á heimavelli en
svo gegn Swansea á útivelli um liðna
helgi, 1–0. Á meðan hefur United
tapað einum og gert eitt jafntefli.
Óvíst er hvort nýjasti liðsmaður
United, Argentínumaðurinn Angel
Di Maria, verði í hópnum hjá United
um helgina en mikil meiðsli eru í
herbúðum liðsins. Ljóst er að United
verður að fara að hala inn stig ætli
liðið sér ekki að dragast langt aftur
úr í baráttunni um Meistaradeildar-
sæti. Fari svo að United tapi eða geri
jafntefli er sá möguleiki fyrir hendi að
7 til 8 stig muni skilja á milli United
og liðsins sem verður í fjórða sæti
eftir umferðina. Síðast þegar þessi
lið mættust á heimavelli Burnley fór
Burnley með sigur af hólmi, 1–0. Þá
var Jóhannes Karl Guðjónsson í hópi
Burnley en kom ekki við sögu.
Stórleikur á Goodison
Englandsmeistarar Manchester City
taka á móti Stoke á Etihad klukk-
an 15 á laugardag og ættu að landa
þægilegum sigri. City hefur unnið 18
af síðustu 20 deildarleikjum sínum á
heimavelli og virkaði sannfærandi í
3–1 sigri á Liverpool á mánudag. Síð-
degis á laugardag mætast Everton
og Chelsea í einum af stórleikjum
helgarinnar. Everton hefur gert jafn-
tefli í báðum sínum leikjum á með-
an Chelsea hefur unnið báða sína.
Everton hefur haft þokkalegt tak á
Chelsea á Goodison Park í úrvals-
deildinni á undanförnum árum.
Liðið hefur unnið 3 af síðustu 4 leikj-
um sínum gegn Chelsea, síðast þann
14. september í fyrra þegar liðið vann
1–0.
9–0 fyrir Liverpool
Á sunnudag er svo annar stórleikur
á dagskránni þegar Tottenham tekur
á móti Liverpool. Tottenham er á
toppi deildarinnar með fullt hús stiga
og hefur ekki enn fengið á sig mark.
Liðið rúllaði yfir QPR, 4–0, um síðustu
helgi og virðist til alls líklegt. Liver-
pool tapaði illa gegn Man chester City
á mánudag, 3–1, eftir að hafa unnið
nauman sigur á South ampton í fyrstu
umferðinni. Liverpool hafði gríðar-
lega yfirburði gegn Tottenham á síð-
ustu leiktíð. Fyrri leikurinn sem fram
fór á White Hart Lane endaði með
5–0 sigri Liverpool og seinni leik-
urinn á Anfield fór 4–0 fyrir Liverpool.
Ljóst er að Tottenham-liðið mun gera
allt sem það getur til að láta niður-
læginguna frá síðustu leiktíð ekki
endurtaka sig. n
n Liverpool vann samtals 9–0 á síðustu leiktíð n Stórleikir á dagskránni í enska boltanum
Tottenham í
hefndarhug
Fín byrjun Tottenham-liðið
hefur farið ágætlega af stað
í úrvalsdeildinni. Unnið báða
sína leiki, skorað fimm mörk
og ekki enn fengið á sig mark.
City og Chelsea í sérflokki
n Adolf Ingi Erlingsson spáir í leiki helgarinnar n Barátta City og Chelsea um titilinn
Laugardagur
Burnley - Manchester United 1–2
„United vantar ennþá almennilega menn á miðjuna og mér
finnst út í hött að eyða 60 milljónum punda í kantmann.
United vinnur þetta með naumindum, 2–1, og Di Maria
leggur upp eitt af því að hann er góður leikmaður.“
West Ham - Southampton 1–3
„Southampton á eftir að vinna þennan leik. West Ham er
bara í tómu tjóni en vann reyndar góðan sigur um síðustu
helgi. Ég held að Southampton haldi sér uppi.“
Manchester City - Stoke 4–0
„Eins og ég vildi gjarnan sjá Stoke-menn stríða þeim þá
gera þeir það ekki. Við erum að tala um 4–0 sigur sennilega.
