Gripla - 20.12.2015, Side 163

163
weet dat wol dat yd sint de bozegheste de yck van nicea vordreuen hebbe.
vnde sprak do to syneme vader. Wat ghyfstu my dat yk dynen sone wed-
der leuendich make. do sede de vader. jck hebbe nicht leuer dan mynen
sone den gheue yk dy. do reep he vnsen heren an. vnde de yungelinck wart
tohant leuendich. vnde wart syn yunger.
Up ene tijt voren in eneme schepe .xl. mans to sunte Andreas. vnde
wolden den cristene louen van em leren. Des wart de vyent tornich. vnde
bewegede dat mer dat se alle vor drunken. do brochte men ere lychamme
alle vor sunte Andreas. vnde seden dat se den louen van em wolden ghe-
lert hebben. Do vorwarff he en van gode dat se tohant wedder leuendich
worden. vnde bekeerde se alle to gode.
Darna quam sunte Andreas in dat lant Achaia. vnde makede dar vele
kerken. vnde bekeerde vele volkes to deme cristen louen. vnde bekerde des
richters Egee vrouwe. vnde lerde er den cristen louen. vnde dofte se dat
vornam de richter dat he also vele volkes hadde bekeert. vnde wart ghans
tornich. vnde sprak. du scalt den affgoden offeren. efte du most steruen.
do sprak he. god heft my in dyt lant ghesant vmme der zelen heyl. so heb-
be yk myt der hulpe godes der mynschen eyn groet deel to deme cristene
louen ghebrocht. de scolen syk vrouwen. wente se kamen to den ewyghen
vrouden. de in ewycheyt blyft. Do waert de rychter tornich. vnde leet ene
so seer slaen. dat syn bloed van em leep. dat leeth he duldichliken. vnde
trostede dat volk in dem lydende vnde sprak jk achte der martere nicht.
wente myn here vnde myn god heft vele vmme mynen willen geleden. do
sede de richter. du most noch vele lyden. vnde most ghekruciget werden
als dyn here jhesus cristus. do sprack sunte Andreas. des dodes hebbe yk
alletijt beghert. wente yck byn des ghekrucigeden knecht. [AM 667 V 4to
1ra begins] do heet ene de rychter an dat kruce bynden. darumme dat syne
marter deste lenger waerde. wente hadde men ene an dat kruce genegelt.
so were he tohant gestoruen. Do weren de lude gans drouich vmme ene
vnde spreken. de reyne man is eyn vrunt godes. vnde hefft nycht vordenet
dat men ene krucigen schal. vnde weneden darumme. do bath he dat volck
vlytighen dat se syne martere nicht vorhynderden. vnde reep to deme
kruce. Wes ghegrotet du hylge kruce. des lycham vnses heren jesu cristi
de dy hylgede do he den doet an dy leth dar bystu beth van ghekledet.
dan offte du mit golde werest dorch gheslagen. vnde myt eddelen stenen
ghetzyret. de ledemate vnses heren ihesu cristi hebben dy ghetzyret als de
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 163 12/13/15 8:24:47 PM