Gerðir kirkjuþings - 01.01.2014, Page 184

184 185
kjörstjórn. Tilkynningu þess efnis ásamt tilnefningum skal afhenda kjörstjórn eigi síðar
en fjórum vikum eftir að kjörskrá er lögð fram. Tilkynning ásamt tilnefningum skal hafa
borist kjörstjórn með sannanlegum hætti fyrir kl. 16.00 á síðasta degi skilafrests, eða hafa
verið póstlögð í síðasta lagi þann dag.
Kjörstjórn fer yfir framboð ef einhver eru og úrskurðar um kjörgengi frambjóðanda. Telji
kjörstjórn að hafna beri framboði skal hún birta kandídat þá niðurstöðu án tafar. Kæra
má niðurstöðu kjörstjórnar til yfirkjörstjórnar innan viku frá því að hún var kunngerð.
Kæra skal hafa borist kjörstjórn eða yfirkjörstjórn með sannanlegum hætti fyrir kl. 16.00
á síðasta degi kærufrests, eða hafa verið póstlögð í síðasta lagi þann dag. Kæruheimild
er bundin við þá sem eru á endanlegri kjörskrá. Yfirkjörstjórn úrskurðar innan viku um
kæruna.
10. gr.
Kjörstjórn ákveður hvenær kosning hefst. Að svo búnu sendir kjörstjórn þeim er
kosningarrétt eiga nauðsynleg kjörgögn:
a) kjörskrá
b) ef um rafræna kosningu er að ræða nöfn frambjóðenda ásamt reglum sem kjörstjórn
hefur útbúið og tryggja örugga og leynilega kosningu
c) ef um skriflega kosningu er að ræða auðan kjörseðil með nöfnum frambjóðenda
auk auðrar línu þar sem kjósandi getur ritað nafn annars kjörgengs manns
d) óáritað umslag
e) eyðublað fyrir yfirlýsingu kjósanda um að hann hafi kosið
f) umslag með utanáskrift kjörstjórnar
g) leiðbeiningar um það hvernig kosning fari fram.
Greina skal glögglega fyrir hvaða tíma kjörseðill skuli sannanlega póstlagður. Ákveður
kjörstjórn þann tíma. Að jafnaði skal miða við að kosningu sé lokið innan tveggja vikna
frá útsendingu kjörgagna.
Kosning skal vera rafræn og leynileg meti kjörstjórn það öruggt fyrirkomulag annars
skrifleg og leynileg. Sé kosning skrifleg merkir kjósandi við eða ritar nafn þess, sem hann
vill kjósa, á kjörseðil. Eigi skal hann undirrita kjörseðil eða auðkenna hann með öðrum
hætti. Hann setur seðilinn síðan í óáritað umslagið og lokar því, fyllir út eyðublaðið
og undirritar, lætur gögnin í áritaða umslagið og afhendir það á biskupsstofu gegn
móttökukvittun eða leggur það í póst.
Kjörstjórn telur atkvæði eigi síðar en að viku liðinni frá þeim skilafresti á pósthús sem hún
hefur sett og úrskurðar þau.
Réttkjörinn biskup eða vígslubiskup er sá sem fær meirihluta greiddra atkvæða. Ef enginn
fær þann atkvæðafjölda skal kosið að nýju milli þeirra tveggja sem flest fengu atkvæði.
Ef tveir fá jafnmörg atkvæði skal kosið milli þeirra. Ef fleiri en tveir fá jafnmörg atkvæði
skal hlutkesti ráða milli hverra tveggja kosið er. Sá er réttkjörinn sem fær þá flest atkvæði.
Verði atkvæði jöfn skal hlutkesti ráða.