Dagblaðið Vísir - DV - 15.05.2015, Qupperneq 4

Helgarblað 15.–18. maí 20154 Fréttir
Úra og skart-
gripaverslun
Heide Glæsibæ
Við erum líka á Facebook
Tilvalin
ferming-
argjöf
Þ
að verður bara að taka á
þessu,“ segir Auður Guðjóns­
dóttir, formaður Mænuskaða­
stofnunar Íslands.
Mænuskaðastofnunin, SEM
samtök endurhæfðra mænu­
skaddaðra, MS­félagið, MND fé­
lag Íslands, Lauf félag flogaveikra,
Heilaheill, Geðhjálp og Parkinson­
samtökin hafa sett í gang undir­
skriftasöfnun á vefsíðunni tauga­
kerfid.is.
Þar óska þau eftir stuðningi ís­
lensku þjóðarinnar við beiðni þeirra
til aðalritara Sameinuðu þjóðanna,
Ban Ki­moon, um að mæla fyrir því
við fulltrúa aðildarríkja SÞ að þau
samþykki að bæta við nýju þróunar­
markmiði. Það snýr að því að efla
rannsóknir á taugakerfinu og auka á
þann hátt skilning á starfsemi þess.
„Þessi hugmynd kviknaði þannig
að Ban Ki­moon skrifaði í blöð og
hvatti grasrótarsamtök þjóða heims
til að koma með tillögur að þróunar­
markmiðum. Þá fékk ég þessa hug­
mynd að reyna að fá tauga kerfið
sem þróunarmarkmið vegna þess
að það er milljarður manna í heim­
inum sem þjáist vegna sjúkdóma og
skaða í taugakerfinu,“ segir Auður
og vísar þar í tölur frá Alþjóðaheil­
brigðisstofnuninni.
Meginástæða þess hve erfiðlega
gengur að finna lækningu við til
dæmis mænu­ og heilasköðum
og taugasjúkdómum er sú að vís­
indasamfélagið hefur takmarkaðan
skilning á virkni taugakerfisins.
Talið er að um 3.000 Íslendingar
séu flogaveikir, auk þess sem um
600 Íslendingar fá heilablóðfall ár­
lega og um 450 manns eru með MS­
sjúkdóminn, svo dæmi séu tekin.
Auður sendi Ban Ki­moon sjálf
bréf þar sem hún óskaði eftir stuðn­
ingi hans. „Ég fékk gott svar frá hans
hægri hönd þar sem mér var þakk­
að fyrir bréfið. Þar sagði að það yrði
ábyggilega tekið tillit til orða minna
á allsherjarþingi Sameinuðu þjóð­
anna í september,“ segir hún. n
freyr@dv.is
Íslendingar skora á Ban Ki-moon
Undirskriftasöfnun hafin á taugakerfid.is til að setja þrýsting á Sameinuðu þjóðirnar
Auður Guðjónsdóttir Hvetur Íslendinga
til að taka þátt áskoruninni á Taugakerfid.is
F
innur Árnason, forstjóri
verslunarfyrirtækisins Haga,
fékk bónusgreiðslur á síð­
asta rekstrarári sem námu
heildargrunnlaunum hans
hjá fyrirtækinu. Samkvæmt árs­
reikningi Haga fyrir rekstrar árið
2014/2015 var Finnur með 35,3
milljónir króna í grunnlaun en 35
milljónir í árangurstengdar bónus­
greiðslur. Þegar bifreiðarhlunnindi
forstjórans upp á 3,2 milljónir króna
á rekstrarárinu eru taldar með námu
árslaun hans 73,5 milljónum króna.
Það gerir 6,1 milljón króna á mánuði.
Hagar hf., sem skráð er í Kaup­
höll Íslands, á sem kunnugt er mat­
vöruverslanirnar Bónus og Hagkaup,
vöru­ og dreifingarfyrirtækin Aðföng
og innflutnings­ og dreifingarfyrir­
tækið Banana ehf. og tískuvöruversl­
anirnar Karen Millen, Debenhams,
Top Shop og Zara svo fátt eitt sé
nefnt. Félagið birti ársreikning sinn í
vikunni þar sem fram kom að hagn­
aður Haga hefði numið rúmum 3,8
milljörðum króna á síðasta rekstr­
arári. Samkvæmt tillögu sem liggur
fyrir aðalfundi félagsins sem fram fer
4. júní næstkomandi leggur stjórn
Haga til að hluthöfum verði greiddar
tæpar 1.992 milljónir króna í arð. Það
er umtalsverð aukning frá síðasta
rekstrarári þegar arðgreiðslur námu
um 1.200 milljónum króna. Hagnað­
ur Haga hf., bara síðustu tvö rekstrar­
ár, nemur 7,7 milljörðum króna.
