Gerðir kirkjuþings - 01.01.2014, Page 25

25
síður verður að gæta þess að sögulegum grundvelli og hlutverki sjóðanna samkvæmt
lögum sé haldið til haga.
4. Að framsetning fjárlaga verði þannig að skýrt sé að greiðslur til þjóðkirkjunnar séu
annars vegar á grundvelli kirkjujarðasamkomulags og hins vegar samkvæmt lögum
um sóknargjöld.
5. Að áfram verði miðlað ráðgjöf til sókna þjóðkirkjunnar á vegum Biskupsstofu og að
leitað verði leiða til að efla fjárhagslegt eftirlit með þeim. Sóknir og prófastsdæmi eru
hvött til að sameinast um verkefni eins og aðstæður leyfa til hagræðis og sparnaðar t.d.
í reikningshaldi, sameiginlegum útboðum og innkaupum.
6. Að mörkuð verði sú stefna að sérþjónustuprestar verði kostaðir af tekjum
Kirkjumálasjóðs. Nú liggur fyrir þriggja ára fjárhagsáætlun og miðað við núverandi
aðstæður og skipulag næst jafnvægi í fjármálum þjóðkirkjunnar árið 2017. Nefndin
vekur athygli á því að 90% af útgjöldum vegna kirkjujarðasamkomulagsins er
launakostnaður, því er svigrúm til sparnaðar þröngt nema gripið verði til uppsagna.
7. Að áfram verði leitað leiða til að styrkja fjárhagsgrundvöll Skálholts meðal annars með
útleigu á gisti- og veitingarekstri, þar sem ákveðin tímabil eru ætluð til kirkjustarfs.
Öll þessi málefni hafa verið á borði biskups og kirkjuráðs á starfstímanum. Sjá umfjöllun
um útleigu á gisti- og veitingarekstri síðar í skýrslunni.
7. mál. Starfsreglur um breytingu á starfsreglum um skipulag kirkjunnar í héraði nr.
1026/2007.
Kirkjuþing samþykkti að Hríseyjarprestakall, Eyjafjarðar- og Þingeyjarprófastsdæmi
skyldi lagt niður og öðlaðist sú sameining gildi 1. júlí 2014. Gert hefur verið samkomulag
við sóknarpresturinn um flutning í embætti héraðsprests II í Kjalarnesprófastdæmi.
8 mál. Þingsályktun um tillögu að starfsreglum um breytingu á starfsreglum um skipulag
kirkjunnar í héraði nr. 1026/2007.
Kirkjuþing 2013 samþykkti að vísa málinu til kirkjuráðs.
Starfsreglubreytingin fjallaði um það að á prestssetursjörðinni á Möðruvöllum yrði
afmörkuð hæfileg lóð undir prestssetrið. Kirkjuráð féllst ekki á að afmarka sérstaka lóð
undir prestssetrið.
10. mál. Tillaga að starfsreglum um breytingu á starfsreglum um skipulag kirkjunnar í
héraði nr. 1026/2007.
Tillagan fjallar um niðurlagningu prestssetra. Kirkjuþing 2013 samþykkti að vísa málinu
til kirkjuráðs. Málið er í vinnslu.
11. mál. Þingsályktun um tillögu að starfsreglum um breytingu á starfsreglum um
prestssetur og aðrar fasteignir þjóðkirkjunnar nr. 950/2009.
Kirkjuþing 2013 samþykkti að vísa málinu til kirkjuráðs.
Kirkjuráð samþykkti að skipa þriggja manna vinnuhóp til að safna saman upplýsingum
um stöðu prestssetursjarða og kynna þær upplýsingar á fundi kirkjuráðs, eigi síðar en í
september nk. Kirkjuráð samþykkti að skipa þá Bjarna Kr. Grímsson, kirkjuþingsmann,