Þjóðmál - 01.03.2012, Blaðsíða 47

46 Þjóðmál VOR 2012
stjórnarháttum . Hugmyndabarátta Rons
Paul gengur undir nafninu Ron Paul­
byltingin (e . revolution), enda lítur hann
á baráttu sína sem framhald af bandarísku
byltingunni, er gat af sér plagg sem er
í miklum metum hjá Paul: bandarísku
stjórnarskrána . Hann leggur þó áherslu
á að vísunin sé til friðsamlegrar byltingar,
í raun almennrar hugarfarsbyltingar sem
muni leiða til endaloka spillts og rotins
stjórnkerfis . Ron Paul er ekki hefð bundinn
byltingarsinni að upplagi, heldur venju­
legur frjálslyndur íhaldsmaður, rólyndur
vinnusamur fjölskyldumaður, sem lifir heil­
brigðu lífi, hjólar sér til yndisauka og ræktar
garðinn sinn, í eiginlegri sem óeigin legri
merkingu . En þeir tímar koma stund um
að ytri aðstæður neyði jafnvel slíka menn
til byltingar . Innviðir vestræns sam félags
eru helsjúkir, óheillaþróun hefur leitt sið­
menninguna á stjórnarfarslega glap stigu, í
siðferðilegar ógöngur og fjár hagsl egt öng­
stræti . Róttækra breytinga er þörf .
Ron Paul var fyrst kosinn í fulltrúadeild bandaríska þingsins árið 1976 og
síðan 1996 hefur hann setið samfellt sem
fulltrúardeildarþingmaður repúblikana fyrir
14 . umdæmi Texas­fylkis, þar sem hann
hefur lengi verið búsettur . Paul öðlað ist
fyrst heimsfrægð í kappræðum sem haldnar
voru þegar hann bauð sig fram í forvali
Repúblikanaflokksins fyrir forseta kosn ing­
arnar 2008 og orðstír hans hefur aukist
jafnt og þétt síðan . Hann er einn af fjórum
frambjóðendum sem enn gefa kost á sér í
forvalinu sem fer fram um þessar mundir .
Paul er menntaður læknir og hefur fléttað
læknisstarfið saman við stjórnmálavafstur .
Hann hefur skapað sér orðspor fyrir
samkvæmni milli orða og gjörða . Sem læknir
hefur hann ekki þegið fé úr opinberum
sjóðum, en hefur margsinnis stutt fátæka og
umkomulausa með því að gefa vinnu sína .
Raunar hefur hann lýst því hvernig slík pro
bono vinna hafi verið hluti af starfi allra
lækna áður en ríkisrekið heilbrigðiskerfi kom
til sögunnar . Náungakærleikur í verki birt­
ist einnig í meiri alúð við sjúklinga áður en
afar óhagkvæm stofnanavæðing um breytti
hlutunum og persónulaus færibanda vinna
færðist í aukana .
Stuðningur Pauls við hefðbundin fjöl ­
skyldugildi hefur verið í sama dúr: hann
hefur krafist mikils af sjálfum sér í hlutverki
eiginmanns og föður, en hefur hvorki stært
sig af árangrinum né viljað þvinga lífsstíl
sínum á aðra . Varðandi málefni eins og til
dæmis skilgreiningu á hjónabandi er Paul
á öndverðum meiði við þá íhaldsmenn
sem vilja að ein regla gildi um alla borgara
ríkisins . Að mati hans á ríkisvaldið ekki
að skipta sér af slíkum málum, heldur á
einstökum trúfélögum að vera í sjálfsvald
sett hvernig þau haga málum sínum . Fólk
getur síðan einfaldlega valið sér trúfélag
sem höfðar til þess .
Slík nálgun endurspeglar réttlætiskennd
Pauls varðandi persónulegt frelsi: að
einstaklingar hafi sjálfsákvörðunarrétt um
eigin mál og geti síðan valið félagsskap —
maka, vini og félög — sem þeir deila lífs­
viðhorfum með . Í slíku frjálsu samfélagi
þarf maður að sjálfsögðu ekki að styðja
val náungans, heldur einungis að virða
rétt hans til að velja og ætlast til að hann
umberi sitt val á sama hátt . Skoðana­ og
tján ingarfrelsi býr til ólíka hópa, sem geta
myndað samfélög í gegnum félaga­ og
búsetufrelsi — og ræktað menningu sína
og gildi . Þannig ganga hlutirnir fyrir sig í
frjálsum heimi .
Þrætueplið varðandi skilgreiningu á
hjóna bandi er raunar ansi gott dæmi um
hversu tvíbent vopn ríkisvaldið er til að
þvinga vissu gildismati á allt samfélagið .
Segja má að hefðbundinn kristinn hjóna­
bands skilningur hafi verið ríkisvæddur