Gripla - 20.12.2015, Side 162

GRIPLA162
vnde darna vastede he .vj. maente. to water vnde to brode. vnde waert eyn
guet mynsche. vnde starff salichliken Do quam ouer de stemme godes.
vnde sprak to sunte Andreas. jk hebbe Nicolaum van dyneme bede wedder
gheuunden den yk vorlaren hadde. des dankede he gode.
ein yungelink was eyn cristen. de bekande sunte Andreas hyllicheit
wol. de quam to em vnde klagede em hemeliken vnde sprak. darumme
dat yk schone byn. heft myn moder eyn boze begheer to my. vnde bath
my dat yck by eer wolde slapen. Do yck dat nicht doen wolde. do wart se
tornich. vnde ghink to deme rychtere vnde sprak. dat yck mit eer wolde
ghesundiget hebben. darumme bydde got vor my. wente ik wil my der sake
nicht entleggen. vnde wil leuer steruen dan yk myne moder wil to schanden
bringen. do ghynk de yungelink vor dat gerichte. vnde sunte andreas mit
em. Do klagede ene syn moder an. Do swech he stylle. vnde wolde nicht
spreken. do sede sunte Andreas to der moder du alderbozeste vrouwe.
wultu dynen sone vmme dyne boze lust laten doden. do sede se to deme
rychtere. myn sone hefft syck darna by dyssen mynschen ghegeuen. do he
dat werck mit mi nicht vullenbringen mochte. Do wart de rychter tornich.
vnde leet den sone in enen dychten sack stoten. vnde in eyn water werpen.
vnde leet sunte Andream in enen kerkener leggen. beth he syk bedachte wo
he ene doden wolde. Do reep he vnsen heren mit groter andacht an. da he
bewysede we recht hadde. Do quaz dar ene ertbeuynge. dat de rychter van
deme stole vil vnde dat volck to der erden. vnde eyn donreslach de sloch dat
boze wijf doet. Do kregen de lude grote ruwe vor ere sunde. vnde beden
sunte Andream dat he got vor se bede Dat dede he. do waert dat wedder
stylle. do leth syck de rychter dopen mit alle synem huszgesinde.
Do de leue sunte Andreas in der stat nycea was. do klageden em de
borgere. dat an der anderen syden der stat .vij. bozegheste weren. de dode-
den de minschen de daer hen gaen wolden. Do quam he in de stede. vnde
both den vyenden dat se syk den mynschen wyseden. tohant sach men se in
hundes staltnisse. darna both he en dat se in ene stede voren dar se nenem
mynschen schaden konden. Do vorswunden se tohant. do de mynschen
dat teken seghen. do loueden se an vnsen heren jesum cristum.
darna gink sunte Andreas in ene andere stad do he vor der stat doer
quam. do droch men em enen doden yungelink entyegen. Do vraghede
he wo em ghescheen were. Do seden se. Dar quemen .vij. hunde in syne
slaepkamere de doden ene. do sprack sunte Andreas yeghen syk suluen. jk
GRIPLA XXVI. - 12.12.B.indd 162 12/13/15 8:24:46 PM