Gerðir kirkjuþings - 01.01.2014, Side 73

73
Skýrsla um rekstur og fjármál
Þjóðkirkjunnar Unnið dagana 16.01-05.02.2014
3

Mögulegur árlegur sparnaður án fækkunar prestsembætta 79.000.000

Rekstrarhalli -3.577.672

Ef hagræðing yrði í störfum prestsembætta eða á öðrum sviðum -3.600.000

Niðurstaða í rekstri - jöfnuður 22.328

Annað:
Mögulegur árlegur ávinningur sem renni til sókna 43.185.000

Möguleg eingreiðsla til Þjóðkirkjunnar 121.428.000

Að frádregnum millifærslum á milli þessara sjóða má segja að heildar fjárframlög (tekjur) séu
2.227 millj króna og gjöld séu 2.286 millj króna.
Rekstarafkoma er því neikvæð sem nemur 82,6 millj króna. Fjárvöntun fyrir árið 2014 er
samkvæmt þingskjali 2 frá síðasta kirkjuþingi 124 millj hjá Biskupsstofu. Kemur þar fram
afgangur af kirkjumálasjóði sem nemur 21,7 millj króna til greiðslu vaxtaberandi skulda. Er þar
einkum um að ræða afborgun af lánum sem eru með veð í núverandi húsnæði biskupsstofu að
Laugavegi 31. Í fyrstu útgefnum gögnum sem starfsmaður nefndarinnar fékk voru áður nefndar
upplýsingar. Fjármálastjóri þjóðkirkjunnar segir hins vegar að um 18,3 milljón króna halla sé að
ræða.

Það er óviðunandi staða að reka Þjóðkirkjuna með halla. Grípa þarf til aðgerða til að snúa þeirri
óheillavænlegu þróun við. Marka ber raunhæfa stefnu um hvernig jöfnuði verði náð bæði í
rekstri og fjármögnun. Hluti af þeirri stefnumörkun hlýtur að snúast um hvernig auka megi
tekjur jafnframt því að draga úr kostnaði og auka gagnsæi fjármagnsflæðis. Þessi drög miðast við
það að leysa það viðfangsefni.

Helstu niðurstöður vinnuhópsins eru eftirfarandi:
1. Tekjumöguleikar.
a. Aðgerðir til að snúa við þeirri þróun að stöðugt fækki í Þjóðkirkjunni
Staðreynd er að skráðum félögum í þjóðkirkjunni hefur fækkað, einkum unga fólkinu. Lyfta
þarf grettistaki til að stuðla að fjölgun sóknarbarna. Því er brýn nauðsyn að athuga hvernig
best verður unnið gegn þeirri fækkun og snúa þróuninni við. Efla þarf starfið í söfnuðum
landsins, bæði í dreifbýli og þéttbýli, ekki þó síst þar sem fólkið er flest og laða fram
þátttöku almennings í sóknunum. Stöðva þarf úrsögn úr þjóðkirkjunni með öllum ráðum
og þar þurfa prestar, sóknarnefndarfólk og annað starfsfólk kirkna að snúa bökum saman.
Hinn 1. desember s.l. voru 245.184 einstaklingar skráðir í þjóðkirkjuna, og má ætla með
tilliti til aldursskiptingar að þar af séu greiðendur sóknargjalda (16 ára og eldri) u.þ.b.
191.000; náist 1% aukning er um að ræða aukningu á tekjum sem nemur rúmlega 18 millj
á ári. Er þá reiknað með sóknargjaldi eins og það er á þessu ári, sem er 750 kr. á hvern
gjaldanda á mánuði eða 9.000 kr. á ári. Auk þess er sérstakt sóknargjald sem greitt er í eitt
skipti áætlað kr. 496,20, eða samtals 9.496,20 kr. á hvern gjaldanda á ári. Sú tekjuaukning