Gerðir kirkjuþings - 01.01.2014, Qupperneq 46

46 47
Minnisblað 5. nóvember 2013
Tekið saman af fjármálastjóra Biskupsstofu

Hagræðingarkrafa ríkis á fjárlögum 2014 vegna 06-701
Þjóðkirkjunnar/Biskupsstofu

Gerð er hagræðingarkrafa að hálfu ríkis árið 2014 til 06-701 Þjóðkirkjunnar/Biskupsstofu sem
nemur 328 m.kr. á nafnverði en 379 m.kr. á verðlagi ársins 2014. Þá er miðað við forsendur í
fjárlagafrumvarpi 2014 og það borið saman við óskertar greiðslur samkvæmt reiknilíkani
2014 - byggðu á kirkjujarðasamkomulaginu.

Sú stefna er í gildi að vernda grunnþjónustu þjóðkirkjunnar og hagræða með því að komast
hjá uppsögnum starfsfólks. Um 90% af útgjöldunum eru launagjöld. Í fjárhagsáætlun vegna
06-701 Þjóðkirkjunnar/Biskupsstofu fyrir árið 2014 kemur fram að um 124 m.kr. vantar á
árinu 2014 til að endar nái saman. Ráðgert er að selja eignir Kirkjumálasjóðs sem ekki er talin
þörf fyrir eða þykja óhagkvæmar í rekstri og leggja áætlað andvirði að fjárhæð 60 m.kr. til
Biskupsstofu til þess að tryggja þjónustu kirkjunnar þrátt fyrir rýrnandi tekjustofna. Jafnframt
er gert ráð fyrir að hallinn verði fjármagnaður með framlagi Kirkjumálasjóðs að fjárhæð 32
m.kr. og framlagi Jöfnunarsjóðs sókna að fjárhæð 32 m.kr.

Hagræðing í rekstri 06-701 Þjóðkirkjunnar/Biskupsstofu sem nemur 255 m.kr. hefur náðst
vegna eftirfarandi aðgerða:

Hagræðingaraðgerðir vegna kirkjujarðasamkomulagsins undanfarin ár og
fyrirhugaðar aðgerðir á næsta ári skila 255 m.kr. sparnaði árið 2014 sem
skiptist í eftirfarandi liði:

Niðurlögð prestsembætti: Sparnaður 132 m.kr.
Frá árinu 2010 hafa verið lögð niður um 17 prestsembætti en þá var 141 prestur á launum en
á næsta ári er ráðgert að embættin verði 124 talsins. Árið 2010 bar ríkinu að greiða sem
samsvarar launum 139 presta en aflað var sértekna til að greiða 2 presta til viðbótar. Árið
2014 ber ríkinu samkvæmt kirkjujarðasamkomulaginu að greiða sem samsvarar 138
prestsembættum – en aðeins er greitt vegna 109 embætta eins og komið hefur fram. Þessi
embætti hafa verið lögð niður:

Bjarnanesprestakall 50%
Holtsprestakall undir Eyjafjöllum 100%
Mosfellsprestakall, Grímsnesi 100%
Þingvallaprestakall 100%
Héraðsprestsembætti í Kjalarnesprófastsdæmi 50%
Prestsembætti í Laugarnesprestakalli 50%
Héraðsprestsembætti í Reykjavíkurprófastsdæmi vestra 100%
Patreksfjarðarprestakall 50%
Staðarprestakall 100%
Skólaprestsembætti Akureyrarprestakalli 50%