Gerðir kirkjuþings - 01.01.2014, Qupperneq 159

159
10. gr.
16. gr. orðist svo:
Presti er heimilt, með samþykki kirkjuráðs, að leigja prestssetur að hluta eða í heild, þriðja
aðila um skamma hríð, t.d. meðan prestur er í leyfi.
Prestur í leyfi ber hvorki ábyrgð á né ber hann kostnað af prestssetri að hluta eða í heild ef
afleysingaprestur fær það til afnota og leigu samkvæmt samningi við kirkjuráð.
11. gr.
20. gr. orðist svo:
Kirkjuráð felur sviðsstjóra eða tilteknum starfsmanni fasteignasviðs að semja skriflega við
alla þá sem nýta eignir kirkjumálasjóðs, hlunnindi, ítök og hvers kyns réttindi og stuðla
með öllum ráðum að öruggri vörslu þessarar eigna.
12. gr.
Lokamálsl. 5. mgr 21. gr. orðist svo:
Kirkjuráð skal semja vinnureglur um úthlutun á greiðslumarki og meðferð þess.
13. gr.
22. gr. orðist svo:
Kirkjuráði er heimilt að lækka eða fella niður tímabundið leigugjald frá því sem ákveðið er
skv. 21. gr. vegna lögmætra leyfa prests eða veikinda. Kirkjuráði er einnig heimilt að lækka
tímabundið leigugjald vegna kvaða eða sérstakra aðstæðna.
Ákvarðanir um lækkun leigu falla sjálfkrafa úr gildi ef forsendur lækkunar breytast eða
þegar viðkomandi prestur lætur af embætti.
14. gr.
2. mgr. 23. gr. orðist svo:
Við leigu annarra jarða en prestssetra er kirkjuráði heimilt að undanskilja tilgreind
hlunnindi eða hluta jarðar samkvæmt nánari ákvörðun og leigja sérstaklega.
15. gr.
Starfsreglur þessar eru settar með heimild í 59. gr. laga um stöðu, stjórn og starfshætti
þjóðkirkjunnar nr. 78/1997 og öðlast gildi 30. nóvember 2014.