Glóðafeykir - 01.12.1970, Blaðsíða 33

GLÓÐAFEYKIR
33
Þetta sögðu þeir —
Dr. Þorkell Jóhannesson, háskólarektor:
„Sá, sem fyrst og fremst hugsar um að láta sér líða vel, hugsar
varla um margt annað“.
„Fámenn þjóð og lítilla úrkosta þarfnast umfram allt virðingar
fyrir sjálfri sér, trúar á hlutverk sitt í framtíð, fyrirheits, sem við
blasir ofar og utar daglegri önn.“
„Nú á dögum er skáldskapur orðinn að iðn, sem menn stunda
að vísu með misjöfnum árangri, eins og gerist og gengur um atvinnu-
vegi hér á landi, allt frá Nóbelshöfundum til hinna, sem lítt þurfa
við aðra að deila ánægjunni af verkum sínum. Hér sem oftar eru
margir kallaðir en fáir útvaldir.“
Dr. Sigurður Nordal fyrir 50 árum:
„Andlega menningin hlýtur alltaf að vera síðasta takmark hvers
einstaklings og hverrar þjóðar. Og eigi andleg menning að lifa á ís-
landi, verður henni ekki vísað til griðastaða með einstökum stéttum
eða í fáeinum kennslustofnunum. Landið er svo fámennt og strjál-
byggt, að hún verður úti ef hún á ekki víst athvarf í hverju koti, og
hver einstaklingur er ekki viðbúinn að veita henni húsaskjól og
brautargengi af eigin hvötum.“
Jónas Sveinsson, læknir:
„Það er sáluhjálparatriði vísindafræðslunnar að trúa engu nema
því, sem verður sannað stærðfræðilega. Hins vegar er nú orðið leyfi-
legt að láta sig gruna ýmislegt fram yfir það, og ekki sízt vegna þess,
að aukin vitneskja, sem hinar hávísindalegu rannsóknir samtíðarinn-
ar færa okkur, eykur virðingu okkar fyrir því, sem við vitum ekki.“
Sr. Gunnar Árnason:
„Kristindómurinn er aðeins að öðrum þræði trúarjátning. Hann
er líka líferni og bræðralag."