Gerðir kirkjuþings - 1978, Síða 14

11
IV. KAFLI.
Um sóknarnefndir. . gr.
1 hverri sókn er sóknarnefnd, sem annast framkvæmdir, gætir
réttinda viðkomandi sóknar og sóknarfólks og ber ábyrgð á
kirkjulegu starfi í sókninni ásamt sóknarpresti eða prestum.
13. gr.
Sóknarnefndarmenn eru 3 í sóknum, sem eru fámennari en
300, ella 5. Þegar sóknarfólker orðið 1000, skal kjósa
2 menn til viðbótar í sóknarnefnd og enn 2 menn, þegar
fjöldi sóknarfólks hefur náð 4000. Kjósa skal jafn marga
varamenn, sem taka sæti í forföllum aðalmanna.
14. gr.
Sóknarnefnd er kosin til fjögurra ára. Á fyrsta aðalsafnaðar-
fundi eftir að lög þessi öðlast gildi, skal kjósa sóknar-
nefnd eftir þeim í öllum sóknum. Að tveimur árum liðnum
skal minnihluti kjörinna nefndarmanna, svo og varamenn
ganga úr nefndinni, og ræður hlutkesti, en hinn hlutinn
að fjórum árum liðnum. Samkvæmt þessu fara síðan ávallt
hinar tvær deildir nefndarmanna frá annaðhvort ár á víxl.
Sóknarfólk, sém orðið er sextugt að aldri, má skorast
undan kosningu. Enginn er skyldur að taka aftur kosningu,
fyrr en liðinn er jafnlangur txmi og hann hafði áður verið
í nefndinni.
15. gr.
Hver sóknarnefndarmaður skal hafa ákveðið verksvið innan
sóknar og fá erindisbréf, sem kynnt er á aðalsafnaðar-
fundi, áður en kjör hans fer fram. I erindisbréfi skal
nánar kveðið á um þau sérstöku verksvið, sem hann hefur
umsjón með í safnaðarstarfi.
Að öðru leyti skal sóknarnefnd skipta með sér verkum for-
manns, gjaldkera og ritara, þegar eftir kjör í sóknar-
nefnd og skipa þeir framkvæmdarnefnd, þegar sóknarnefnd-
armenn eru fleiri en fimm.
16. gr.
Formaður boðar fundi í sóknarnefnd og stýrir þeim. Fundur
er lögmætur, ef 2/3 sóknarnefndarmanna sitja hann, enda
hafi hann verið boðaður með a.m.k. sólarhrings fyrirvara.
Sóknarnefnd skal gefa sóknarpresti kost á að sækja sóknar-
nefndarfundi.
Sóknarprestur og aðrir starsmenn sókna skulu starfa með
sóknarnefnd.