Gerðir kirkjuþings - 01.01.2014, Síða 136

136 137
Nefndarálit fjárhagsnefndar
Fjárhagsnefnd hefur farið yfir ársreikninga og fjárhagsáætlanir þjóðkirkjunnar, stofnana
hennar og sjóða. Nefndin fékk glöggt yfirlit um fjárhagsstöðu kirkjunnar, kröfur ríkisvaldsins
um hagræðingu á kostnaði vegna slæmrar stöðu ríkissjóðs og tillögur kirkjuráðs um
lækkun framlaga á ýmsum sviðum til þess að mæta hagræðingarkröfu ríkisins. Sérstaklega
var farið yfir fjárhagsáætlun þjóðkirkjunnar og sjóða kirkjunnar. Nefndin þakkar skýra
framsetningu reikninga og áætlana og yfirlit og skýringar á rekstri sem undir þjóðkirkjuna
heyra. Nefndin fór yfir endurskoðunarskýrslu Ríkisendurskoðunar, en í skýrslunni er
fjallað um ársreikninga embætta, sjóða, stofnana og fyrirtækja þjóðkirkjunnar. Nefndin
hafði einnig til umfjöllunar skýrslur frá Ríkisendurskoðun um yfirlit um ársreikninga
sókna fyrir árið 2013 og yfirlit um ársreikninga kirkjugarða vegna ársins 2013.
Sveinn Arason ríkisendurskoðandi kom á fund nefndarinnar ásamt Inga K. Magnússyni
og Þor björgu Guðnadóttur. Farið var yfir helstu ábendingar og at huga semdir Ríkis endur-
skoðunar.
Sr. Kristján Valur Ingólfsson vígslubiskup í Skálholti kom á fund nefndarinnar og ræddi
málefni Skálholts.
Guðmundur Þór Guðmundsson sviðsstjóri fasteignasviðs Biskupsstofu kom á fund
nefndarinnar. Guðmundur Þór fór yfir 27. mál um kaup og sölu fasteigna og reifaði lykil-
atriði í fasteignamálum kirkjunnar.
Ragnhildur Hjaltadóttir ráðuneytisstjóri innan ríkis ráðu neytisins og Pétur Fenger skrif-
stofu stjóri fjár mála og rekstrar ráðuneytisins komu á fund nefndarinnar þar sem rædd
var staða fyrirhugaðs samnings um leiðréttingu sóknargjalda. Fjárhagsnefnd kirkju þings
þakkar safnaðar fólki um allt land sem lagt hefur á sig mikið sjálfboða starf á erfiðum
tímum niðurskurðar í fjármálum sóknanna. Fjár hagsnefnd beinir því til kirkjuráðs og
biskups Íslands að áfram verði unnið að eftirfarandi atriðum:
1. Nefnd sem innanríkisráðherra skipaði hefur skilað tillögum um leiðréttingu sóknar-
gjalda. Fjárhagsnefnd kirkjuþings 2014 treystir því að gengið verði frá samningi við
ríkið um leiðréttingu sóknargjalda í samræmi við tillögur nefndarinnar.
2. Að fyrirhugaðar viðræður ríkis og kirkju um endurskoðun greinar kirkju jarða sam-
komu lagsins leiði til þess að staðið verði að fullu við kirkjujarðasamkomulagið.
Nefndin vekur athygli á því að 90% af útgjöldum vegna kirkjujarðasamkomulagsins
er launa kostnaður, því er svigrúm til sparnaðar þröngt nema gripið verði til uppsagna.
3. Að haldið verði áfram að einfalda sjóðakerfi kirkjunnar og gera það gegnsærra. Eigi að
síður verður að gæta þess að sögulegum grundvelli og hlutverki sjóðanna samkvæmt
lögum sé haldið til haga.
4. Að framsetning fjárlaga verði þannig að skýrt sé að greiðslur til þjóðkirkjunnar séu
annars vegar á grundvelli kirkjujarðasamkomulags og hins vegar samkvæmt lögum
um sóknargjöld.