Gripla - 20.12.2015, Síða 158

GRIPLA158
nockvt vida [000000000000000] þionostv og bera f[00000000000000]
de efter sinne skyl[00000000000]
Am 667 XI 4to
[1ra] vt hlytt ordv[m] læresveinana. Þa sagdizt hvn þat ecki mega giora
nema kongren af hispanien giæfe henne leyfi til adr þar vmm og sagde
þeim med falskligre vnder hyggiv at þeir skyllde fara fyrst og finna kongen
af híspania ok heyra til hvat sem hann villde hier til svars. þviat hvn visse
þat vel at hann var jllvr og ærvlavꜱ. Og er þeir komv fyrer konggen þa barv
þeir vpp sitt erinde og badv hann giefa sit leyfe til at likamvr sancte jacobꜱ
mætte grafazt. en þegar ath kongren heyrer nefndan sancte jacob þa brazt
hann vid reidr og liet thaka læresveinana og kastade þeim j dypplizv eda
myrckva stofv og gieck si[da]n til bordz. en ꜳ medan ath kongr sat vnder
bordvm. þꜳ kom gvdz eingill og lavk vpp myrckva stofvnne og sagde þeim
at þeir skylldv ganga j bvrtt þadan þa vrdv þeir glader vid þetta og þavckvdv
gvde fyrer sina nad og myskvn er hann synde þeim. litlv sidar komv nockvr-
er menn jnn fyrer kongen og savgdv honvm at myrckva stofann stæde open
og fangarner aller vorv horfner j bvrttv Og er kongr h[e]yrer þetta. þꜳ liggr
honvm vid at hamazt og skipar at þeira skal leita og eckí vid linna fyrr enn
þeir erv fvndner og fiottrader. sidan var þeira leítad og vmm síder þa komv
sende menn kongsenꜱ so nær læresveinvm sancte jacobꜱ at hvorer tveggiv
mattv sia adra og var þo so hattad ath eín *elfr var mikil ꜳ mille og lꜳ eín
brv yfer ꜳ er sende mennener attv og yfer at fara en híner vorv adr yfer vmm
komner. Og þegar at sende menn kongꜱ síꜳ til fanganna þꜳ glediazt þeir og
þykiazt nv vel hafa framm gengit at þeir gíeta færtt þa konge
[1rb] postvlanꜱ. þvi hann þykezt nv vijst vitha ath þetta mvnde vera gvdz
vile og skipan og bídr latha fara efter sende mavnnvm sancte jacobꜱ fyrer
vtan nockvra dvol eda hindran og bidr þa vmm fyrer einꜱ at koma aftvr thil
sins og finna sig og lætvr þat segia þeim med at þeir skvlv fꜳ sínn vilia og
þat þeir beidazt þat skvlv þeim veitt verda en þegar at bodskapvr kongsins
kom til sende manna postvlanꜱ. þa vrdv þeir glader vid þat og forv aftvr og
fvndv kongínn og tavldv þa so leinge heillaga trv fyrer honvm og avnnvr
stor merke gvdz almatthogꜱ at kongren thok vid kristeligre trv og liet skíra
sig og margtt folk med honvm kristnadizth og þa. ecki leid míog langt adr
*elfr] possibly olfr
GRIPLA XXVI. - 12.12.B.indd 158 12/13/15 8:24:45 PM