Gerðir kirkjuþings - 01.01.2014, Page 54
54 55
3
Staðan í dag
Suðurprófastsdæmi
Í Suðurprófastsdæmi eru tólf setin prestssetur, en frá 1. september eru þau ellefu þar sem prestssetrið
á Eyrarbakka er laust og hefur verið auglýst til sölu. Í Suðurprófastsdæmi eru fjórar prestsseturs-
jarðir; Fellsmúli, Oddi, Breiðabólstaður og Hruni. Útihús eru víða farin að lýjast þannig að búast má
við talsverðu viðhaldi á næstunni. Eins og fram kemur í meðfylgjandi skjali þá er fasteignaverðmæti
jarðanna þ.e. fasteigna, ræktunar og jarðar kr. 98,1 millj. og hlunnindi kr. 623 þús. en greiðslumark
sauðfjár kr. 2,0 millj.
Kjalarnesprófastsdæmi
Í Kjalarnesprófastsdæmi eru þrjú setin prestssetur og þar af er ein jörð, Reynivellir. Mosfell er ekki
setið sem prestssetursjörð, heldur er prestur einungis með hús og lóð umhverfis húsið. Jörðin er í leigu
einstaklinga sem halda við ræktun og girðingum, en greiða ekki annað afgjald. Fasteignaverðmæti
jarðarinnar þ.e. fasteigna, ræktunar og jarðar er kr. 34,7 millj. og hlunnindi kr. 22,0 millj. en
greiðslumark sauðfjár ekkert.
Vesturlandsprófastsdæmi
Í Vesturlandsprófastsdæmi eru ellefu setin prestssetur og þar af eru sex jarðir; Saurbær, Staðarhóll,
Borg, Reykholt, Stafholt og Staðarstaður. Útihús eru víðast léleg og búskapur misjafn.
Fasteignaverðmæti jarðanna þ.e. fasteigna, ræktunar og jarðar er kr. 130,7 millj. og hlunnindi kr.
41,4 millj. en greiðslumark sauðfjár kr. 1,3 millj.
Vestfjarðaprófastsdæmi
Í Vestfjarðaprófastsdæmi eru sjö setin prestssetur og þar af ein jörð, Holt í Önundarfirði. Reykhólar
er ekki setið sem prestssetursjörð, heldur er prestur einungis með hús og lóð umhverfis húsið. Útihús
eru á Reykhólum en léleg og búskapur enginn. Jörðin er ekki í útleigu og er í söluferli, í Holti eru
engin útihús og enginn búskapur utan æðardúnn. Fasteignaverðmæti jarðarinnar Holts þ.e.
fasteigna, ræktunar og jarðar er kr. 6,5 millj. og hlunnindi kr. 3,5 millj. en greiðslumark sauðfjár
ekkert.
Húnavatns- og Skagafjarðarprófastsdæmi
Í Húnavatns- og Skagafjarðarprófastsdæmi eru sjö setin prestssetur og þar af eru þrjár jarðir;
Melstaður, Miklibær og Glaumbær. Útihús eru víðast þokkaleg og búskapur blómlegur.
Fasteignaverðmæti jarðanna þ.e. fasteigna, ræktunar og jarðar er kr. 88,8 millj. og hlunnindi kr. 10,1
millj. en greiðslumark sauðfjár kr. 2,4 millj.