Gerðir kirkjuþings - 01.01.2014, Page 150
150 151
Eins fljótt og kostur er, eftir að öll gögn um umsækjendur hafa borist kjörnefnd, boðar
formaður skriflega til nefndarfundar með a.m.k. viku fyrirvara.
Kjörnefnd boðar í viðtal þá umsækjendur sem matsnefnd hefur metið hæfasta og aðra þá
sem kjörnefnd telur þurfa. Gæta ber jafnræðis milli umsækjenda í viðtölum, s.s. varðandi
spurningar. Kjörnefnd getur eftir atvikum boðið umsækjendum að sýna fram á hæfni til
helgihalds, boðunar og sálgæslu auk leiðtoga- og samskiptahæfni. Kjörnefnd er heimilt að
óska þess að umsækjendur messi, prédiki, kenni eða haldi fyrirlestur.
Þeim prestum sem áfram þjóna í prestakallinu skal boðið að tjá sig við kjörnefndina um
umsækjendur, sem valið skal á milli, séu þeir sjálfir ekki meðal umsækjendanna.
Hafi ekki borist ósk um almenna prestskosningu kýs kjörnefnd sóknarprest/prest úr hópi
umsækjenda.
Sá umsækjandi telst hafa hlotið kosningu í prestsembætti sem hlýtur meirihluta greiddra
atkvæða í leynilegri kosningu á kjörnefndarfundi. Ef enginn fær svo mörg atkvæði skal
kosið að nýju um þá tvo sem flest atkvæði fengu. Falli atkvæði jafnt, ræður hlutkesti.
Formaður kjörnefndar tilkynnir biskupi svo fljótt sem verða má niðurstöðu kosningar
kjörnefndar.
9. gr.
Biskup skipar þann umsækjanda í embætti sem meirihluti kjörnefndar hefur kosið og
kynnir umsækjendum niðurstöðuna samkvæmt 40 gr. laga nr. 78/1997.
10. gr.
Biskupi Íslands er heimilt að ákveða að í prófastsdæmum starfi héraðsprestar. Biskup skipar
héraðsprest og leggur til grundvallar vali sínu umsögn matsnefndar og tillögu héraðsnefndar.
11. gr.
Biskup Íslands skipar í embætti sérþjónustupresta þjóðkirkjunnar að fenginni niðurstöðu
matsnefndar.
12. gr.
Telji biskup að verulegur ágalli sé á málsmeðferð matsnefndar og/eða kjörnefndar, getur
hann ákveðið að skipa ekki í embættið og skal þá efnt til almennra prestskosninga skv. 13.
gr.
Biskup setur leiðbeinandi reglur fyrir matsnefnd, kjörnefndir, héraðsnefndir og
umsækjendur.
13. gr.
Óski minnst fimmtungur atkvæðisbærra sóknarmanna í prestakalli þess, að almenn
prestskosning fari fram er skylt að verða við því. Skrifleg ósk um kosningu skal hafa borist
biskupi eigi síðar en að hálfum mánuði liðnum frá þeim degi er prestakallið var auglýst
laust til umsóknar. Kosið skal leynilega á milli umsækjenda.