Félagsbréf - 01.03.1962, Page 21

FÉLAGSBRÉF
17
Dr. Hannes Þorsteinsson
stoð góðra manna settist hann í latínuskólann haustið 1881 og
lauk stúdentsprófi vorið 1886. Arbækur latínuskólans, er ná um
árin 1874—1914 og varðveitzt hafa í þjóðskjalasafni til þessa
tíma undir loku og lás, gefa jafnan lýsingu á þeim mönnum, sem
prófi ljúka og hverfa úr skólanum. Þar er Hannesar lofsamlega
getið og fullyrt, að aldrei hafi lærisveinn fyrirfundizt í þeim
skóla, er stæði honum jafnfætis í ættfræði, enda hafði hann þegar
á skólaárum sínum ritað allmikið og rannsakað í þeim efnum.
Eftir stúdentspróf stóð hugur Hannesar til Kaupmannahafnar
til háskólanáms, en þess var engi kostur fjárhagsins vegna. Inn-
ritaðist Hannes því í prestaskólann um haustið og lauk þar em-
bættisprófi vorið 1888. Öll sín próf tók Hannes með loflegum
vitnisbui'ði.