Félagsbréf - 01.06.1963, Side 36

mjög ánægð þegar þau sáu að enginn hrútur var lengur í pokunum. Þau héldu
að faðir Ajaija dauður hefði fært þá burtu fyrir morgun. Þau komu heim með
tómu pokana og bjuggust við að losna úr fátæktinni þá og þegar.
Þau biðu og biðu og biðu unz dagarnir urðu að mánuði og biðu enn og biðu
unz mánuðirnir urðu að ári, og það dró ekkert úr fátækt þeirra heldur gat
vont lengi versnað og þau fengu varla málungi matar tvisvar í viku. Þá áfelld-
ist Ajaiji konu sína: „Ég sagði þér daginn góða að við skyldum fara heim
með þessi tíu pund þegar þau nægðu ekki til að kaupa alla hrútana.“
Þegar hann talaði svo beisklega til konu sinnar sagði hún: „Við skulum ekki
gefast upp strax. Nú ráðlegg ég þér að fara aftur til galdramannsins og komast
að því hvers vegna fátækt okkar fer síversnandi í staðinn fyrir að ljúka.“
Nú fór Ajaiji aftur til galdramannsins. Hann sagði að hann hefði fórnað
föður sínum sex hrútum en samt yrði enginn endir á fátækt hans. „Hah, fá-
tæktinni lýkur ekki fyrr en þú hefur fórnað föður þínum hrútunum þremur
sem afgangs eru!“ sagði galdramaðurinn hátt og skýrt.
Þegar Ajaiji hafði heyrt þetta kom hann aftur heim. Hann sagði við konu
sína. „Þú veizt og það fullvel að við eigum ekki svo mikið sem skilding í lóf-
anum og þaðan af síður alla þá peninga sem þarf til að kaupa þrjá hrúta. En
nú er það ætlun mín að þegar komið er miðnætti þá fer ég og heimsæki föður
minn. Ég segi við hann: „Þú vissir vel áður en þú dóst að ég á enga peninga
heldur á ég í fátæktarbasli. En síðan þú dóst heimtar þú níu hrúta af mér.
Auðvitað gerði ég eins vel og ég gat og færði þér sex hrúta, en galdramaðurinn
segir mér að þú heimtir afganginn líka.“ Ef hann segir að svona sé það þá
hegg ég af honum hausinn á samri stundu og kem svo upp úr gröfinni ef ég
kemst.“
Á miðnætti fór Ajaiji með þrjá tóma poka og langa beitta sveðju að leiði
föður síns. Hann tróð tvo af pokunum fulla af mold á svo haglegan hátt að
þeir virtust eins og hrútar væru í þeim. Við svo búið fór hann sjálfur ofan í
þriðja pokann og bjóst síðan við að faðir hans dauður færði pokana þrjá í burtu.
En þegar klukkan var nærri tvö kom galdramaðurinn þar með tveimur þjón-
um sínum. Pokarnir þrír vou bornir heim til hans og settir á gólfið inni hjá
honum, og galdramaðurinn byrjaði strax að leysa frá þeim því að hann ætlaði
að taka hrútana og slátra þeim þegar í stað og senda svo þjóna sína með tómu
pokana aftur að leiðinu. En hann varð heldur en ekki hissa þegar hann fann
ekki annað en mold í tveimur fyrstu pokunum en enga hrúta. Og hann hafði
varla leyst frá þeim þriðja þegar Ajaiji stökk út öllum á óvart og með sveðjuna
í hendinni.
Ajaiji greip galdramanninn með vinstri hendi og hélt sveðjunni yfir höfði
32 FÉLAGSBRÉF