Glóðafeykir - 01.12.1970, Side 14

14
GLÓÐAFEYKIR
Yísnaþáttur
Hólmfriður Jónasdóttir.
Hólmfríður Jónasdóttir er fædd
12. sept. 1903, dóttir Jónasar frá
Hofdölum Jónassonar, hins víð-
kunna gáfumanns og skálds, og
konu hans, Önnu Jónsdóttur.
Hún er stórvel skáldmælt svo sem
var faðir hennar, og mun hafa
ort allmikið; hefur sumt birzt í
blöðum og tímaritum; hún á og
kvæði og stökur í Skagfirzkum
ljóðum.
Hólmfríður hefur lengi átt
heima á Sauðárkróki. Eiginmað-
ur hennar er Guðmundur Jósa-
fatsson.
Hér fara á eftir nokkrar stök-
ur, er Hólmfríður hefur varpað
fram við ýmis tækifæri:
Til vinkonu.
Haust þó mildum heilsi róm
heimabyggðum kærum,
við dýrkum sól og sumarblóm
sem við ungar værurn.
Gjarnan okkur gleymast ei
gömul vinakynni, —
ungra ljóða anganþey
áttu í vitund minni.