Morgunblaðið - 24.09.2015, Síða 12

12 DAGLEGT LÍF
MORGUNBLAÐIÐ FIMMTUDAGUR 24. SEPTEMBER 2015
Bæjarlind 1-3
201 Kópavogur
sími 571 5464
www.tiskuhus.is
Smart haustfatnaður
Fararstjóri: Inga Ragnarsdóttir
Hawaii -Honolulu&Maui
Bókaðu núna á baendaferdir.is
Sími 570 2790
bokun@baendaferdir.is
Síðumúla 2, 108 Reykjavík
Ævintýraleg ferð til paradísarinnar Hawaii, þar sem hvítar
strendur renna saman við blágrænan sæ, skógivaxnar hlíðar
og mögnuð eldfjöll. Einstakt tækifæri til að njóta dásamlegs
loftslags og komast í tæri við forvitnilega menningu og sögu
undir leiðsögn eins okkar besta fararstjóra.
Verð: 868.200 kr. á mann í tvíbýli.
Mjög mikið innifalið!
Sp
ör
eh
f.
30. janúar - 12. febrúar
AFP
Hertogahjónin Verður frumburður þerirra hrukkóttur á sjötugsaldri?
Valgerður Þ. Jónsdóttir
vjon@mbl.is
Margir foreldrar velta ef-laust fyrir sér hvernigbörn þeirra muni líta útí framtíðinni; kannski
um tvítugt, fertugt eða þaðan af eldri.
Verða þau lík öðru hvoru foreldrinu á
sama aldri, eða engum lík? Sá mögu-
leiki er fyrir hendi að innan tíðar
þurfi um fátt að spá; útlitið liggi
nokkuð ljóst fyrir. Forrit sem Hassan
Ugail, prófessor í Bradford-háskóla,
og teymi hans eru að þróa kann að
nýtast til að svala forvitni foreldra að
þessu leytinu.
Upphaflegur tilgangur forritsins
var að greina hryðjuverkamenn í
mannfjölda. Forritið, sem síðar gæti
orðið app í snjallsíma, er einnig þróað
til að leysa af hólmi eldra forrit, sem
notað er til að bera saman myndir úr
eftirlitsmyndavélum og ljósmyndir úr
gagnagrunni. Sá hængur er á að það
getur ekki tekið með í reikninginn
hvernig meint misindisfólk breytist
með aldrinum.
Konunglegar stikkprufur
Breska pressan virtist töluvert
uppnumin þegar forritið var kynnt til
sögunnar og mjög áhugasöm um
stikkprufur Ugails og félaga, enda
voru þær eftirlæti þjóðarinnar, prins-
inn og prinsessan, George tveggja
ára og Charlotte sex mánaða. Ásamt
Harper, fjögurra ára dóttur Davids
og Victoriu Beckham, og Eric, eins
árs syni Simon Cowells í X- Factor
og konu hans Lauren
Silverman.
Ekki er vitað
hvort hertogahjónin
af Cambridge hafa
orðið fyrir von-
brigðum eða látið
sér í léttu rúmi
liggja að forritið
sýndi frum-
burð þeirra
sem fremur
hrukkóttan og
gugginn mann
á sjötugsaldri.
Samkvæmt
forritinu held-
ur Charlotte
sér mun betur
og verður
bæði lagleg og með góða húð á sama
aldri.
The Sunday Times hafði eftir
Ugail að hann hefði einfaldlega valið
fyrrnefnd börn sem stikkprufar því
myndir af þeim væru stöðugt í fjöl-
miðlum.
„Við teljum okkur geta sagt með
80% vissu fyrir um hvernig prinsinn
og prinsessan – eða hvaða barn sem
er – líta út í framtíðinni,“ sagði Ugail,
sem hyggst skýra tæknina að baki í
fræðiritgerð, sem kemur út í nóv-
ember. Afar einföld útlistun á
tækninni felst í að tekin er mynd af
barni, og henni síðan með ákveðnum
hætti splæst saman við myndir af for-
eldrum þess.
Annar maki,
betra útlit?
Verði forritið að
veruleika og að-
gengilegt almenn-
ingi, gætu pör mát-
að sig saman í
appi í snjall-
símunum
sínum og
fengið út
hvernig
barn
þeirra, sem
á því stigi
væri jafn-
vel bara
hugmynd, liti
út. Leggi þau
mikið upp úr útlitinu og lítist ekkert á
blikuna er ekki loku fyrir það skotið
að þau slíti sambandinu og leiti sér að
öðrum maka sem mátast betur með
tilliti til útlits tilvonandi barns.
