Morgunblaðið - 24.09.2015, Qupperneq 65

65
MORGUNBLAÐIÐ FIMMTUDAGUR 24. SEPTEMBER 2015
Besta skipafélag Evrópu 2008-2015
www.worldtravelawards.com
Þolinmæði Jón Örn segir ekki einn einasta kjötbita fara fram í verslun Kjötkompanís fyrr en hann hefur fengið að meyrna nógu lengi til vera orðinn lungamjúkur og ljúffengur.
Veisluþjónustan hefur allt frá
byrjun verið veigamikill þáttur í
rekstrinum, að sögn Jóns Arnar.
„Þar bjóðum við upp á mat sem
hæfir við öll tilefni, hvort heldur er
brúðkaup, fermingar, grillveislur
eða hvers kyns hlaðborð. Smárétt-
irnir okkar eru afar vinsælir, þá er
hægt að skoða og panta í stykkja-
tali á vefsíðu Kjötkompanís; jafn-
framt bjóðum við upp á tilbúin hlað-
borð þar sem við mætum á staðinn
og setjum upp smáréttaveislu að
okkar hætti. Við reynum að verða
við öllum óskum viðskiptavina og
tökum til dæmis tillit til þeirra sem
ekki borða kjöt, með því að hafa
með gómsæta grænmetisrétti.“
Hjörtur og elgur
Spurður út í haustið og breyttar
áherslur í mat eftir grillveislur
sumarsins segir Jón Örn skemmti-
lega tíma framundan. „Nú förum
við að færa okkur yfir í villibráðina
og áður en við vitum af er komin
aðventa. Þá bjóðum við meðal ann-
ars upp á hreindýra- og gæsapaté,
grafnar og heitreyktar gæsabring-
ur, krónhjört, elg og hreindýrakjöt
og annað góðmeti, ásamt tilheyr-
andi meðlæti.
Um síðustu jól varð hálfgerð jóla-
hlaðborðssprenging hjá okkur, þar
sem við bjóðum upp á tilbúin jóla-
hlaðborð, tilvalin í 10 til 30 manna
veislur í heimahúsum, sem við-
skiptavinir sækja til okkar. Jafn-
framt setjum við sjálf upp jólahlað-
borð fyrir viðskiptavini, bæði minni
fyrirtæki og alls kyns hópa.
Jólin eru í miklu uppáhaldi hjá
okkur og viðskiptavinir geta eins og
alltaf stólað á okkur og fengið allt
tilbúið í jólamatinn. Vinsælasta
jólasteikin okkar er tvímælalaust
nautalund Wellington; hún er af-
skaplega ljúffeng og hátíðleg og við
gerum hana klára og afhendum í
smjördeiginu þannig að hún er
tilbúin beint í ofninn. Margir velja
að kaupa allt á veisluborðið; jóla-
steikina, forréttinn, meðlætið og
eftirréttinn, og viðskiptavinir
kunna vel að meta að við gefum
alltaf góð ráð og látum eldunar-
leiðbeiningar fylgja með.“
Ítalskar olíur
Í verslun Kjötkompanís í Dals-
hrauni er auk ferskra kjötafurða og
tilbúinna rétta að finna alls kyns
góðmeti, bæði innflutta sælkera-
vöru og eigin framleiðslu. „Okkar
stefna er að reyna að framleiða sem
mest sjálf af sælkeramat, svo sem
sósur, rauðlaukssultur, meðlæti og
deserta. Við erum einnig með
ítalskar olíur, ólífur, pasta, pasta-
sósur og fleira gómsætt sem er
flutt inn sérstaklega fyrir okkur.
Þetta eru að stórum hluta vörur
sem við þekkjum vel og notum sjálf
í eldhúsinu okkar, og getum því
mælt heilshugar með.
Við höfum á liðnum árum eignast
stóran og góðan hóp fastakúnna,
sem stækkar sífellt, og það er auð-
vitað mælikvarðinn á gæði vöru
okkar og þjónustu. Okkar sérstaða
er úrvalshráefni, ferskt og hreint,
nýjungar í kjöti og hvers kyns með-
læti, og fjölbreytt vöruúrval.
Skemmtilegast er hvað við höfum
náð að kynnast vel kúnnum okkar
og mynda góð tengsl við þá, og okk-
ur finnst alltaf jafngaman að bjóða
nýja viðskiptavini velkomna í hóp-
inn.“