Bændablaðið - 13.05.2015, Blaðsíða 38

38 Bændablaðið | Miðvikudagur 13. maí 2015
Járnsmiðurinn Giovanni
Landini sem Landini
dráttarvélarnar eru nefndar
eftir hóf framleiðslu á
landbúnaðartækjum í borginni
Fabbrico í Ítalíu norðanverðri
árið 1884. Hann hóf framleiðslu
á gufuvélum 1911.
Landini lést 1924 en hafði þá
lagt drögin að nýrri dráttarvél.
Synir járnsmiðsins héldu nafni
hans á lofti og komu fyrstu
Landini traktorarnir
á markað árið1925.
Vélarnar voru
eins strokka og 30
hestöfl og gengu
fyrir dísilolíu. Vél
traktorsins var í
raun mjög einföld
og gat nánast gengið
fyrir hvaða olíu sem
var.
1000 traktorar
á ári
Sala fyrstu vélanna gekk vonum
framar og ekki leið á löngu þar
til bræðurnir hófu framleiðslu
á stærri tveggja strokka 40 og
50 hestafla traktorum sem báru
framleiðsluheiti eins og Velite,
Bufalo og Super.
Landini var í fararbroddi
ítalskra dráttarvélaframleiðenda á
fjórða áratug síðustu aldar og árið
1934 voru starfmenn fyrirtækisins
250 og ársframleiðslan tæplega
1000 traktorar á ári. Vinsældir 40
og 50 hestafla vélanna voru svo
miklar og þær voru í framleiðslu
til ársins 1957 með margs konar
nýjungum og endurbótum.
Hlé varð á framleiðslunni í
seinni heimsstyrjöldinni og náði
fyrirtækið sér aldrei almennilega
á strik eftir stríðið.
Samningur við Perkins
Árið 1950 var fyrirtækið komið
í mjög slæma fjárhagsstöðu
og á leiðinni í gjaldþrot þegar
framkvæmdastjóri þess landaði
samningi við framleiðanda
Perkins vél. Sama ár komu kom á
markað Landini C 35 beltatraktor
með Perkins dísilvél sem Landini
framleiddi á Ítalíu með sérleyfi.
Þrátt fyrir baráttuvilja
eigenda Landini tók dráttarvéla-
f r a m l e i ð a n d i n n
Massey-Ferguson
yfir 100% hlut í
fyrirtækinu árið
1960 . Áhug i
Massey-Ferguson
á Landini stafaði
að stórum hluta af
áhuga þeirra á nýju
beltatraktorunum.
Reksturinn gekk
vel hjá nýju eig-
endunum og Landini
gekk í endurnýjun
lífdaga. Auk þess
að framleiða minni
traktora sem henta á vínekrum
í Evrópu lagði fyrirtækið
áherslu á stærri traktora fyrir
Bandaríkjamarkað gegnum
dótturfélag Massey-Ferguson í
Kanada.
Blizzard bar af
Árið 1973 setti fyrirtækið á
markað 500 seríuna sem voru
stórar dráttarvélar, yfir 100 hestöfl
og með háu og lágu drifi. Í upphafi
níunda áratugs nítjándu aldarinnar
jók Landini enn á fjölbreytni
framleiðslunnar með auknu
úrvali minni traktora sem hentuðu
ávaxta- og berja framleiðendum.
Auk þess sem það framleiddi
millistórar dráttar vélar á hjólum,
þar á meðal svokallaðan Blizzard
sem var 80 hestöfl og þótti bera af
öðrum dráttarvélum á sínum tíma.
Í eigu ARGO
ARGO samsteypan
eignaðist meirihluta
á Landini 1989 þegar
Massey-Ferguson
seldi 66% hlut í
fyrirtækinu. AGCO
yfirtók Massey-
Ferguson 1994. Þegar
ARGO keypti AGCO
árið 1994 eignaðist
samsteypan Landini
að fullu.
