Gripla - 20.12.2015, Qupperneq 171

171
here sunte jacob. ik hebbe dy gheholden. als yk dy ghelauet hadde. men
my is ghans ouel ghelonet. wente yk hebbe mynen leuen sone vorloren.
vnde ghink do wedder van dar na husz in syn lant. vnde was ghans sere be-
drouet. vnde was wol dre weken vorgaen. dat men synen sone ghehangen
hadde. Do quam he wedder to Gelfenach. vnde sach synen sone and dem
galgen mit groten leede. vnde greep ene an syne bene. do sprack de sone.
Leue vader do my nicht wee Do vorschrak de vader. wente he menede he
were doet. Do krech de vader hopeninghe vnde sprak. Leue sone leuestu
noch. Do sprak de sone Ja loue des in der warheit. Do wart de vader ghans
vro. vnde sprak. Leue sone we heft dy so lange entholden. dat du nicht
ghestoruen bist. do sprak de sone. Unse here jhesus cristus. vnde de hyl-
lighe apostel godes sunte Jacob. de is altijd by my ghewest. vnde heft vnder
mynen voten ghestaen. vnde heft my vpgheholden. dat yk noch leue. do
leep de vader tohant to dem richter. de ghink to syner kokene. do bereyde
men em twe honre. Do sprak de vader to deme richter. Jk bidde iuw. dat
gy my vorlouen. dat yk mynen sone moghe van deme gagen nemen. wente
he leuet noch. Do sprak de richter spotliken. dat weet yk wol. leuet he
noch. so leuen de honre an dem spete ok. do sprungen de honre tohant
van deme spete. vnde worden leuendich. vnde kreghen vedderen. dat
nam dem richter groet wunder. vnde heet do beseen yft syn sone an deme
galgen noch leuede. do sede men em. id were war. Do ghynk he mit alle
synen vrunden to deme galgen. vnde nemen ene dar aff. vnde vragheden
ene wo em ghescheen were. Do sprack he. Myn leue here sunte Jacob heft
alletit vnder mynen voten ghestaen. vnde heft my ghehulpen dat yk noch
leue. vnde heft vns gheneten laten dat wy vnschuldich sint. Do spreken de
minschen. uorwar weren se schuldich ghewezen. de leue here sunte Jacob
hadde en nicht gheholpen. do venk men den weerd de bekande. dat he en
vnrecht hadde ghedaen. vnde men dodede ene do.
to ener tijt was eyn mynsche de hadde vele grote sunde ghedaen. do
bychtede he enem bisscoppe syne sunde. vnde do he ene horde. do dorste
he ene nicht dar van aff lozen. darumme dat he so grote sunde ghedaen
hadde. He scref syne sunde in enen breeff. vnde schykkede ene to sunte
Jacob. Do he nu to sunte Jacobs munster quam. do lede he den breef vp
sunte iacobs altar. vnde dat was an syneme daghe. vnde bad den leuen heren
sunte Jacob dorch alle werdicheit vnde gude de he mit gode hadde. dat he
syne sunde wolde vthdelghen. vnde em wolde to erkennen gheuen. yft em
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 171 12/13/15 8:24:48 PM