Gerðir kirkjuþings - 01.01.2014, Qupperneq 74

74 75
Skýrsla um rekstur og fjármál
Þjóðkirkjunnar Unnið dagana 16.01-05.02.2014
4
kemur að vísu sóknunum fyrst og fremst til góða, en efling þeirra leiðir til eflingar
Þjóðkirkjunnar allrar.
Í þessu sambandi eru nefnd 4 atriði sem vinnuhópnum finnst ástæða til að leggja áherslu
á:
1. Skilgreina þarf betur markmiðið með þjónustu kirkjunnar, hvaða hag almenningur
hefur af starfi hennar og hvernig því verður best komið á framfæri.
2. Leitað verði leiða í eflingu safnaðarstarfs sem bera árangur. Með því að kanna hvar
ávinningur hefur verið mestur af skilvirku og auðugu safnaðarstarfi mætti nýta þá
vitneskju annars staðar. Líta má til Þýskalands og fleiri landa þar sem árangur af
fjölgun hefur orðið töluverður með því að vinna forvarnarstarf. Ásamt því að skoða það
sem vel hefur verið gert í einstökum sóknum innanlands.
3. Valddreifing verði aukin og sem flestar ákvarðanir sem snerta einstaka söfnuði verði
fluttar til þeirra sjálfra – dregið úr miðstýringu. Á þetta ekki síst við um val og ráðningu
starfsmanna, þ.m.t. presta. Slík valddreifing er líkleg til að auka áhuga heimamanna á
þátttöku í starfi kirkjunnar. Sem dæmi mætti skoða framkvæmd á kosningu presta og
biskupa í þessu samhengi. Hverjir fá að taka þátt?
4. Leitað verði nýrra leiða til þess að koma boðskap kirkjunnar á framfæri m.a. með
notkun nútíma fjölmiðlatækni. Stefnt verði að því að fólk sem ekki sækir kirkjur geti
notið boðskapar á annan hátt en með kirkjusókn.

b. Hlunnindi kirkna
Í lögum frá 1907 um laun presta segir svo: „Afgjald eftir prestssetrið, lóðargjöld á landi
þess, arð af ítökum, er prestur notar sjálfur, sem og prestsmötu, tekur hann, að svo miklu
leyti sem gjöld þessi fara ekki fram úr launum hans.“ Greinilegt er að löggjafinn hafði ekki
hugsað sér að hlunnindi af jörðum yrðu umfram laun prestsins. Tími er komin til að
endurskoða þessi mál að nýju þar sem prestar hafa föst laun í dag og þurfa ekki á
hlunnindum að halda, sér til framfæris. Kirkjan þarf að marka sér þá stefnu að hlunnindi
og tekjur sem tengjast eignum hennar verði nýttar af kirkjunni og til kirkjulegs starfs, m.a.
í sóknum landsins. Ekki verður fullyrt um nákvæmar fjárhæðir í þessu efni, þar sem
erfiðlega hefur gengið að fá nákvæmar upplýsingar og kanna þarf hvernig er unnt að
framkvæma slíka breytingu. Skoða þarf haldsbréf presta í þessu samhengi. Hér er í fyrstu
einkum horft til fyrirhafnalausra hlunninda eins og tekjur af lax- og silungsveiði. (fylgiskjal
skýrsla um hlunnindi frá síðasta kirkjuþingi)
c. Umtalsvert tap er á leigu prestbústaða til presta.
Núgildandi reglur segja til um hámark og lágmark leigugreiðslna. Slíkar reglur geta varla
talist eðlilegar í nútímanum og ætti leiga á prestsbústöðum að byggjast á því sem
markaðsverð segir til um í hverju héraði eða hlutfall af fasteignamati eignar eða til að byrja
með að sú reikniregla sem notuð er í dag, 3.3% af fasteignamati eigna verði notuð, án þaks
eða botns. Ef tillaga í þessa veru yrði samþykkt á Kirkjuþingi má gera ráð fyrir tekjur
ykjust um u.þ.b. 15 millj á ári. (fylgiskjal, lauslegt yfirlit um leigugreiðslur presta. Ekki
tekið eftir einstaka prestsbústöðum)