Bókasafnið - 01.06.2016, Síða 28

28 Bókasafnið 40. árg – 2016
Um áramótin tók nýtt sameinað þjónustuborð til starfa í Landsbókasafni Íslands - Háskólabókasafni. Alveg frá opnun safnsins 1. desember 1994
höfðu verið tvö aðskilin borð á annari hæðinni. Í
öðru borðinu sinntu starfsmenn útlánaþjónustu
en í hinu upplýsingaþjónustu og safnfræðslu
ásamt heimildaleitum. Hugmyndin um eitt
þjónustuborð hafði lengi verið rædd áður en
hún varð að veruleika. Fyrstu skrefi n voru
stigin snemma árs 2012 þegar skipaður var
hópur til að fj alla um breytingar á nýtingu
rýmis í Þjóðarbókhlöðu í ljósi breyttrar starf-
semi. Fyrsti fundur hópsins var haldinn í apríl
sama ár og fj allaði hann meðal annars um hugsan-
lega sameiningu borðanna, hvaða forsendur væru fyrir henni
og hvaða þjónustu ætti að veita.
Hópurinn fj allaði líka um önnur mál svo sem breytingar á
fj órðu hæð þar sem mikil þrengsli eru, mikið vannýtt rými
á þriðju hæðinni og svo hvort gera ætti aðra hæðina að
„talandi“ hæð og skapa aðstöðu fyrir hópvinnu þar. Síðast-
nefnda atriðið varð reyndar að raunveruleika vorið 2014.
Hópurinn var nokkuð sammála um að eitt þjónustuborð
yrði til bóta. Kannað var hvernig málum var háttað í sam-
bærilegum söfnum í nágrannalöndunum og þar reyndist eitt
borð vera algengasta lausnin. Byrjað var á því að lesa sér til
og kynna sér reynslu annarra með lestri tímaritsgreina um
sameiningu borða, setja saman lista yfi r störfi n sem unnin
voru í hvoru borði fyrir sig og telja upp bæði kosti og galla
við sameiningu borðanna. Lögð var áhersla á að tilgangur
sameiningarinnar ætti að vera betri þjónusta við safngestina.
Meðal spurninga sem starfsmenn veltu fyrir sér voru: Hvar
á borðið að vera staðsett? Á að biðja arkitekta hússins um að
gera tillögu að nýju borði? Hve margir eiga að vera í borð-
inu á hverri vakt? Verður tækifærið nýtt og sparað í mann-
skap? Er ekki nauðsynlegt að setja upp sjálfsafgreiðsluvél?
Þyrftu allir starfsmenn að geta sinnt sömu þjónustunni
eða ætti hún að vera aðskilin þótt borðið væri eitt? Hvaða
áhrif hefur það á kröfur um menntun og reynslu? Rætt
var stuttlega um mikilvægi þess að geta boðið upp
á betri tölvuaðstoð - þörfi n á því væri sífellt að
aukast.
Á þessum tíma voru borðin tvö, hvort á sínu
sviðinu, útlánin tilheyrðu þjónustusviði og
upplýsingaþjónustan tilheyrði miðlunarsviði.
Starfsmenn veltu því einnig fyrir sér hvoru
sviðinu nýtt borð myndi tilheyra. Það leystist
með sameiningu sviðanna í eitt svið, þjónustu- og
miðlunarsvið, í apríl 2015.
Eitt þjónustuborð
– Sameining útlánaborðs o g upplýsingaborðs
í Landsbókasafni Íslands – Háskólabókasafni
Áslaug Agnarsdóttir er BA í bókasafnsfræði og MLIS í bókasafns- og upplýsingafræði.
Hún starfar sem sviðsstjóri þjónustu- og miðlunarsviðs á Landsbókasafni Íslands – Háskólabókasafni.