Gerðir kirkjuþings - 01.01.2014, Page 176

176 177
A. Biskup Íslands, vígslubiskupar og þjónandi prestar þjóðkirkjunnar, sbr. 33. gr. laga
um stöðu, stjórn og starfshætti þjóðkirkjunnar nr. 78/1997 með starfsstöð í því
umdæmi vígslubiskups sem kosið er í. Ennfremur þeir prestar þjóðkirkjunnar, sem
settir eru til þjónustu til eins árs eða lengri tíma með starfsstöð í því umdæmi
vígslubiskups sem kosið er í.
B. Prestvígðir menn í föstu starfi innan þjóðkirkjunnar með starfsstöð í því umdæmi
vígslubiskups sem kosið er í.
C. Þjónandi djáknar í föstu starfi innan þjóðkirkjunnar með starfsstöð í því umdæmi
vígslubiskups sem kosið er í. Djákni skal vera ráðinn ótímabundið eða til a.m.k.
eins árs til að njóta kosningarréttar.
D. Kjörnir fulltrúar á kirkjuþingi og í kirkjuráði.
E. Sóknarnefndarfólk með starfsstöð í því umdæmi vígslubiskups sem kosið er í sem
hér segir:
• Sóknir að 200 sóknarbörnum hafi 1 kjörmann
• Sóknir frá 200 - 500 hafi 2 kjörmenn
• Sóknir frá 500 - 1000 hafi 3 kjörmenn
• Sóknir frá 1000 - 2000 hafi 4 kjörmenn
• Sóknir frá 2000 - 3000 hafi 5 kjörmenn
• Sóknir frá 3000 - 4000 hafi 6 kjörmenn
• Sóknir frá 4000 - 5000 hafi 7 kjörmenn
• Sóknir yfir 5000 hafi 9 kjörmenn
Sóknarnefnd velur kjörmann/menn úr hópi aðal- og varamanna í sóknarnefnd. Skilyrði
kosningarréttar er að kjósandi sé skráður í þjóðkirkjuna við framlagningu kjörskrár.
4. gr.
Kjörstjórn við kirkjuþingskjör, sbr. starfsreglur um kjör til kirkjuþings, er jafnframt
kjörstjórn við kjör samkvæmt starfsreglum þessum.
5. gr.
Kirkjuráð ákveður hvenær biskupskjör skal fara fram.
6.gr.
Sá sem hyggst gefa kost á sér í kjöri til biskups eða vígslubiskups skal afla sér tilnefningar
sem hér segir:
Heimilt er þeim sem hafa kosningarrétt, sbr. 2. og 3. gr., að tilnefna kjörgengan mann
sem biskupsefni eða vígslubiskupsefni. Til að tilnefning sé gild þurfa 5 af hundraði
kosningabærra manna að lágmarki að standa að henni. Jafnt hlutfall skal vera á milli
vígðra og óvígðra. Óheimilt er þó fleirum en 15 af hundraði kosningabærra manna að
standa að tilnefningu hlutaðeigandi biskups- eða vígslubiskupsefnis. Enginn má tilnefna
nema einn mann.
Tilnefningar ásamt skriflegu samþykki hlutaðeigandi skal afhenda kjörstjórn eigi síðar en
fjórum vikum eftir að auglýstur kærufrestur sbr. 5. gr., rennur út.