Morgunblaðið - 25.02.2016, Blaðsíða 60
60
MORGUNBLAÐIÐ FIMMTUDAGUR 25. FEBRÚAR 2016
Á FERÐ UMheiminn
Ásgeir Ingvarsson
ai@mbl.is
Ferðir Íslendinga til sólarlanda
virðast nokkurn veginn komnar í
eðlilegt horf. Klara Vigfúsdóttir for-
stöðumaður ferðaskrifstofunnar Úr-
val Útsýn segir mikla eftirspurn
hafa verið eftir sólarlandaferðum á
síðasta ári og pantanir fyrir þetta
sumar farið vel af stað. „Við erum
að auka töluvert við okkur af sól-
arsætum fyrir þetta sumar,“ segir
hún.
Ekki aðeins virðist landinn
hafa jafnað sig á hruninu marg-
umtalaða og farinn að ferðast reglu-
lega á ný, heldur má greina merki
þess að fólk lætur meira eftir sér í
ferðalögunum. „Við tökum eftir því
að viðskiptavinirnir eru að velja ögn
dýrari ferðir, eða ögn dýrari hótel
en áður. Er eins og margir leyfi sér
meiri lúxus á hótelinu eða kaupi
pakka þar sem meira er innifalið.“
Sólin suður á Spáni
Úrval Útsýn býður upp á
fjölda áfangastaða og liggur
straumurinn í suðrænar paradísir á
suðurströnd Spánar og út til Te-
nerife. „Í fyrra fórum við að bjóða á
ný upp á ferðir til Mallorca, eftir
nokkurra ára hlé, og hafa viðtök-
urnar verið vonum framar. Einnig
skella margir sér í sumarfrí til bæja
á borð við Almeria, Benedorm og
vitaskuld til Tenerife. Nýtt í sumar
hjá okkur er Meloneras á Kanarí,
sem er dásamlegur staður fyrir fjöl-
skyldur,“ segir Klara. „Byrjar sól-
arstrandatímabilið snemma í júní
þegar fjölskyldufólkið nýtir tæki-
færið til að ferðast við upphaf sum-
arfrís í skólum, en ferðalögin teygja
sig fram í september og margir
sem þykir gott að bæta nokkrum
dögum aftan við sumarið suður á
Spáni.“
Margt er í boði á hverjum stað
og tekur Klara það sérstaklega
fram að fjölskylduhótelin bjóði
mörg upp á mikla afþreyingu, s.s.
tívolí- og vatnsrennibrautagarða.
Fulltrúar ferðaskrifstofunnar eru á
hverjum stað og aðstoða og leið-
beina eins og þarf, hvort sem ferða-
löngunum hugnast að skoða gamlar
borgir, upplifa náttúrufegurðina
eða einfaldlega leigja sér bíl og aka
um sveitirnar.
Með FM 957 á Mallorca
Ein áhugaverð breyting er að
unga fólkið er farið að sækja í
auknum mæli í ferðapakkana hjá
Úrval Útsýn. Ein slík ungmenna-
ferð er til bæjarins Magaluf á Mal-
lorca og skipulögð í samvinnu við
útvarpsstöðia FM 957. „Við pruf-
uðum síðasta sumar að bjóða upp á
þessa ferð, auglýstum á útvarps-
stöðinni og allt fylltist. Magaluf er
sá bær á Mallorca sem þykir hafa
hvað skemmtilegast næturlíf og
þetta eru sannkallaðar djamm-
ferðir,“ útskýrir Klara. „Nú end-
urtökum við leikinn með far-
arstjórum frá FM 957. Verður
haldið sérstakt Íslendingapartý á
flottasta skemmtistað bæjarins,
BCM og von á óvæntum gestum.“
Segir Klara að reynslan síðasta
sumar hafi sýnt að mjög gott and-
rúmsloft myndast hjá hópnum í
Magaluf. „Það gerist eitthvað frá-
bært þegar ungt fólk kemur saman
á sólríkum og heitum stað til að
skemmta sér, ekki verra þegar allt
er innifalið og ógleymanlegt þegar
skemmtistaðirnir kveikja á froðu-
vélunum.“
Láta ögn meira eftir sér í ferðalögum
Íslendingar eru
farnir að leyfa sér
meiri lúxus í sum-
arfríum sínum
Mikill áhugi á
djammferð með FM
957 til Mallorca
Buna Á fjölskylduvænu hótelunum er oft margt skemmtilegt í boði, s.s. stórar vatnsrennibrautir þar sem ungir sem aldnir renna sér í góða veðrinu.
Morgunblaðið/Golli
Klassík Klara Vigfúsdóttir segir ganga vel að selja ferðir til Mallorca.
Umferðarmiðstöðin BSÍ • 101 Reykjavík • 580 5400 • main@re.is • www.flugrutan.is • www.re.is
BSÍ - Umferðarmiðstöðin
Reykjavík
Keflavíkurflugvöllur
Kauptu miða núna á www.flugrutan.is
*Miðast við að keyptur sé miði fram og til baka frá BSÍ eða Keflavíkurflugvelli á 4.000 kr.
2.000 kr.*
FYRIR AÐEINS
Alltaf laus sæti Alltaf ferðir Hagkvæmur kostur
Frí þráðlaus internet-
tenging í öllum bílum
Ferðatími u.þ.b.
45 mínútur
Umhverfisvænt
VIÐ
SKUTLUM
ÞÉR!
Áætlunarferðir Flugrútunnar eru í
tengslum við allar komur & brottfarir
flugvéla um Keflavíkurflugvöll.
Dreifingardeild Morgunblaðsins leitar að
fólki 13 ára og eldra, til að bera út blöð.
Blaðburður fer fram mánudaga til laugardaga
og þarf að vera lokið fyrir kl. 7 á morgnana.
Allar nánari upplýsingar í síma 569 1440 eða dreifing@mbl.is
Hafðu samband í dag
og byrjaðu launaða líkamsrækt strax á morgun.
www.mbl.is/laushverfi
Vantar þig aukapening?