Dagblaðið Vísir - DV - 15.08.2008, Blaðsíða 52

föstudagur 15. ágúst 200852 Helgarblað DV
Sakamál
SkrímSlið í AndeSfjöllunum
á meðal afkastamestu fjölamorðinga sögunnar má nefna
Pedro alonzo Lopez. Móðir hans var vændiskona í Kólumbíu
og Lopez átti tólf systkini. Mamma hans vísaði honum á
dyr þegar hann var átta ára fyrir að leita á sínar eigin systur.
Kannski voru örlög Lopezar ráðin þann dag.
sjálfur viðurkenndi Lopez að hafa orðið um þrjú hundruð konum
að aldurtila og lögregla fann grafir með líkum hátt uppi í hlíðum fjallanna.
Lögreglan telur að tala fórnarlambannna sé mun hærri en Lopez viðurkenndi.
Lesið um skrímslið í andesfjöllunum í næsta helgarblaði.uMsjón: KoLbeinn Þorsteinsson kolbeinn@dv.is
RósaRækt og RaðmoRð
Béla kiss hafði áhuga á stjörnuspeki, rósarækt og frímerkjum. En þar er ekki öll sagan sögð, því hann var
afkastamikill raðmorðingi og sveik fé út úr fórnarlömbum sínum. Honum tókst að sleppa unda armi lag-
anna og svaraði aldrei fyrir ódæði sín.
Béla Kiss fæddist árið 1877 í
Ungverjalandi og þegar hér er
komið sögu er hann ágætlega stæð-
ur, miðaldra og morðingi. Eftirnafn
hans þýðir á ungversku „lítill“, en
það var ekkert lítilvægt við ódæði
hans. Talið er að hann hafi myrt
að minnsta kosti tuttugu og fjórar
konur. Lík þeirra reyndi hann að
súrsa í stórum málmtunnum sem
hann hafði í garði sínum.
Árið 1913 flutti Kiss til þorps-
ins Czinkota í Ungverjalandi, þá
fertugur að aldri. Þorpið er nú
á dögum hluti höfuðborgarinn-
ar Búdapest. Með honum í för var
eiginkona hans, hin undurfríða,
tuttugu og fimm ára María. Bela
Kiss bauð af sér góðan þokka, hann
safnaði frímerkjum, hafði áhuga á
stjörnuspeki og ræktaði rósir.
eiginkonan fær sér elskhuga
Endrum og sinnum skrapp Béla
Kiss til Búdapest í viðskiptaerind-
um og lögregluþjónn þorpsins, Ad-
olf Trauber, sem hafði orðið góð-
ur vinur Béla, taldi ekki eftir sér að
líta eftir heimili Béla þegar svo bar
undir.
Ljóst var að heimsstyrjöldin
fyrri var handan hornsins og því
varð Trauber ekki hissa þegar Béla
hóf að koma með olíutunnur með
sér heim frá Búdapest. Béla sagðist
vera að undirbúa sig fyrir skömmt-
un sem óumflýjanlega yrði fyrir-
skipuð þegar styrjöldin hæfist af
fullum þunga. Trauber hafði hins
vegar ekki hjarta í sér til að upplýsa
Béla um að konan nýtti fjarveru
bónda síns til að njóta samvista
við Paul Bihari, ungan listamann, í
meiri mæli en sómasamlegt gat tal-
ist. En ástarævintýri eiginkonunn-
ar hafði ekki farið fram hjá þorps-
búum. Því varð enginn hissa þegar
Béla kom frá Búdapest heim í tómt
hús og sýndi orðsendingu þar sem
sagði að eiginkonan og ástmögur
hennar hefðu hlaupist á brott.
Béla kiss lokar sig af
Um nokkurra mánaða skeið lok-
aði Béla Kiss sig af og hafnaði sam-
vistum við nokkurn mann, jafnvel
vin sinn Trauber. En vorið 1914
tókst Trauber þó með fortölum að
sannfæra Béla um að skríða úr híði
sínu og taka þátt í lífinu á ný. Trau-
ber útvegaði honum roskna ráðs-
konu, Jakubec að nafni.
Béla Kiss hóf að fara til Búda-
pest á ný og snéri heim úr hverri
ferð með olíutunnu sem hann
sagði vera greiðslu vegna skuld-
ar verkstæðiseiganda þar í borg.
En tunnurnar voru ekki það eina
sem hann kom með frá Búdapest.
Gjarna voru konur með honum í
för, ekki ungar eins og María, sum-
ar jafnvel eldri en hann sjálfur. Ja-
kubec hitti sjaldnast þessar konur,
en þær voru eitur í hennar beinum,
innrás í hennar vígi. Hún átti til að
yfirgefa húsið í fússi og kom ekki til
baka fyrr en Béla hafði fullvissað
hana um að umræddar konur væru
horfnar á braut.
