Bókasafnið - 01.06.2016, Qupperneq 29

Bókasafnið 40. árg – 2016 29
Sameiningin var rædd lengi og það var ekki fyrr en 2015
sem ákveðið var að ráðast í framkvæmdir. Í fyrstu var rætt
um að hafa borðið tilbúið þegar haustmisserið hæfist í
september. Ákveðið var að fjárfesta í sjálfsafgreiðsluvél og
arkitektar hússins komu á fund til að ræða nýtt skipulag.
Sjálfsafgreiðsluvélin var tekin í notkun á haustmisserinu en
það dróst að sameina borðin. Á endanum var ákveðið að
ráðast ekki í framkvæmdina fyrr en að loknum prófum við
Háskóla Íslands í desember.
Borðið sem varð fyrir valinu var teiknað upp af hússtjóra
safnsins og fól í sér nýtingu gömlu borðanna tveggja með
örfáum breytingum. Það þótti bæði ódýr og góð lausn. Um
leið og prófum lauk hófust framkvæmdirnar. Huga þurfti
að tölvu- og símalögnum og smíða þurfti nokkrar nýjar
einingar. En allt gekk þetta hratt og vel fyrir sig og í upphafi
árs 2016 var nýja þjónustuborðið nánast tilbúið til notkunar.
Segja má að starfsmenn þjónustu- og miðlunarsviðs séu
að mestu leyti ánægðir með sameininguna þótt enn sé
lítil reynsla komin. Ákveðið var að starfsemi upplýsinga-
þjónustunnar og útlánin skyldu ekki sameinuð strax þótt
borðið væri eitt heldur væri betra að fara hægt í sakirnar.
Að sjálfsögðu er stefnt að meiri samvinnu þessara tveggja
eininga þegar líður á misserið en segja má að enn sé í gangi
tilraunafasi.
Þegar öllu er á botninn hvolft verður það ánægja safngesta
með breytinguna sem sker úr um hvort hún hafi heppnast
vel eða ekki. Í lok þessa árs verður því farið yfir stöðuna og
vonandi getum við þá fagnað velheppnuðu framtaki.
SBU
SBU