Þjóðmál - 01.03.2012, Síða 59

58 Þjóðmál VOR 2012
má nefna, að með þessari orku, 12 000 GWh,
má framleiða allt að einni milljón tonna af
áli á ári, sem er ríflega tvöföldun núverandi
álframleiðslu í landinu.
Jarðhitann er auðvitað sjálfsagt að nýta
einnig, eins og áður segir, en það ætti að
vera fjölþætt nýting, sem gjörnýtir varmann,
sem úr iðrum jarðar kemur, þ . e . ekki
ein vörð ungu raforkuvinnsla, sem nýtir
aðeins rúmlega 10% varmans . Það er lexía
Rammaáætlunar . Sjálfbærni verður að vera
leiðar stefið . Vandinn er, að hitakær starfsemi
þarf að vera í grennd jarðvarmanámunnar .
Slíkt þarf ekki að verða frágangssök í fram­
tíðinni .
Fiskeldi er áreiðanlega mjög vaxandi
atvinnugrein, sem hentar að sumu leyti vel
á Íslandi vegna mikils ferskvatns og jarð­
hitans . Ýmsir efnaferlar munu vafalaust
geta nýtt sér jarðvarmann . Síðast, en ekki
sízt, er og verður sama gufan nýtt til raf­
orkuvinnslu og til upphitunar á hita veitu­
vatni til upphitunar á húsnæði, sbr . Nesja­
vallavirkjun og Svartsengisvirkjun, til að
bæta nýtni gufunýtingarinnar .
Gríðarlegar endurnýjanlegar vatnslindir
eru í landinu . Grunnvatnsforðinn er talinn
mundu anna töku á meiru en 600 m3/s,
en núverandi landsnotkun er um 6 m3/s .
Stóriðjan notar rúmlega 10% af þessu .
Það væri skynsamlegt að laða hingað bæði
orkukæra og vatnskæra starfsemi. Áliðnaður
og fiskeldi eru dæmi um slíkar greinar.
Til að auka verðmætasköpunina, eins og
sýnt er fram á í þessari grein að er mögu­
legt, þarf fjármagn . Núverandi lands stjórn
(ríkisstjórn Jóhönnu Sigurðar dótt ur) er
fjárfestingum fjandsamleg . Þá skýtur skökku
við, að hún telur helztu rök semdina fyrir
aðild Íslands að ESB vera auknar fjár fest­
ingar . Það þarf að búa í haginn fyrir erlenda
fjárfesta, eins og Írar hafa gert, reyndar
í óþökk ESB, með lágum tekjuskatti á
öll fyrirtæki í landinu, t . d . 12% . Þannig
verði snúið af braut mikilla erlendra
lántaka . Þegar samið hefur verið um erlent
fjárstreymi til landsins til virkjana, iðjuvera
og annars, um 150 milljarða kr . á ári, á að
afnema gjaldeyrishöftin með pennastriki
dr . Ludwigs Erhards og leyfa frjálsa fjár­
magnsflutninga og uppgjör fyrirtækja í
hvaða mynt sem er . Reglufestu og strangan
aga verður að innleiða í stjórn ríkisfjármála
og peningamála til að lækka erlendar
skuldir, og skapa efnahagslegan stöðugleika
(verðbólgu undir 2% á ári) til að hækka
lánshæfismatið og þar með að lækka vextina
í landinu . Þá mun hagvöxtur blómstra
(verða 3%–6%), fjöldaatvinnuleysi verða
út rýmt og brottfluttir snúa heim .
Skýringar:
1) 1 Petajoule (PJ) er samsett orð úr Peta=1015
(þúsund milljón milljónir) og Joule, sem er
grunnorkueining og jafngildir 1J=1Ws (watt­
sekúnda) .
2) ISK/USD er gengi bandaríkjadals í íslenzkum
krónum . Þar sem í þessari grein er notuð
skammstöfunin kr . er átt við ISK .
3) Olíujafngildi er það magn olíu, sem inniheldur
sömu orku .
4) VLF er verg (heildar­) landsframleiðsla .
Annað skylt hugtak er þjóðarframleiðsla . Það
eru verðmæti, sem verða einvörðungu til innan­
lands .
5) 1 kt eru eitt þúsund tonn .
6) 1 mia . kr . er einn milljarður (þúsund
milljónir) króna .
7) GWh gígawattstundir .1 GWh=109wattstundir
eða 1 milljón kWh (kílówattastundir) .1 GWh/
a=1 GWh á ári .
8) 1 MWh/íb er 1000 kWh á íbúa .
9) Rammaáætlun um vernd og nýtingu nátt úru­
svæða með áherzlu á vatnsafl og jarðhita svæði, 2 .
áfangi, ISBN­978­9979­68­298­1, útg . í júní
2011 af verkefnisstjórn, þar sem Sveinbjörn
Björnsson var ritstjóri, og iðnaðarráðu­
neytinu . Verkið er 225 blaðsíður og gegnir
megin hlutverki forgangsröðunar nýtingar og
verndar . Á endanum verður samt þessi for­
gangs röðun verk efni stjórn mála manna hvers
tíma .