Glóðafeykir - 01.12.1970, Page 9

GLÓÐAFEYKIR
9
mikið viðhald, þótt bókfært verðmæti þeirra sé ekki meira en 41,2
millj. kr. Óhjákvæmilegt er, að viðhald verði einnig mikið þetta ár.
M. a. þarf að mála mikið af húsum.“
„Varasjóður var í árslok kr. 6,4 millj. röskar, og er þá búið að
leggja í hann 0,9 millj. kr. af tekjum ársins 1969 og einnig varasjóð
K.A.S.H., kr. 715 þús. kr., tæpar. Stofnsjóður er í árslok kr. 13,7
millj., röskar, og er þá búið að bæta við stofnsjóði K.A.S.H., 835
þúsund krónum.“
„Reikningsuppgjör ársins sýnir rekstrarhagnað kr. 3,6 milljónir
rúml. I varasjóð hafa verið færðar 900 þús. kr. Ef gert er ráð fyrir
að verja kr. 2,4 millj. til endurgreiðslu á vöruverði til félagsmanna,
verða eftir 303 þús. kr., rúmlega."
„Framleiðendur fengu greitt fyrir landbúnaðarafurðir 134,5 millj.
króna, og er það tæpum 25 millj. hærra en árið 1968. Fyrir mjólk
var greitt grundvallarverð, en fyrir aðrar afurðir um 1,8 millj. yfir
grundvallarverð. ‘ ‘
Að lokum mælti kaupfélagsstjóri á þessa leið:
„Ég hef lokið þessari skýrslu.
Eftir atvikum má afkoma félagsins teljast góð. Vil ég þakka öllu
því starfsfólki, sem unnið hefur hjá kaupfélaginu og á sinn þátt í
hagkvæmri rekstrarafkomu. Stjórn félagsins vil ég þakka hennar stóra
hlut í starfseminni, bæði nú og fyrir liðin ár. Síðast en ekki sízt vil
ég þakka hinum stóra hópi félagsmanna og annarra viðskiptavina
f)TÍr tryggð og samstöðu um félagið — og ég veit, að svo muni og
verða um ókomin ár.
Við vitum, að hinn forni hugsjónaeldur samvinnuhreyfingarinnar
hefur fölnað, og baráttan snúizt meira um brauðstrit og hagsmuni.
Slíkt getur oft haft hættu í för með sér — eins og ætíð, þegar menn
gleyma uppruna sínum. Seinni stríðskynslóðin hefur nokkra afsök-
un. Hún hefur alizt upp á mestu breytinga- og efnishyggjutímum
þessarar þjóðar. En fortíð og framtíð þurfa að haldast í hendur með
gagnkvæmum skilningi.
Ég held að við getum samt verið bjartsýn um framtíð samvinnu-
hreyfingarinnar. Tilvera hennar bjargaði þjóðinni á sínum tíma
undan oki erlendrar verzlunarkúgunar. Hún sannaði þegar í upp-
hafi ágæti sitt og nauðsyn f>TÍr fátæka bændur. Starfsemi hreyfing-
arinnar hefur víkkað. Tímarnir hafa breytzt og byggðaþróun rask-
azt. En launafólk í bæjum og þéttbýli hefur í æ ríkari mæli notfært
sér úrræði samvinnunnar og tekið virkan og vaxandi þátt í starfsemi
hennar. Ég vona að sú samstaða haldist og aukist. Við eigum enn