City á eftir að flengja nánast öll lið sem koma á Etihad-völl-
inn. Þeir eru ógnarsterkir og í sérflokki ásamt Chelsea.“
Newcastle - Crystal Palace 2–0
„Newcastle vinnur þetta held ég Ég er ekkert rosalega
bjartsýnn fyrir hönd þessara liða. Crystal Palace ætti
auðvitað bara að endurráða Tony Pulis. Ef þeir gera það
þá halda þeir sér uppi. Hann bjargaði þeim í fyrra og leik-
mennirnir trúa á hann.“
QPR - Sunderland 0–2
„Ég held að QPR fái ákaflega fá stig í vetur og fari lóðrétt
niður. Sunderland þjösnast áfram og fær sinn skerf af
stigum. Það skemmir ekki fyrir að þeir eru með nokkra
gamla United-menn.“
Swansea - WBA 3–1
„Swansea vinnur þetta á heimavelli. Gylfi Þór skorar eitt og
leggur upp annað. Hann er funheitur þessa dagana og það
hentar honum betur að vera stór fiskur í lítilli tjörn.“
Everton - Chelsea 2–2
„Þarna erum við að tala um 1–1 eða 2–2 jafntefli. Það eru
ekki mörg lið sem munu sækja 3 stig á Goodison í vetur.
Romelu Lukaku á eftir að sýna Abramovic af hverju hann
missti. Ég spái Chelsea samt titlinum í vor. Þeir eru með
frábæran hóp og líklega besta leikmann deildarinnar, Cesc
Fabregas.“
Sunnudagur
Aston Villa - Hull 1–2
„Ég held að Hull vinni sterkan sigur á útivelli. Steve Bruce
er lunkinn stjóri og Aston Villa er í svolitlu brasi og eitthvað
stefnuleysi í gangi. Villa verður í neðri hlutanum í vetur en
Hull ætti að verða um miðja deild.
Tottenham - Liverpool 2–1
„Tottenham hefur byrjað mjög vel og virðist sannfærandi.
Ég held að Liverpool-liðið verði viðkvæmt eftir þetta
slæma tap gegn City. Auðvitað geta þeir svarað með því
að mæta alveg trylltir til leiks en það væri þá frekar á
heimavelli sem ég sæi þá gera það. Að fara á White Hart
Lane með Tottenham í því stuði sem þeir eru í gæti orðið
erfitt fyrir Liverpool.“
Leicester - Arsenal 0–2
„Ég held að Arsenal vinni þetta 2–0. Olivier Giroud er
reyndar meiddur og það eru ekki margir topp framherjar
hjá Arsenal. Þeir eiga skapandi miðjumenn í kippum en
vantar kannski alvöru framherja nú þegar Giroud er frá.
Samt sem áður eiga þeir að vinna þetta og gera það.“
Einar Þór Sigurðsson
einar@dv.is
Vissir þú …
… að frá byrjun síðustu leiktíðar hefur
Olivier Giroud hjá Arsenal skorað fimm
skallamörk úr sex tilraunum?
… að það tók Sergio Aguero aðeins 23
sekúndur að skora gegn Liverpool á mánu-
dag? Þetta er „hraðasta“ mark varamanns
í deildinni frá tímabilinu 2011/12 þegar
Apostolos Velios skoraði eftir 17 sekúndur í
leik með Everton.
… að Aguero hefur nú
skorað jafn mörg mörk
í úrvalsdeildinni og
Nwankwo Kanu? Munur-
inn er sá að Aguero hefur
gert það í 89 leikjum en Kanu þurfti 273.
… að City hefur skorað allavega eitt mark
í 69 af síðustu 70 heimaleikjum sínum í
úrvalsdeildinni?
… að Mario Balotelli skorað aðeins 1 mark
í síðustu 16 úrvalsdeildarleikjum sínum
þegar hann lék með City?
… Angel Di Maria lagði upp 17 mörk fyrir
Real Madrid á síðustu leiktíð, meira en
nokkur leikmaður í spænsku deildinni?
… 1 stig úr tveimur fyrstu leikjunum er
versti árangur Manchester United í úrvals-
deildinni frá tímabilinu 1992/93?
… að Rio Ferdinand fékk dæmda á sig
aukaspyrnu um helgina í fyrsta sinn í 28
leikjum?
HEImILd: OptAJOE á twIttEr
Styður United
Adolf spáir sínum
mönnum sigri.