Gripla - 20.12.2015, Qupperneq 169

169
vnde roder vorleten se sik na deme willen godes. aldus leidede de engel
godes dat schyp in Galicien. in eyn ryke der konninghinnen gheheten
Lupa. vnde nemen den lycham vth deme schepe. vnde leden ene vp enen
groten steen de dar lach. van stunden an tovlot de steen alze weck wasz.
vnde vlech syk na deme lychamme alze eyn sarck. darna ghingen de iung-
here to der konninghinnen Lupa. vnde seden. Unse here ihesus cristus
sendet to dy den lycham sunte jacobi synes iungheren den du nicht woldest
entfanghen leuendich. [AM 667 V 4to 3vb ends] den nym to di doet vnde
seden er wo se sunder sture dar komen weren. vnde beden van er ene stede
dar se den lycham begrauen mochten. do de konnynghynne [AM 667 XI
4to 1ra begins] ere rede ghehort hadde. do sende se de iunghere valsck-
liken to deme konnynghe van Hyspanien. de eyn boze man was. Do ghin-
gen de iunghere to deme konninghe. vnde beden dat se den licham mochten
begrauen. Do wart de konnink tornich. vnde leet de iunghere vangen vnde
lede se in den kerkener. vnde he settede syck to der tafelen. Do quam de
engel godes. vnde dede den kerkener vp. vnde leet se wech gaen. do worden
se vro. vnde dankeden gode syner gnaden do dat deme konninghe toweten
wart. do waert he tornich. vnde heet se tohant wedder gripen. do mosten
de denre ouer ene brugghe rijden. de de iunghere scolden vangen. [AM
667 XI 4to 1rb begins] do halp en god ouer. vnde vorhenghede dat de
brugge tobrak vnde de denre vordrunken alle in deme water. Do dat de
konnink horde. do beghunde he syck sere to vruchtende. vnde merkede wol
dat id van gode alzo gheschykket was. vnde was em leet dat he se bedrouet
hadde. vnde sande wedder na en. vnde entboet en dat se to em quemen. se
scolden alle des ghetwidet werden dat se ghebeden hadden. Do worden se
vro. vnde quemen to deme konninghe. vnde seden em so vele van deme
cristene louen. dat he syk bekerde mit veleme volke. do dat de konning-
hinne horde. do wart se sere bedrouet. vnde sande ok na den iungheren. do
quemen se to er. vnde seden dat en de konnynk vorlouet hadde dat se den
lycham begrauen mochten. vnde beden se dat se ere gnade ok dar to dede.
do sprak se in enem valscken sinne. nemet twe wilde ossen vp deme
berch. vnde stellet se vor deme waghen. vnde legget den licham dar vp. wor
se ene hen voren. dar scole gy ene begrauen. vnde bouwet em dar ein mun-
ster. Se menede de ossen weren wilde vnde vnghetemmet. se konden se
nicht vangen. noch in den waghen spannen. Se meende ok. yft se de ossen
vengen vnde in den waghen spennen. so weren se so wilde. se scolden den
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 169 12/13/15 8:24:48 PM