Gerðir kirkjuþings - 01.01.2014, Side 26

26 27
Guðmund Þór Guðmundsson, framkvæmdastjóra kirkjuráðs og sr. Gunnlaug Stefánsson,
sóknarprest í Heydalaprestakalli í vinnuhópinn. Nefndin hefur skilað skýrslu til kirkjuráðs.
Í skýrslu þessari hefur verið safnað saman staðreyndum um prestssetursjarðir og stöðu
þeirra sem er góður grundvöllur til að byggja á umræður um framtíðarskipan þeirra. Þar
komu m.a. til álita spurningar um hvort prestssetur eigi almennt að vera á jörðum og hvort
það samræmist köllun og hlutverki prestsins í samfélaginu. Sömuleiðis að hugað verði að
hlutverki prestsins og kirkjunnar gagnvart sögu og menningu og hvernig jarðirnar tengjast
þeirri ásýnd. Skýrslan er fylgiskjal með skýrslu þessari (fskj.D).
12. mál. Þingsályktun um frumvarp til laga um breytingu á lögum um stöðu, stjórn og
starfshætti þjóðkirkjunnar nr. 78/1997.
Ályktun kirkjuþings 2013:
Kirkjuþing 2013 beinir þeim tilmælum til innanríkisráðherra að hann flytji eftirfarandi
frumvarp til laga um breyting á lögum um stöðu, stjórn og starfshætti þjóðkirkjunnar nr.
78/1997, sbr. 2. mgr. 23. gr. laganna.
Málið var sent til ráðherra sem varð við beiðni kirkjuþings og flutti málið á Alþingi. Málið
hefur ekki enn hlotið afgreiðslu þingsins. Kirkjuráð hefur nú óskað eftir því að það verði
flutt á ný.
13. mál. Þingsályktun um frumvarp til þjóðkirkjulaga.
Ályktun kirkjuþings 2013:
Kirkjuþing 2013 samþykkti að fela kirkjuráði að kynna drög kirkjulaganefndar frá 1. október
2013 að frumvarpi til nýrra þjóðkirkjulaga, með breytingum á þingskjali 80. Frumvarpið
verði lagt fyrir 51. kirkjuþing 2014 til afgreiðslu.
Kirkjuráð samþykkti að óska eftir því við biskup að málinu verði vísað til prófasta til
kynningar í héraði. Biskup óskaði eftir því við prófasta að þeir héldu kynningarfundi þar
sem frumvarpið yrði kynnt. Ekki hefur tekist að ljúka þeim fundum í öllum prófastsdæmum
og er málið enn í vinnslu. Frumvarpið er á ný til umfjöllunar á þessu þingi.
15. mál. Fræðslustefna þjóðkirkjunnar.
Kirkjuþing 2013 samþykkti endurskoðaða fræðslustefnu þjóðkirkjunnar.
Í fræðslustefnunni eru tvö mál sett á oddinn næstu fjögur árin, þau eru fermingarfræðslan
og fræðsla um viðbrögð við kynferðisofbeldi og öðru ofbeldi.
Biskup kynnti nýtt fræðsluefni vegna fermingarstarfanna á Prestastefnu 2014. Námskeið
hafa verið haldin fyrir fermingarfræðara og nýju námsefni komið á framfæri á Efnisveitunni.
Varðandi fræðslu um viðbrögð við kynferðisofbeldi og öðru ofbeldi er fyrirhugað að semja
aðgerðaráætlun um hvernig tryggja má að fræðsla um þessi mál skili sér til sem flestra.
Kirkjuráði barst í ágúst sl. erindi frá Ellimálanefnd Þjóðkirkjunnar þar sem fram kom að
nefndin hafi unnið að stefnumótun kirkjunnar í starfi fyrir eldri borgara. Einnig að nefndin
hafi unnið fræðslustefnu fyrir eldri borgara og sett fram markmiðslýsingu. Nefndin leggur
til að stefnumótunin og fræðslustefnan verði lagðar fram á kirkjuþingi 2014 sem fylgja
með skýrslu þessari (sjá fskj. E).