Horfnar konur og
herþjónusta
Béla og lögregluþjónninn
Trauber eyddu mörgum síð-
kvöldum í samræður og í eitt
skipti minntist Trauber á hvarf
tveggja ekkna í Búdapest. Þær
höfðu horfið af yfirborði jarðar
eftir að hafa svarað auglýsingu í
einkamáladálki dagblaðs.
Auglýsingin var frá manni sem
hét Hoffman. Ekkjurnar áttu það
sammerkt að hafa tekið verulegt
fé út af sparireikningi sínum eftir
að hafa hitt umræddan Hoffman.
Béla sló á létta strengi og sagði að
hann hefði sjálfur átt í misheppn-
uðum samböndum við miðaldra
ekkjur. Og mennirnir hlógu báðir
hjartanlega.
Fyrri heimsstyrjöldin braust
út í ágúst það ár, en Béla var ekki
með þeim fyrstu sem kvaddir
voru í herinn. Því gat hann fram
haldið ferðum sínum til Búda-
pest, og snéri heim með olíu-
tunnur og konur. Þegar hann
loks var kallaður í herinn skildi
hann hús sitt og olíubirgðir sínar
eftir í umsjá Traubers, sem gætti
þeirra samviskusamlega jafnvel
eftir að tilkynning barst um fall
Béla á vígvöllunum í maí 1916.
Ráðskonan Jakubec skyldi halda
starfi sínu og sinna skyldum sín-
um sem fyrr.
Olíuskortur gerir vart við sig
Síðla sumars 1916 komu her-
menn til Czinkota í leit að elds-
neyti. Trauber varð hugsað til olíu-
tunnanna og vísaði hermönnunum
á birgðir Béla. En innihald þeirra
sjö tunna sem voru í garðinum var
ekki olía og það var óhugnanleg
sjón sem beið hermannanna. Hver
einasta tunna innihélt lík kven-
manns og var fyllt með vínanda.
Rannsóknarlögreglumaðurinn
Charles Nagy var kallaður til frá
Búdapest og garður Béla Kiss og
hús voru rannsökuð hátt og lágt.
Tuttugu og þrjár tunnur fundust
í allt og innihald þeirra var allt af
sama toga. Meðal fórnarlambanna
voru María og elskhugi hennar. Öll
fórnarlömbin höfðu verið drepin
með hálsjárni (e. Garrote) Þar sem
Béla hafði fallið var erfitt um vik
fyrir Nagy að handtaka neinn svo
hann tók Jakubec fasta vegna gruns
um aðild að málinu, ekki síst vegna
þess að Béla hafði arfleitt hana að
einhverri fjárhæð.
Jakubec neitaði sök og sýndi
Nagy leyniherbergi sem Béla hafði
sagt henni að fara aldrei inn í. Þar
fann Nagy fjölda bréfa sem sýndu
fram á bréfasamband Béla við sjö-
tíu og fjórar konur. Af bréfunum
varð ljóst að Béla hafði frá árinu
1903 haft fé af konum sem óskuðu
hjúskapar.
Béla rís upp frá dauðum
Árið 1919 gerðist svolítið undar-
legt. Vinur eins fórnarlamba Béla bar
kennsl á Béla þar sem hann gekk yfir
Margrétar-brúna í Búdapest og lét
lögregluna vita. Rannsóknarlögregl-
an komst að því að Béla hafði skipt
á skilríkjum við fallinn félaga í stríð-
inu, en Béla rann þeim úr greipum.
Á næstu árum var tilkynnt um
Béla í nokkur skipti. Árið 1920 til-
kynnti hermaður í Frönsku útlend-
ingahersveitinni að hermaður að
nafni Hoffman sem svipaði til lýsing-
ar af Béla hefði gortað af færni sinni
í að drepa með hálsjárni. Hoffman
hvarf áður en lögreglan náði hon-
um.
Árið 1932 var leynilögreglumað-
urinn Henry Oswald í Bandaríkj-
unum þess fullviss að hann hefði
séð Béla koma út úr neðanjarðar-
lest við Times-torgið í New York.
Ekki er vitað um afdrif Béla Kiss,
en Ungverjar í New York lýstu ein-
um samlanda sínum, sem vann
sem húsvörður þar í borg, sem lág-
vöxnum, óeftirtektarverðum og ró-
legum manni á sjötugsaldri og hver
veit nema þar hafi verið um Béla
Kiss að ræða.
Béla sló á létta strengi
og sagði að hann hefði
sjálfur átt í misheppn-
uðum samböndum við
miðaldra ekkjur. Og
mennirnir hlógu báðir
hjartanlega.
Heimsstyrjöldin fyrri béla
Kiss tók skilríki fallins félaga
og tókst að sleppa.
holar@simnet.is
SÖNN SAKAMÁL
fróðleikur og gamansögur
SPENNA
- nýtt tímarit
spenna1-2008.qxp 7.7.
2008 15:26 Page 1
Béla kiss Hæglætismaður að
mati nágranna hans.
Á efri árum talið var að hann hefði
unnið sem húsvörður í new York, en
það var aldrei staðfest.