Gerðir kirkjuþings - 01.01.2014, Blaðsíða 147

147
• Lög um ávana- og fíkniefni nr. 65/1974, sem og 173. gr. almennra hegningarlaga nr.
19/1940, þ.e. refsidóm síðustu fimm ár.
Biskup Íslands skal auglýsa laust embætti í Lögbirtingablaði og á öðrum opinberum
vettvangi og skal umsóknarfrestur ekki vera skemmri en fjórar vikur frá útgáfudegi
blaðsins. Sæki enginn um skal embættið auglýst að nýju. Skal að jafnaði auglýsa innan
þriggja mánaða frá birtingu fyrri auglýsingar, en ef sérstaklega stendur á, má fresta
auglýsingu um allt að ár í senn.
Biskup skal afla og varðveita lista yfir þá sem eru atkvæðisbærir prestakalli þegar auglýsing
er birt.
4. gr.
Biskupi er heimilt að fengnu áliti/umsögn sóknarnefnda/héraðsnefnda að setja í embætti
án auglýsingar tímabundið, til allt að 6 mánaða, falli sá frá sem skipaður hefur veið eða er
fjarverandi um lengri tíma vegna veikinda, fæðingarorlofs eða af öðrum ástæðum.
Óski prestur/prestar heimildar til embættaskipta, getur biskup að fengnu áliti/umsögn
sóknarnefnda/héraðsnefnda leyft tímabundin embættaskipti presta, að hámarki í eitt ár.
Engar bætur verða greiddar ef laun lækka við embættaskiptin.
Biskupi er heimilt að flytja presta úr einu embætti í annað. Flytjist maður í annað embætti
sem er lægra launað en fyrra embættið, skal greiða honum launamismuninn þann tíma
sem eftir er af skipunartíma hans í fyrra embættinu.
5. gr.
Biskup Íslands skipar þriggja manna matsnefnd til að meta hæfni umsækjenda um laus
prestsembætti. Biskup tilnefnir einn fulltrúa, sem skal vera formaður nefndarinnar.
Kirkjuþing tilnefnir tvo fulltrúa og tvo til vara til eins árs í senn. Biskup og kirkjuþing skulu
gæta þess að í matsnefnd veljist fólk með haldgóða þekkingu á starfsemi Þjóðkirkjunnar
og mannauðsmálum. Jafnframt að í nefndinni sitji fólk af báðum kynjum í samræmi við
jafnréttisstefnu þjóðkirkjunnar.
Prestafélagi Íslands og viðkomandi kjörnefnd eða héraðsnefnd er hvoru um sig heimilt að
tilnefna einn áheyrnarfulltrúa til setu á fundum nefndarinnar.
Formaður matsnefndar stýrir störfum nefndarinnar og fundum og gagnaöflun og er í
fyrirsvari fyrir nefndina.
Í sérstökum tilvikum er matsnefnd heimilt að kveða til utanaðkomandi sérfræðinga,
nefndinni til ráðgjafar.
Um sérstakt hæfi matsnefndarmanna fer eftir ákvæðum II. kafla stjórnsýslulaga nr.
37/1993.
Nefndarmönnum og áheyrnarfulltrúum er skylt að gæta þagmælsku um viðkvæmar
upplýsingar sem leynt eiga að fara er varða umsækjendur og þeir fá vitneskju um í starfi
sínu. Þagnarskylda helst þó látið sé af störfum í nefndinni. Að öðru leyti gilda ákvæði