Gerðir kirkjuþings - 01.01.2014, Page 24
24 25
2. mál. Fjármál þjóðkirkjunnar.
Ályktun kirkjuþings 2013:
Kirkjuþing 2013 afgreiðir ársreikninga þjóðkirkjunnar fyrir árið 2012 um einstaka
sjóði, stofnanir og viðfangsefni þjóðkirkjunnar athugasemdalaust. Farið hefur verið yfir
fyrirliggjandi endurskoðunarskýrslu til kirkjuþings frá Ríkisendurskoðun. Kirkjuþing
staðfestir að reikningshald kirkjulegra embætta, stofnana og sjóða fyrir árið 2012 hafi hlotið
fullnægjandi endurskoðun.
Undanfarin ár hefur þjóðkirkjan tekið á sig umtalsverða tekjuskerðingu þar sem greiðslur til
kirkjunnar hafa minnkað ár frá ári. Annars vegar er þar um að ræða lögbundin sóknargjöld,
félagsgjöld, sem ríkið innheimtir og hins vegar samningsbundnar greiðslur vegna kirkjueigna
sem ríkinu voru afhentar með sérstöku samkomulagi frá 1997.
Kirkjujarðasamkomulagið fjallar um afhendingu kirkjujarða til ríkisins á móti skuldbindingu
um að greiða laun presta og starfsmanna þjóðkirkjunnar. Þjóðkirkjan hefur ekki vikist
undan ábyrgð og fallist á skerðingu á kirkjujarðasamkomulaginu undanfarin ár. Uppsöfnuð
skerðing frá árinu 2010 vegna kirkjujarðasamkomulagsins er um 1,6 milljarður króna.
Sóknargjöldin eru lögbundin félagsgjöld sem ganga til reksturs safnaðanna um land allt.
Óumdeilt er að sóknir þjóðkirkjunnar hafa orðið fyrir mun meiri skerðingu en stofnanir
innanríkisráðuneytisins. Frá fjárlögum ársins 2008 til 2011 hafa sóknargjöld lækkað
sem nemur 25% umfram fjárveitingar til stofnana innanríkisráðuneytisins, samanber
skýrslu nefndar innanríkisráðherra til að meta áhrif niðurskurðar fjárveitinga á starfsemi
þjóðkirkjunnar. Ríkið hefur nú viðurkennt þetta misræmi og hyggst bæta skerðingu
sóknargjalda undanfarinna ára að hluta með tímabundnu viðbótarframlagi. Engu að síður
vantar mikið uppá að sóknargjöldin séu í samræmi við lög nr. 91/1987. Uppsöfnuð skerðing
vegna sóknargjaldanna á árunum 2008 – 2013 er um 2,6 milljarðar króna.
Þjóðkirkjan og söfnuðir hennar hafa því orðið fyrir tekjuskerðingu er nemur í heild um 4,2
milljörðum króna á síðastliðnum fimm árum og getur það ekki haldið áfram óbreytt.
Innanríkisráðherra hefur skipað nefnd um sóknargjöld. Kirkjuþing 2013 treystir því að
úr því starfi komi ásættanlegur samningur við ríkið um framtíðarskipan og innheimtu
sóknargjalda sem eru félagsgjöld. Einnig að fyrirhugaðar viðræður ríkis og kirkju um
endurskoðun 3. greinar kirkjujarðasamkomulagsins leiði til þess að staðið verði að fullu við
kirkjujarðasamkomulagið.
Í nefndaráliti fjárhagsnefndar kirkjuþings, við 2. mál segir m.a:
Fjárhagsnefnd beinir því til kirkjuráðs og biskups Íslands að áfram verði unnið að eftirfarandi
atriðum:
1. Innanríkisráðherra hefur skipað nefnd um sóknargjöld. Fjárhagsnefnd kirkjuþings
2013 treystir því að út úr því starfi komi ásættanlegur samningur við ríkið um
framtíðarskipan og innheimtu sóknargjalda, sem eru félagsgjöld.
2. Að fyrirhugaðar viðræður ríkis og kirkju um endurskoðun 3. greinar kirkju jarða sam-
komu lagsins leiði til þess að staðið verði að fullu við kirkjujarða samkomulagið.
3. Að haldið verði áfram að einfalda sjóðakerfi kirkjunnar og gera það gegnsærra. Eigi að