Gerðir kirkjuþings - 01.01.2014, Side 78

78 79
Skýrsla um rekstur og fjármál
Þjóðkirkjunnar Unnið dagana 16.01-05.02.2014
8
finnst, skilar sparnaði m.a. vegna hagræðingar innanhúss og samhæfingar við aðrar
stofnanir kirkjunnar.

7. Jöfnunarsjóður sókna
Jöfnunarsjóður sókna, veitir 35% af sínu ráðstöfunarfé, eða 104 m.kr. til Biskupsstofu og
KMSJ.(kirkjumálasjóður). Kirkjumálasjóður veitir 23% af sínu ráðstöfunarfé, eða 120 m.kr.
til Biskupsstofu. Biskupsstofa fær því í heild viðbótarfjármagn frá þessum tveimur sjóðum
sem nemur 158 m.kr. árið 2012. Samkvæmt reglugerðum um Jöfnunarsjóð er til þess
ætlast að mestur hluti af úthlutunarfé hans fari til jöfnunar á milli sókna. Jöfnunarsjóður
sókna er settur á laggirnar með ákveðið hlutverk í huga óháð því hvort farið er út fyrir
heimildir eða ekki. Ljóst er að það fé sem Kirkjumálasjóður tekur til eigin þarfa nýtist ekki
sóknum á sama tíma. Því er brýnt að Kirkjujarðasamkomulagið haldi þannig að
Þjóðkirkjan þurfi ekki að nýta sér framkvæmda eða viðhaldsfé sóknanna til eigin rekstrar.
Verði kostnaður vegna Biskupsstofu lækkaður væri minni þörf fyrir fjármuni úr
jöfnunarsjóðunum.
8. Ársreikningur Kirkjumálasjóðs er óupplýsandi.
Sérstök framsetning ársreikningsins gerir það að verkum að erfitt er að lesa hann og fá út
úr honum þær upplýsingar sem nauðsyn er á. Hverju sem veldur er nauðsynlegt að breyta
þessari uppsetningu í samráði við Ríkisendurskoðun svo að gegnsæi talnanna verði
viðunandi.
9. Laun fara fram úr áætlun.
Athyglisvert er að sjá frávik í áætlun um launalið embættisins. Í skjali 13010381 frá
Ríkisendurskoðun segir orðrétt: „Ríkisendurskoðun bendir á að umtalverður mismunur er
á fjárheimild einstakra liða og raunútgjöldum og rauntekjum, þannig eru sértekjur og
laungjöld hærri en fjárheimildi, en rekstrargjöld lægri. Vanda þarf til fjárlagagerðar og
færa sundurliðun fjárhæða í fjárlögum nær raunverulegu umfangi í samráði við
innanríkisráðuneytið.“ Má kannski skýra þetta að hluta til af þeirri staðreynd hvað
gegnsæi talnanna í kirkjumálasjóði eru litlar.
10. Ýmiskonar starfsemi.
Undir regnhlíf Kirkjumálasjóðs og með styrkveitingum er rekin ýmis starfsemi svo sem
Tónskóli þjóðkirkjunnar og Fjölskylduþjónusta kirkjunnar. Hjálparstarf kirkjunnar og
Kirkjuhúsið/Skálholtsútgáfan fá einnig styrki úr kirkjumálastjóði. Nefndin hefur ekki
vegna tímaskorts haft tækifæri til þess að fara ofan í rekstur þessarar starfsemi. Nefndin
telur æskilegt að farið verði ofan í þessa starfsemi og samstarf kannað við önnur samtök
og félög sem starfa á sama sviði með sparnað og aukna starfsemi í huga