Þjóðmál - 01.03.2012, Side 52

Þjóðmál VOR 2012 51
fræði Gamla hægrisins og Ron Paul­hreyf­
ingarinnar er andstaða við miðstýringu . Sú
andstaða birtist í stuðningi við full veldi ríkja,
efasemdum um hvers kyns ríkja sambönd
og tortryggni gagnvart fríverslunar­ og
hernaðarbandalögum . Hinn annálaði öld­
ung a deildarþingmaður repúblikana og
paleo­hægrimaður, Robert Taft, barðist
meira að segja gegn aðild Bandaríkjanna að
NATO . Ron Paul hefur ekki aðeins beitt sér
gegn NAFTA og WTO, heldur einnig gegn
flestum einstaka fríverslunarsamningum,
enda stuðla þeir yfirleitt ekki að frjálsum
viðskiptum heldur stýrðum við skiptum .
Andstaðan við miðstýringu endur speglast
einnig í stuðningi við meiri sjálfsákvörð­
unar rétt smærri eininga: fylkja, héraða,
sýslna, sveitarfélaga og svo framvegis . Segja
má að lokatakmarkið sé auðvitað sem
mestu r sjálfsákvörðunarréttur hvers heimilis
og hvers einstaklings!
Boðskapur Rons Paul hefur ekki aðeins hrifið fjölmarga Bandaríkjamenn,
heldur nýtur hann hylli úti um allan heim .
Ísland er engin undantekning; aðdáendum
hins bandaríska öðlings, hugsjónamanns og
byltingarsinna hefur fjölgað jafnt og þétt
hér á landi . Nýverið var stofnaður sérstakur
frjálshyggjuhópur á vegum SUS, sem hefur
það að markmiði að boða þær róttæku
hugmyndir sem Paul stendur fyrir . Frjáls­
hyggjuhópurinn er, eins og segir í stefnu­
yfirlýsingu hans, „sveit róttækra kapítal ista
sem vill auka frelsi einstaklinga, minnka
miðstýringu, tryggja friðhelgi eignar ­
réttar, standa vörð um fullveldi Ís lands og
stuðla að friðsömum og víðsýnum alþjóða ­
samskiptum“ .
Orðin sem féllu á breska þinginu 20 . ágúst
1940, að „aldrei fyrr hafi jafnmargir staðið
í jafnmikilli þakkarskuld við jafn fáa“, eru,
auk afreka mannsins sem tjáði þau, áminn­
ing um að fámennur hópur, eða hreinlega
ein manneskja, geti skipt sköpum fyrir rás
sögunnar — að afdrif þjóða, siðmenningar
eða jafnvel mannkynsins alls, geta ráðist
af sterkri persónu sem berst af alefli fyrir
hugsjónum sínum . En ef til vill er ekki nóg
að réttur maður sé á réttum stað, heldur
þurfi tíminn einnig að vera réttur . Haft er
eftir Victor Hugo að ekkert geti stöðvað
hugmynd þegar tími hennar er kominn .
Spurning er hvort að örlaganornirnar hafi
ekki einmitt spunnið vef sinn á þann hátt
að hugmyndir stjórnarskrárkempunnar séu
orðnar sérlega tímabærar, að fæðingarhríðir
byltingar séu hafnar . Ron Paul er á 77 .
aldursári og hann mun líklega ekki sjá
vonir sínar rætast . En hann hefur blásið
fjölda einstaklinga í brjóst sannfæringu
og eldmóði; þau fræ sem hann hefur sáð
í hjörtum þeirra munu vaxa og dafna .
Sonur Pauls, öldungadeildarþingmaðurinn
Rand Paul, mun taka við keflinu, ásamt
breska íhaldsmanninum Daniel Hannan
og öðrum efnilegum stjórnmálamönnum
sem hafa sannfærst um málstað Ron Paul­
bylting ar innar . Þeir munu þjóta með keflið
til móts við nýja tíma — vinna stóra sigra,
um bylta stjórnarfari og stuðla að betra
samfélagi .