Gerðir kirkjuþings - 01.01.2014, Qupperneq 149

149
hann rétt á að ekki verði fjallað frekar um hans umsókn, enda fari hann fram á það með
skriflegum hætti.
Matsnefndin sendir biskupi niðurstöðu sína um hvaða umsækjendur hún telur hæfasta til
að gegna prestsstarfinu sem og rökstuðning sinn.
Biskup skal hafa aðgang að öllum gögnum sem matsnefndin byggir mat sitt á.
7. gr.
Kjörnefnd prestakalls er kosin á aðalsafnaðarfundi til fjögurra ára í senn. Nefndin er
skipuð 11 fulltrúum að lágmarki og jafn mörgum til vara. Forfallist kjörnefndarmaður skal
varafulltrúi sömu sóknar taka sæti hans í kjörstjórninni. Varafulltrúar taka sæti samkvæmt
þeirri röð sem þeir voru kosnir í. Ef fjöldi sóknarbarna 16 ára og eldri miðað við 1.
desember næstliðinn í prestakalli er meiri en tvö þúsund skal bæta við tveimur fulltrúum
í kjörnefndina fyrir hvert byrjað þúsund umfram tvö þúsund. Hver kjörnefndarmaður fer
með eitt atkvæði.
Ef fleiri en ein sókn er í prestakalli skal tryggt að hver sókn eigi að lágmarki einn fulltrúa.
Að öðru leyti skal ákvarða fjölda fulltrúa hverrar sóknar í kjörnefnd í hlutfalli við fjölda
sóknarbarna í prestakallinu 16 ára og eldri miðað við 1. desember næstliðinn. Sama gildir
um varamenn. Í janúarmánuði, ár hvert, birtir Biskupsstofa yfirlit yfir fjölda fulltrúa
hverrar sóknar í kjörnefnd prestakalls.
Prófastur er formaður kjörnefndar, stýrir störfum hennar, fundum og er í fyrirsvari fyrir
nefndina. Prófastur hefur ekki atkvæðisrétt.
Allir fundir kjörnefndar skulu bókaðir og staðfestir af fundarmönnum. Þá skal kjörnefnd
gæta þess að varðveita gögn er varða starfsemi hennar. Um vörslu þessara gagna skal fara
í samræmi við gildandi lög hverju sinni. Kjörnefnd velur ritara, sem að jafnaði kemur úr
hópi kjörnefndarmanna.
Sé presti ætlað að þjóna í fleiri en einu prestakalli skulu kjörnefndir í þeim prestaköllum
sameinaðar í eina kjörnefnd. Prófastur er formaður hinnar sameinuðu kjörnefndar og
gilda um störf hennar sömu reglur og um kjörnefndir prestakalla eins og við getur átt.
Umboð sameinuðu kjörnefndarinnar fellur niður þegar nefndin hefur lokið störfum.
Sé presti ætlað að þjóna prestakalli að hluta og embætti héraðsprests að hluta, skal
kjörnefnd prestakalls og héraðsnefnd sameinaðar í eina kjörnefnd undir formennsku
prófasts. Umboð sameinaðrar kjörnefndar fellur niður þegar nefndin hefur lokið störfum.
Um hæfi kjörnefndarmanna fer eftir ákvæðum II. kafla stjórnsýslulaga nr. 37/1993. Í stað
þeirra sem segja sig frá kjöri eða sem kjörnefndin úrskurðar vanhæfa, skal skipa varamenn
viðkomandi kjörnefndar. Sé prófastur vanhæfur skipar biskup varamann hans.
8. gr.
Biskup sendir kjörnefnd og/eða héraðsnefnd öll gögn er varða umsækjendur.