Í dag framleiðir
ARCO dráttarvélar
undir þremur vörumerkjum;
Landini, McCormick og
Valpadana og er hverju
vörumerki ætlað að þjóna ólíku
markaðssvæði. /VH
Landini – lífseigur Ítali
Utan úr heimi
Eigendur smárra og millistórra
býla á Bretlandseyjum
segja að þrýstingurinn til að
lækka afurðaverð til stórra
verslunarkeðja sé orðinn svo
mikill að framleiðslan standi ekki
lengur undir kostnaði.
Talsmenn bændanna segja
að með sama áframhaldi munu
margir þeirra fara á hliðina áður
en langt um líður. Býli sem eiga
í alvarlegum fjárhagsvanda hefur
tvöfaldast það sem af er þessu ári
úr 728 í 1.414. Haft er eftir einum
bónda að breskir bændur geti ekki
til lengdar boði salat og tómata, sem
dæmi, á sama verði og starfsbræður
þeirra í löndum þar sem vinnuafl
er ódýrara og reglur um notkun á
vaxtarhvötum og skordýraeitri eru
ekki eins strangar.
Bændur sem lagt hafa áherslu á
lífræna mjólkur- og kjötframleiðslu
eru margir hverjir að snúa frá þeirri
framleiðsluaðferð vegna þess að
lífrænt fóður hefur hækkað mikið
í verði en afurðaverð staðið í stað
eða lækkað.
Talsmenn verslunarinnar í
Bretlandi segjast tilneyddir til að
halda verði eins mikið niðri og hægt
er því annars leiti neytendur annað.
Bent hefur verið á að ef banani
er seldur á eitt pund úr stórmarkaði
í Bretlandi fái verslunin 40
pens fyrir hann en bóndi í
bananaframleiðslulandi1 pens. /VH
Matvælaframleiðsla og verðlag:
Smáframleiðendur gefast upp
Indverskur bóndi hengdi sig í tré
á mótmælafundi bænda í Delí
fyrr í þessum mánuði. Ástæða
mótmælanna eru hugmyndir um
ný lög um upptöku og eignarhald
á landi.
Lögin sem gera auðveldara fyrir
lánardrottna að taka land skuldugra
bænda hafa verið samþykkt í neðri
deild indverska þingsins. Bændur
segja lögin brot á réttindum þeirra.
Margir indverskir bændur eru
skuldugir upp fyrir haus vegna
uppskerubrests og vegna þess að
nýjar gerðir af fræjum hafa ekki
staðið undir væntingum og verið sú
búbót sem til stóð.
Opinberar tölur frá Indlandi segja
að frá árinu 1995 hafi um 300 þúsund
bændur þar í landi stytt sér leið inn
í eilífðina vegna skuldabagga sem
var að sliga þá. Ójöfnuður í landinu
hefur aukist gríðarlega undanfarin
ár og í landi þar sem búa tæplega
1,3 milljarðar ráða 100 auðugustu
einstaklingarnir um 25% af öllu
fjármagni. /VH
300.000 indverskir bændur hafa
fyrirfarið sér vegna skulda
Jarðfræðingar hafa fundið
áhugavert samhengi milli vaxtar
plöntu sem vex í Líberíu og
demanta.
Komið hefur í ljós að
skógarplantan, sem kallast Pandanus
candelabrum og flokkast sem
skúfpálmi, vex í miklum mæli þar
sem demanta er að finna undir
yfirborðinu.
Lengi hefur verið vitað að
ákveðnar plöntur vaxa betur í
jarðvegi sem er að finna í gull eða
kopar. Dæmi um plöntu sem kann
að meta kopar er Lychnis alpina sem
margir þekkja sem ljósbera.
Hvað P. candelabrum varðar
þá er hún fyrsta plantan sem vitað
er um sem gefur til kynna að
demantar kunni að leynast
í jarðveginum. Þar sem
um skógarjurt er að ræða
er hætt við að námufélög
geri út menn til að leita
að plöntunni í skógum og
hefji námuvinnslu þar í
framhaldinu.
Grasafræðingar við
Kew-grasagarðinn segja
plöntuna afar sjaldgæfa
og að lítið sé vitað um
P. candelabrum og því
verði að fara varlega í að
tengja vöxt hennar við
demantanámur og æða
með stórvirkar vinnuvélar
inn í skóga þar sem plantan
vex og byrja að grafa. /VH
Demantablóm