Gerðir kirkjuþings - 01.01.2014, Qupperneq 35
35
Strandarkirkja í Selvogi
Kirkjuráð hefur forræði yfir málefnum Strandarkirkju en Strandarkirkjunefnd er skipuð
af kirkjuráði og hefur umsjón með rekstri kirkjunnar fyrir hönd kirkjuráðs. Í Strandar-
kirkjunefnd sitja Ragnhildur Benediktsdóttir, fyrrverandi skrifstofustjóri Biskupsstofu,
formaður, sr. Jón Ragnarsson, sóknarprestur í Hveragerðisprestakalli og sr. Baldur
Kristjánsson sóknarprestur í Þorlákshafnarprestakalli. Nefndin er skipuð til 31. maí 2015.
Strandarkirkjunefnd bauð kirkjuráði til fundar og vettvangsskoðunar í Strandarkirkju
í Selvogi á starfsárinu. Strandarkirkja á jarðirnar Hlíð, Strönd, Stakkahlíð og Vogsósa.
Unnið hefur verið að deiliskipulagi jarða Strandarkirkju og var það kynnt á fundinum í
máli og myndum af Guðrúnu Jónsdóttur, arkitekt, sem unnið hefur að skipulagsvinnunni.
Nýr Suðurstrandavegur hefur breytt miklu varðandi samgöngur á svæðinu.
Annað
Ríkisútvarpið, Morgunbæn, Morgunandakt og Orð kvöldsins
Stjórnendur Ríkisútvarpsins boðuðu breytingar á dagskrá Rásar 1 þar sem áformað var að
dagskrárliðir er tengjast bænahaldi yrðu teknir af dagskrá. Biskup og kirkjuráð brugðust
skjótt við og var send hvatning til útvarpsstjóra þess efnis að stjórnendur Ríkisútvarpsins
endurskoðuðu ákvörðun sína um að taka af dagskrá Rásar 1 Morgunbæn, Morgunandakt
og Orð kvöldsins.
Þjóðmálanefnd
Samkvæmt starfsreglum um Þjóðmálanefnd er hún kosin af nýkjörnu kirkjuþingi. Því
verður ný Þjóðmálanefnd kosin nú á kirkjuþingi 2014. Sr. Baldur Kristjánsson sagði af sér
formennsku á starfsárinu og sr. Sigrún Óskarsdóttir hefur beðist undan því að taka við
formennsku. Kirkjuráð samþykkti að fela sr. Þorvaldi Víðissyni, biskupritara, varamanni í
nefndinni, formennsku fram að kirkjuþingi 2014.
Stjórn Kirkjuhússins – Skálholtsútgáfunnar
Samkvæmt skipulagsskrá Kirkjuhússins-Skálholtsútgáfunnar skal kirkjuráð skipa þrjá
menn af níu, í stjórn stofnunarinnar til þriggja ára í senn. Einn er skipaður á ári. Kirkjuráð
samþykkti að skipa sr. Sigfús Kristjánsson, sóknarprest í Hjallaprestakalli sem fulltrúa
kirkjuráðs í stjórninni.
Starfshópur um stefnumótun um stjórnsýslu þjóðkirkjunnar.
Kirkjuþing 2013 samþykkti að skipa þriggja manna starfshóp til að vinna að stefnumótun
um stjórnsýslu þjóðkirkjunnar. Niðurstöður hópsins skyldu lagðar fyrir 51. Kirkjuþing
2014 að því gefnu að fjármagn fengist í verkið. Kirkjuráð hefur veitt starfshópnum 1.500
þúsund og beinir því til kirkjuþings að taka til endurskoðunar forsendur, markmið og
fjárhagsáætlun starfshópsins.
Nefnd innanríkisráðherra um sóknargjöld
Á fundi kirkjuráðs í október 2013 var kynnt erindi frá innanríkisráðherra, þess efnis að
ráðherra óskar eftir tilnefningum þjóðkirkjunnar í nefnd sem fái það verkefni að leggja
drög að heildarendurskoðun á fyrirkomulagi á fjárhagslegum samskiptum ríkisins og