7,7 milljarða hagnaður síðustu 2 ár
Reksturinn hefur því gengið vel og
nýtur forstjórinn greinilega góðs af
því í formi bónusgreiðslna. Á sama
tíma og Hagar hafa hagnast um 7,7
milljarða á síðustu tveimur árum
hafa bónusgreiðslur til Finns numið
70,3 milljónum króna á tímabilinu
ofan á 69,7 milljóna króna grunn­
laun forstjórans.
Vilhjálmur Birgisson, formaður
Verkalýðsfélags Akraness, gerði
hagnað Haga á síðasta rekstrarári að
umtalsefni í pistli á heimasíðu sinni
og setti í samhengi við yfirstandandi
kjarabaráttu fyrir hækkun lágmarks­
launa. Telur hann ljóst að nægt svig­
rúm sé hjá fyrirtækinu til að hækka
laun síns starfsfólks.
„Ætlar einhver að halda því fram
að Hagar hafi ekki tækifæri til að
lagfæra kjör afgreiðslufólksins sem
starfar til dæmis á kassa í stór­
mörkuðum tengdum fyrirtæk­
inu? Að sjálfsögðu er slíkt hægt
og þessar launabreytingar þarf
að sækja af fullum þunga.“
Árslaun á við tugi
kassastarfsmanna
Eins og fram kemur í viðtali
við Vilhjálm í DV í dag, í um­
fjöllun um launaþróun fram­
kvæmdastjóra lífeyrissjóða,
„slefar“ afgreiðslufólk á köss­
um matvöruverslana „rétt yfir
200 þúsund krónur á mánuði.“
Ef við gefum okkur að
starfsmenn á kassa séu með
lágmarkslaun, 214 þúsund
krónur á mánuði, gerir það
ríflega 2,5 milljónir í árslaun.
Út frá þessu má finna út að
heildarárslaun forstjóra móðurfé­
lags fyrirtækjanna sem þeir starfa
hjá, eru á við árslaun 29 kassastarfs­
manna.
Hagnaður Haga einn og sér dugar
til að dekka árslaun 1.520 kassa­
starfsmanna á lágmarkslaunum.
Það væsir því ekki um forstjórann
en miðað við þessar tölur er Finnur
Árnason næstlaunahæsti forstjóri
félaga sem skráð eru í Kauphöll Ís­
lands. Aðeins Jón Sigurðsson, for­
stjóri Össurar sem er fullkomlega sér
á báti hvað laun varðar, er með hærri
laun eða 19,6 milljónir á mánuði.
Vildi lækka launin um helming
Laun forstjóra Haga hafa áður verið
bitbein í umræðunni. Í fyrra lagði
Arnar Pálsson, framkvæmdastjóri
Landssambands smábátaeigenda
og fulltrúi Gildis lífeyrissjóðs í stjórn
Haga, fram tillögu um að ráðningar­
samningur Finns yrði endurskoðað­
ur og laun hans lækkuð um helming.
Lagði Örn tillöguna fram á ársfundi
Gildis í lok apríl í fyrra. Sagði Örn
við það tilefni að fullkomlega óeðli­
legt væri að lífeyrissjóður stæði að
fyrirtækjum sem „ekki hafa þokkalegt
siðferði í launamálum stjórnenda.“
Stjórnarformaður Gildis sagði
síðar í fjölmiðlum að tillaga Arn­
ar væri ótæk, lagaleg rök hennar
héldu ekki og fjaraði málið því út
og eins og sjá má á ársreikningi síð­
asta rekstrar árs hækkuðu grunnlaun
Finns um 2,6 prósent milli rekstrar­
ára. Eða um 900 þúsund krónur. n
Bónusarnir
ágætis búbót
Rekstrarárið 2014/2015
Grunnlaun: 35,3 milljónir
Bifreiðarhlunnindi: 3,2 milljónir
Bónusgreiðslur: 35 milljónir
Rekstrarárið 2013/2014
Grunnlaun: 34,4 milljónir
Bifreiðarhlunnindi: 2,6 milljónir
Bónusgreiðslur: 35,3 milljónir
á við árslaunin
Sigurður Mikael Jónsson
mikael@dv.is
n Hagar hagnast um milljarða og forstjórinn nýtur
góðs af því n 35 milljónir í árangurstengdar greiðslur„Ætlar einhver að
halda því fram að
Hagar hafi ekki tækifæri
til að lagfæra kjör af-
greiðslufólksins?
Nýtur góðs af góðu gengi
Finnur Árnason, forstjóri Haga hf.,
fær árangurstengdar greiðslur sem
nema grunnárslaunum hans ár eftir
ár. Hagar hagnast um milljarða á
milljarða ofan og nýtur forstjórinn
góðs af góðu gengi. MyNd ViðSkiptABlAðið
Ekkert bruðl? Bónus er eitt þeirra fyrirtækja sem eru í eigu Haga.