Gripla - 20.12.2015, Side 167

167
bringen. Do wart sunte iacob gesecht dat philetus nicht van der stede gaen
mochte Do sande he em synen sweetdoek. Do em de wart. do ghink he
vryg van dar. Do dat syn meyster Hermogenes horde. do sande he twe
bozegheste to sunte jacob. vnde boet en dat se ene vor em brochten. do de
bozengheste to sunte iacob quemen. do repen se lude Godes knecht du
bernest vns sere. Hermogenes heft vns to dy ghesant. da wi di to em brin-
gen scolen. do dat sunte iacob horde. do sprack he to den bozenghesten.
Bringet my den meyster her Do weren se em horsaz vnde brochten den
meyster Hermogenem vor sunte iacob mit ghebunden henden vp den
rugge. vnde spreken to em. godes knecht help vns dat vns de meyster nicht
meer erre. vnde gyf vns walt ouer em. dat wi ene moghen wech voren. do
sprak sunte jacob. Neen. vnde sprak vort to Phileto. Loze dynen meyster
vp. vnde vorghelde quaed myt gude. alze dat hyllighe ewangelium leret.
vnde heet de bozengheste wech varen. Do lozede Philetus synen meyster
vp. vnde Hermogenes bad sunte iacob dat he em wat gheue dat em de
bozengheste nicht meer mochten schaden doen do gaff he em sinen staff.
do schedede Hermogenes mit schanden van sunte iacob. vnde quam drade
wedder to em. vnde brochte ene kisten vul boke. vnde lede se vor em ned-
der Do heet se sunte Jacob alle in dat meer werpen vnde sprak Hadde men
de boke vorbrant so weren de mynschen van dem stancke krank ghe-
worden. Do wart de meyster hermogenes cristen. vnde leet sik dopen. do
sprack sunte Jacob tho em. Dat guet dat du mit vnrechte ghewunnen hefst.
dat gyff dorch god. vnde heet den meyster Hermogenem darna preddyken.
vnde heet em alle dat wedderspreken dat he en ghelert hadde. vnde sprak
he scholde deme volke seggen dat se mit der suluen syner lere vordomet
worden Darna heet em sunte Jacob de affgode vorbernen. dat dede de
meyster vnde volghede syner lere. vnde do de meyster bekert wart. vnde
ghink mit sunte Jacob. dar worden vele mynschen van bekeret vnde leten
syk dopen. do dat de yoden seghen. do worden se tornich. Do weren to
deme male twe mechtighe heren. de heten Lisie vnde theodrisie. de had-
den .cc. denre. de boden den yoden dat se sunte jacob vengen. vnde gheuen
en groet guet dar voer. Do vengen se ene. dat was den menen volke leed.
vnde spreken. men scolde ene loes laten. hadde he wat ghedaen. dar scolde
me ene vmme straffen vnde nicht doden. do leten se sunte jacob los. vnde
dat volk quam tosamende. vnde wolden horen wat he hadde ghedaen. Do
sprak sunte iacob. Ik hebbe anders nicht ghedaen. men dat yk ghepreddiket
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 167 12/13/15 8:24:47 PM