Við þróun forritsins stóð Ugail
frammi fyrir augljósum vanda; erfitt
yrði að sannreyna nákvæmni forrits-
ins fyrr en að áratugum liðnum.
Hann brá á það ráð að „yngja fólk“
upp í stað þess að sýna það í framtíð-
inni. Ein af stikkprufunum var An-
gelina Jolie, sem þeir „bakfærðu“ til
sex ára aldurs. Að sögn Ugail voru
líkindin ótrúlega mikil. Fegrunar-
aðgerðir setja líka strik í reikninginn,
t.d. þótti ekki víst að Eric, sonur Sim-
on Cowell, yrði eins unglegur sem
miðaldra maður og forritið sagði fyrir
um.
Ekki bara fyrir hégómann
Sumir kunna að finna forriti af
þessu tagi flest til foráttu og segja
það til þess eins fallið að kitla hé-
gómagirnd fólks. Nóg væri um dálæti
þess á sjálfsmyndum, stjörnufans,
fríðleika og fögrum kroppum.
En markmiðin eru háleitari en
svo og líklega er útlitsspáin bara
aukaafurð. Enda segir Ugail forritið
geta gagnast við að finna týnd börn.
Með því að nota myndir af þeim og
foreldrum þeirra væri hægt að sjá
hvernig útlit barnanna breytist með
tímanum. Að sögn The Daily Mail er
honum þó full alvara með að þróa það
áfram í app fyrir snjallsíma.
Þegar útlitið
liggur ljóst fyrir
Með appi fyrir snjallsíma gætu foreldrar innan skamms séð hvernig börn þeirra
líta út á ýmsum æviskeiðum. Pör gætu líka mátað sig saman og séð hvernig ógetið
barn þeirra yrði útlits með 80% vissu að mati hönnuðarins. Forveri slíks apps
væri forrit sem enn er í þróun, fyrst og fremst þó í merkilegri tilgangi.
AFP
Fríðleiksbörn George prins og Charlotte prinsessa.
AFP
Harper Beckham Fjögurra ára á tískusýningu með pabba.
Eric Eins árs
sonur Cowell-
hjónanna, mun
verða unglegur
miðaldra.
Frá því Spilavinir opnuðu verslun sína
árið 2007 hafa þeir boðið hópum að
koma til sín og spila eða þeir hafa
farið til þeirra og stýrt spilakvöldi. Þá
hefur fólk sem hefur gaman
af því að spila safnast sam-
an hjá Spilavinum annað
hvert fimmtudagskvöld og
tekið í spil. Spilavinir
hyggjast leggja spilin á
borðið kl. 20 í kvöld og
spila til kl. 23 í versluninni
Suðurlandsbraut 48 (bláu
húsin í Skeifunni). Það
kostar
ekkert
að vera
með og
spila.
Und-
anfarið
hefur verið
góð mæting á
spilakvöldin, þar sem starfsfólk
Spilavina kennir á spil og hópar fólk
saman svo allir skemmti sér vel.
Spiluð verða alls konar spil á
mörgum borðum og eru allir sem
vettlingi geta valdið hvattir til að
mæta, einir síns liðs eða með vinum
sínum og félögum. Spilavinir eiga
mikið úrval spila sem hægt er að
prófa, en fólk getur einnig komið með
sín eigin spil.
Spilakvölin eru ætluð
fullorðnum en krakkar
12 ára og eldri eru vel-
komnir í fylgd með full-
orðnum. Ekki er ótrú-
legt að Sofandi
drottningar verði fyrir
valinu hjá einhverjum í
yngri kantinum. Hönn-
uðurinn, Mir-
anda Ev-
arts, var
aðeins
sex ára
þegar hún
fékk hug-
myndina að
spilinu og fyrsti spila-
hönnuðurinn á barnsaldri sem fékk
spil sitt gefið út á alþjóðlegum mark-
aði. Sofandi drottningar fagna tíu ára
afmæli í ár, hafa unnið til fjölda verð-
launa og lengi verið eitt vinsælasta
spilið í Spilavinum.
Fimmtudagsspilakvöld í bláu húsi við Suðurlandsbraut
Spilavinir leggja spilin á borðið
Sofandi drottningar Spiluð verða
alls konar spil á mörgum borðum.