Orð og tunga - 01.06.2001, Blaðsíða 9

Formáli ritstjóra
Orð og tunga kemur nú út í fimmta sinn. Nokkuð er liðið frá síðasta hefti en ástæðan
er sú að ritið er ekki hugsað sem ársrit heldur er það gefið út óreglulega eftir því
sem tilefni gefast. Tvö síðustu hefti voru ráðstefnurit. í hinu fyrra birtust greinar sem
unnar voru upp úr fyrirlestrum á málþingi Orðabókarinnar um Islensk-danska orðabók
Sigfúsar Blöndals sem haldið var haustið 1995. Hið síðara birti greinar um Islenska
orðabók sem kom út hjá Menningarsjóði 1963 og endurbætt 1983. Þær greinar voru
einnig unnar upp úr fyrirlestrum á málþingi Orðabókarinnar haustið 1997 sem haldið
var vegna endurútgáfu bókarinnar.
Að þessu sinni eru í ritinu tíu greinar. Þær eru af ólíkum toga en eru allar á sviði orð-
fræða eða orðabókarfræða. Þrjár þeirra fjalla um einstök orð. Baldur Jónsson skrifar um
orðið snœfölva, Gunnlaugur Ingólfsson um undireins og Valgerður Ema Þorvaldsdóttir
um orðin altan og svalir. Þrjár greinar eru um orðabókarverk sem þegar er lokið. Dóra
Hafsteinsdóttir og Sigríður Harðardóttir lýsa vinnu við Islensku alfrœðiorðabókina,
Kristín Bjarnadóttir skrifar um sagnlýsingu í þriðju útgáfu íslenskrar orðabókar, sem
kom út síðastliðið haust í tölvutæku formi, og Þórdís Ulfarsdóttir skrifar um matarorð
í sama riti. Jóhannes Bjami Sigtryggsson og Christopher Sanders lýsa í sinni grein
fornnorrænum orðalista sem unninn var við orðabókina í Kaupmannahöfn og mun birt-
ast á netinu innan skamms. Tvær greinar tengjast verkefnum Orðabókar Háskólans.
Guðrún Kvaran skrifar um vasabækur Bjöms M. Olsens og gagnsemi þeirra við athug-
anir á staðbundnum orðaforða og Jón Hilmar Jónsson skrifar um stöðu orðasambanda
í orðabókarlýsingu. Að lokum er í ritinu grein eftir Eirík Rögnvaldsson um stofngerð
íslenskra orða.
Allur undirbúningur undir prentun Orðs og tungu fór fram á Orðabók Háskólans
og var það verk í höndum Bessa Aðalsteinssonar. Háskólaútgáfan annaðist prentun og
dreifingu.
vii
Guðrún Kvaran