Skírnir - 01.01.1982, Síða 137

SKÍRNIR ÞJÓÐFRÆÐI OG BÓKMENNTIR 135
sem þrátt fyrir sérgrein á öðrum vettvangi hefur verið einn af
okkar fremstu og færustu mönnum í þjóðfræði á liðnum ára-
tugum. Helst er að maður sakni þess að Steindór skyldi ekki
birta meira af þeim sögum frá Oddi sem komu í leitirnar eftir
að fyrri útgáfan var prentuð.
í þessari útgáfu er greinargóð skrá um sagnamenn og höf-
unda handrita, efninu er skipað skilmerkilega í flokka og ítar-
leg grein gerð fyrir þeirri flokkaskipan. Hefur Jónas Jónasson
flokkað efnið nokkuð á annan veg en Jón Árnason gerði á sín-
um tíma (1862—64). Steindór hefur látið flokkun Jónasar halda
sér, en bætt inn í hvern flokk nýju sögunum þar sem þær áttu
heima. Þá ritar Steindór fróðlegan eftirmála, birt er ítarleg
nafnaskrá, skrá um staðanöfn og að lokum registur hugmynda
og hluta.
Verður seint of oft á því klifað hver nauðsyn ber til að búa
þjóðfræðiefni sem best úr garði fyrir lesendur. Það er ekki bók-
menntalegt eða fagurfræðilegt gildi sem veldur því hver aufúsu-
gestur þjóðsögur og sagnir eru mönnum sem lagt hafa sig eftir
slíku efni. Það er þjóðfræðin í tvennum skilningi sem lesendur
þessa efnis eru að sækjast eftir. Annars vegar að kynnast því efni
sem hefur lifað á vörum þjóðarinnar og verið miðlað frá manni
til manns öldum saman og hins vegar að fræðast af þessu efni
um þjóðina sem varðveitt hefur dýrgripina og skilað þeim af sér
þegar eftir var leitað. Lesendur verða að geta fundið í þessum
útgáfum það sem þeim er verulegur fengur að, en til þess að svo
megi verða má ekkert til spara að búa svo um efnið að sérkenni
þess og eigindir njóti sín.
Margt af því sem hér er nefnt er fyrir hendi í bókinni Skoðað
i sltrinu Eiriks d Hesteyri,60 sem Jón Kr. ísfeld hefur búið til
prentunar. í þessari bók eru þjóðsögur, ævintýri, dularfull fyrir-
brigði o. fl. sem höfundurinn hefur dregið saman á langri ævi.
Eiríkur á Hesteyri var fæddur árið 1873 og lifði nokkuð fram
eftir þessari öld. Er margt af efninu í bókinni ritað um og eftir
aldamótin síðustu.
Einn af kostum þessarar útgáfu eru athugagreinar sem þeir
hafa ritað Sigurður Helgason rithöfundur og útgefandinn, séra
Jón Kr. ísfeld. Hefur mikil vinna verið lögð í þessar greinar og