Gerðir kirkjuþings - 01.01.2014, Qupperneq 128

128 129
að viðbótin yrði 185 m.kr. Engu að síður vantaði mikið uppá að sóknargjöldin væru í
samræmi við lög nr. 91/1987. Tekið skal fram að grunnur sóknargjaldanna var ekki
hækkaður og því nutu Jöfnunarsjóður sókna og Kirkjumálasjóður ekki viðbótartekna.
Núverandi innanríkisráðherra skipaði starfshóp í desember 2013 með það hlutverk að
leggja drög að endurskoðun á fyrirkomulagi á fjárhagslegum samskiptum ríkisins og
þjóðkirkjunnar og safnaða hennar hvað sóknargjöld varðar. Megintilgangur með skipan
starfshópsins var að finna ásættanlega lausn á fjárhagsvanda kirkjunnar og safnaða hennar,
sem rekja má til niðurskurðar á tekjustofnum hennar í kjölfar efnahagskreppunnar.
Starfshópurinn skilaði greinargerð og tillögum í maí 2014 þar sem gerð var grein fyrir
skerðingum á sóknargjöldum til þjóðkirkjunnar allt frá fjárlagaárinu 2009 og sýnt var
fram á umframskerðingu samanborið við stofnanir innanríkisráðuneytisins. Uppsöfnuð
skerðing fjárframlaga sem byggja á innheimtu sóknargjalda til þjóðkirkjunnar og annarra
trúfélaga árin 2009 – 2014, umfram breytingu fjárveitinga til stofnana sem heyra undir
innanríkisráðuneyti, nemur 4.100 m.kr. Hefur það haft mjög alvarlegar afleiðingar í för
með sér fyrir safnaðarstarf.
Starfshópurinn lagði til að gert yrði samkomulag milli ríkisins og þjóðkirkjunnar um
hækkun sóknargjalda til safnaða hennar. Hækkunin væri frá framlagi gildandi fjárlaga
2014 og tæki almennum verðlagsbreytingum fjárlaga hvers árs. Þá var gerð tillaga um að
eigi síðar en árið 2016 verði gerður samningur um að draga að fullu til baka skerðingu á
sóknargjöldum á tilteknum tíma og ákvæði gildandi laga nr. 91/1987 um sóknargjöld o.fl.
komi til framkvæmda á ný.
Innanríkisráðuneytið brást við með tillögugerð við undirbúning fjárlaga 2015 og var þar
gert ráð fyrir að farið væri að tillögum starfshópsins á fjórum árum með leiðréttingu á
sóknargjöldum til þjóðkirkjunnar og annarra trúfélaga. Miðað við fjárlög 2014 er þörf
á hækkun til að jafna út umframskerðinguna samtals að fjárhæð 663 m.kr. Var sú tillaga
innanríkisráðherra staðfest á ríkisstjórnarfundi þann 5. september 2014 (sjá töflu 2).
Tafla 2 Jöfnun umframskerðingar sóknargjalda á fjórum árum
Skerðing umfram meðaltalsskerðingu
stofnana IRR í m.kr.
Upp-
safnað 2015 2016 2017 2018
Sóknargjöld þjóðkirkjunnar 404,7 101,2 101,2 101,2 101,2
Kirkjumálasjóður 72,7 18,2 18,2 18,2 18,2
Jöfnunarsjóður sókna 94,0 23,5 23,5 23,5 23,5
Önnur trúfélög 91,7 22,9 22,9 22,9 22,9
Umframskerðing leiðrétt á fjórum árum 663,1 165,8 165,8 165,8 165,8
Í frumvarpi til fjárlaga hækka sóknargjöld til þjóðkirkjusafnaða um 100,7 m.kr. en á móti
kemur aðhaldskrafa um 27,5 m.kr. Ekki eru reiknaðar verðlagsbætur á sóknargjöldin.
Miðað við óbreytt frumvarp reiknast sóknargjaldið um 825 kr. á hvern einstakling í
þjóðkirkjunni eldri en 16 ára. Það vantar inn fjárheimild sem nemur verðlagsbótum að