Þjóðmál - 01.03.2012, Blaðsíða 36

Þjóðmál VOR 2012 35
Ádögunum var birt ákæra á hendur þremur fyrrverandi stjórnendum
Kaupþings banka hf . og Ólafi Ólafssyni,
sem áður var einn stærsti hluthafi bankans,
vegna markaðsmisnotkunar og fleiri brota
er tengdust meintum kaupum sjeiksins
Mohamed bin Khalifa Al­Thani á 5,01
prósentum hlutafjár í Kaupþingi . Hér er
ætlunin að segja frá þeim kaupum og rifja
upp nokkrar aðrar viðskiptafléttur þar sem
Ólafur hefur leikið stórt hlutverk .
Talsvert hefur verið fjallað um Ólaf að
undanförnu vegna skuldauppgjöra félaga
hans, en í október í fyrra var greint frá sam­
komulagi sem tekist hafði milli Kjalars,
fjár fest ingarfélags hans, og lánardrottna
félags ins um uppgjör á skuldum og eignum
félagsins, en Kjalar hafði þá allt frá fyrri hluta
árs 2009 unnið að sölu eigna í samstarfi við
lánardrottna . Þá stóð einnig fyrir dyrum
málarekstur, þar sem reyna myndi á uppgjör
gjaldmiðlaskiptasamninga milli Kjalars og
Kaupþings banka hf . Hluti af samkomulagi
Kjalars fól í sér að fallið var frá umræddum
málaferlum en Arion banki, arftaki
Kaupþings, leysti til sín eignir félagsins, þar
á meðal þriðjungshlut í HB Granda .1
Hálfu öðru ári fyrr, eða í ársbyrjun 2010,
samdi Ólafur við lánardrottna Samskipa,
Arion banka og belgíska bankann Fortis,
um að hann héldi skipafélaginu gegn því að
reiða fram um sjö hundruð milljónir króna .
Hagnaður Samskipa nam 6,2 milljónum
evra árið 2010, eða ríflegum milljarði króna,
en árið áður var tap af rekstrinum upp á tvær
milljónir evra (tæpar 330 milljónir króna)
samkvæmt ársreikningum félagsins .
Þegar fréttir bárust af 64 milljarða króna
afskriftum Arion banka á skuldum félaga
Ólafs Ólafssonar birtist forystugrein í DV
undir fyrirsögninni „Auðmanni bjargað
aftur“ með vísan til stórkostlegra lána
Kaupþings til félaga Ólafs skömmu fyrir
fall bankans . Höfundur forystugreinarinnar
sagði meðal annars:
Svona endurtekur þetta sig . Uppvakningar
góðærisins rísa upp úr rústum eigin skýjaborgar
1 „Kjalar og Arion banki semja“ . visir.is, 10 . október
2011 .
Björn Jón Bragason
Falið eignarhald Ólafs
Ólafssonar
— söguleg upprifjun