Bókasafnið - 01.06.2016, Qupperneq 52

52 Bókasafnið 40. árg – 2016
að sjá hvernig tekist hefur að tvinna saman gamalli timbur-
húsabyggð og nýrri byggingarlist sem skapar sérstakt jafn-
vægi. Þar voru einnig áberandi fjölmörg útilistaverk sem
nutu sín sérstaklega vel í þeim mörgu opnu svæðum sem
einkenna Umeå. Þar mátti til dæmis sjá texta úr skáld-
verkum Söru Lidman, sem ættuð er frá Västerbotten, prýða
göngugötur nálægt járnbrautarstöð borgarinnar.
Að lokinni þessari 29. ráðstefnu ARLIS/Norden skilur sjálf
upplifunin af öllu því sem heyrt var og séð mest eftir sig.
Áhrifin sitja eftir sem dulin vitneskja og dýrmætur sjóður
sem ávallt er hægt að sækja í og læra af. Fyrir utan hefð-
bundna dagskrá voru hin praktísku mál rædd við kollegana,
bornar saman bækur, nýjungar viðraðar, spurt og leitað
lausna. Styrkt voru tengsl milli bókasafna og stofnana, ein-
stök verkefni kynnt og - hvað höfund varðar sérstaklega
- efld mikilvæg samvinna skiptafélaga bókasafns Þjóðminja-
safnsins.
Kærar þakkir Umeå!